ಲಡ್ಡು ಬಂದು ಬಾಯಿಗೆ ಬಿತ್ತು: 17 ಅತೃಪ್ತ ಶಾಸಕರ ಅನರ್ಹತೆ ಬಿಜೆಪಿಗೆ ಹೆಚ್ಚು ಲಾಭವಾಗೋದೇಗೆ?
ಕಾಂಗ್ರೆಸ್ ಹಾಗೂ ಜೆಡಿಎಸ್ ನ ಒಟ್ಟು 17 ಶಾಸಕರನ್ನು ಅನರ್ಹಗೊಳಿಸಿ ಸ್ಪೀಕರ್ ರಮೇಶ್ ಕುಮಾರ್ ನೀಡಿರುವ ತೀರ್ಪು, ಬಿಜೆಪಿಗೆ ಲಾಭದಾಯಕವಾಗಿದೆ. ಆ ಮೂಲಕ ವಿಶ್ವಾಸಮತ ಯಾಚನೆಯಲ್ಲಿ...
Published On :
ಬೆಂಗಳೂರು: ಕಾಂಗ್ರೆಸ್ ಹಾಗೂ ಜೆಡಿಎಸ್ ನ ಒಟ್ಟು 17 ಶಾಸಕರನ್ನು ಅನರ್ಹಗೊಳಿಸಿ ಸ್ಪೀಕರ್ ರಮೇಶ್ ಕುಮಾರ್ ನೀಡಿರುವ ತೀರ್ಪು, ಬಿಜೆಪಿಗೆ ಲಾಭದಾಯಕವಾಗಿದೆ. ಆ ಮೂಲಕ ವಿಶ್ವಾಸಮತ ಯಾಚನೆಯಲ್ಲಿ ಬಿಜೆಪಿಗೆ ಬಹುಮತ ಸಾಬೀತು ಪಡಿಸುವುದು ಸಲೀಸಾಗಲಿದೆ.
ವಿಧಾನಸಭೆಯ ಒಟ್ಟುಬಲಾಬಲ 224- ಇದರಲ್ಲಿ ಬಿಜೆಪಿ 105, ಕಾಂಗ್ರೆಸ್ 79, ಜೆಡಿಎಸ್ 37, ಪಕ್ಷೇತರ 1, ಕೆಪಿಜೆಪಿ 1, ಬಿಎಸ್ ಪಿ 1. ಕಾಂಗ್ರೆಸ್ ಬೆಂಬಲಿತ ಕೆಪಿಜೆಪಿಯ 1 ಕಾಂಗ್ರೆಸ್ ನ ಒಟ್ಟು 80 ಸದಸ್ಯರಲ್ಲಿ 14 ಶಾಸಕರು ಹಾಗೂ ಜೆಡಿಎಸ್ ನ 37 ರಲ್ಲಿ 3 ಶಾಸಕರು ಅನರ್ಹರಾಗಿದ್ದು, ವಿಧಾನಸಭೆಯಲ್ಲಿ ಸ್ಪೀಕರ್ ಬಿಟ್ಟು ಕಾಂಗ್ರೆಸ್ 64, ಜೆಡಿಎಸ್ 34 ಸದಸ್ಯರು ಉಳಿದಿದ್ದಾರೆ.
ಒಟ್ಟು 17 ಶಾಸಕರ ಅನರ್ಹತೆಯಿಂದ ಸದ್ಯದ ವಿಧಾನಸಭೆಯ ಒಟ್ಟು ಸದಸ್ಯರ ಸಂಖ್ಯಾಬಲ 208 ಕ್ಕೆ ಕುಸಿದಿದೆ. ಬ ಪಕ್ಷೇತರ ಎನ್.ನಾಗೇಶ್ ಬಿಜೆಪಿಗೆ ಬೆಂಬಲ ಸೂಚಿಸುವುದರಿಂದ ಬಿಜೆಪಿ ಬಳಿ 106 ಸದಸ್ಯರ ಬಲವಿದೆ. ಬಿಎಸ್.ಪಿ ಮಹೇಶ್ ಸೋಮವಾರ ಸದನಕ್ಕೆ ಗೈರಾದರೂ ಬಿಜೆಪಿಗೆ ಯಾವುದೇ ತೊಂದರೆಯಿಲ್ಲ.
ವಿಧಾನಸಭೆಯಲ್ಲಿ 208 ರಲ್ಲಿ ಬಹುಮತಕ್ಕೆ 104 ಮ್ಯಾಜಿಕ್ ಸಂಖ್ಯೆಯ ಅಗತ್ಯವಿದೆ. ಬಿಜೆಪಿಯ ಬಳಿ ಇದಾಗಲೇ ಇದೆ. ಹೀಗಾಗಿ ಸೋಮವಾರ ನಡೆಯಲಿರುವ ವಿಶ್ವಾಸಮತ ಯಾಚನೆಯಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರಿಗೆ ವಿಶ್ವಾಸಮತ ಬಹಳ ಸಲೀಸಾಗಿದೆ.
17 ಶಾಸಕರನ್ನು ಅನರ್ಹಗೊಳಿಸುವ ಮೂಲಕ ಒಂದು ಕಡೆ ಮೈತ್ರಿ ಪಕ್ಷಗಳು ಅತೃಪ್ತ ಶಾಸಕರಿಗೆ ತಕ್ಕಪಾಠ ಕಲಿಸಿವೆ. ಬಿಜೆಪಿ ನಂಬಿದ್ದ ಅತೃಪ್ತರಿಗೆ ದೊಡ್ಡ ಆಘಾತ ನೀಡಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
bjpಬಿಜೆಪಿRamesh Kumarರಮೇಶ್ ಕುಮಾರ್ಬಿಎಸ್ ಯಡಿಯೂರಪ್ಪrebel MLAsKarnataka politicsಕರ್ನಾಟಕ ರಾಜಕೀಯBS Yediyurappaರೆಬೆಲ್ ಶಾಸಕ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.