ತೆಂಗಿನಕಾಯಿ ಚಿಹ್ನೆ ಪಡೆಯುವಲ್ಲಿ ವಿಫಲರಾದ ಪಕ್ಷೇತರ ಅಭ್ಯರ್ಥಿಗೆ ಟ್ರಾಕ್ಟರ್ ಗುರುತು

ರಾಯಚೂರು : ತೆಂಗಿನ ಕಾಯಿಯನ್ನು ಪಕ್ಷದ ಚಿಹ್ನೆಯನ್ನಾಗಿ ಪಡೆದುಕೊಳ್ಳಲು ವಿಫಲರಾದ  ದೇವದುರ್ಗದ ಪಕ್ಷೇತರ ಅಭ್ಯರ್ಥಿ ಕರೇಮ್ಮ ಜಿ. ನಾಯಕ್  ಅವರಿಗೆ ಟ್ರಾಕ್ಟರ್ ದೊರೆಯುವ ಸಾಧ್ಯತೆ ಇದೆ. ತೆಂಗಿನ ಕಾಯಿ  ಚಿಹ್ನೆಗಾಗಿ ಬಿಜೆಪಿ ಹಾಗೂ ಪಕ್ಷೇತರ ಅಭ್ಯರ್ಥಿಯ ನಡುವೆ ಏ.27 ಜಟಾಪಟಿ ನಡೆದಿತ್ತು.

ಈ ಬಾರಿಯ ಚುನಾವಣೆಗಾಗಿ ತೆಂಗಿನಕಾಯಿಯನ್ನು ಪಕ್ಷದ ಚಿಹ್ನೆಯಾಗಿ ಬಳಸಿಕೊಳ್ಳಲು  ಪಕ್ಷೇತರ ಅಭ್ಯರ್ಥಿ ಕರೇಮ್ಮ ಜಿ. ನಾಯಕ್  ನಿರ್ಧರಿಸಿದ್ದು, ಚುನಾವಣಾಧಿಕಾರಿ ದೇವದುರ್ಗ ಕೂಡಾ ಸಮ್ಮತಿ ನೀಡಿದ್ದರು. ಆದರೆ, ಇದಕ್ಕೆ ಬಿಜೆಪಿ ಆಕ್ಷೇಪ ವ್ಯಕ್ತಪಡಿಸಿದ ನಂತರ ಅದನ್ನು ಹಿಂಪಡೆಯಲಾಗಿದೆ.

ಆ ಚಿಹ್ನೆ ಕೆಜೆಪಿಗೆ ಸೇರಿದ್ದು ಎಂದು ಬಿಜೆಪಿ ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಜನಪ್ರಿಯವಾದ ಚಿಹ್ನೆ ಪಡೆಯುವಲ್ಲಿ ವಿಫಲವಾಗಿರುವುದಾಗಿ  ಎಂದು ಕರೇಮ್ಮ ಹೇಳಿದ್ದಾರೆ.

ಚಿಹ್ನೆಗಳಿದ್ದ ಪುಸ್ತಕದಲ್ಲಿದ್ದ ತೆಂಗಿನ ಕಾಯಿಯನ್ನು ಪಡೆಯಲು ನಿರ್ಧರಿಸಿ ಚುನಾವಣಾಧಿಕಾರಿ ಮೊಹಮ್ಮದ್ ಇರ್ಪಾನ್ ಅವರಿಗೆ  ಹೇಳಿದ ನಂತರ ಅವರು ಆ ಚಿಹ್ನೆಯನ್ನೇ ನೀಡಿದ್ಜರು. ಆ ಪ್ರಕ್ರಿಯೆ ಮುಗಿದ ನಂತರ ಅವರ ಬೆಂಬಲಿಗರು  ಆ ಚಿಹ್ನೆಯನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಜನಪ್ರಿಯಗೊಳಿಸಿದ್ದಾರೆ.

 ಈ ವಿಷಯ ತಿಳಿದ ಬಿಜೆಪಿ ಆಕ್ಷೇಪಣೆ ಸಲ್ಲಿಸಿದ್ದು, ಆ ಚಿಹ್ನೆಯನ್ನು ಕರೇಮ್ಮ ಅವರಿಗೆ ನೀಡದಂತೆ ಚುನಾವಣಾದಿಕಾರಿಗಳಿಗೆ ತಿಳಿಸಿದ್ದಾರೆ.  ಇದರಿಂದಾಗಿ ಕರೇಮ್ಮ ಈಗ ಟ್ರಾಕ್ಟರ್ ಚಿಹ್ನೆ ಆಯ್ಕೆ ಮಾಡಿದ್ದಾರೆ, ಆದರೂ , ಚುನಾವಣಾಧಿಕಾರಿಗಳು ಇನ್ನೂ ಅಂತಿಮಗೊಳಿಸಿಲ್ಲ ಎಂದು ಕರೇಮ್ಮ ಹೇಳಿದ್ದಾರೆ.

 ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಜೊತೆ ಮಾತನಾಡಿದ ಚುನಾವಣಾಧಿಕಾರಿ , ತೆಂಗಿನಕಾಯಿ ಚಿಹ್ನೆ ಕೆಜೆಪಿಯದ್ದು ಎಂಬುದು ಗೊತ್ತಿರಲಿಲ್ಲ. ಕರೇಮ್ಮ ಅವರಿಗೆ ಟ್ರಾಕ್ಟರ್ ಸಿಹ್ನೆ ನೀಡುವುದಾಗಿ ಹೇಳಿದ್ದಾರೆ.

ಮೇ 12 ರಂದು ನಡೆಯಲಿರುವ ರಾಜ್ಯ ವಿಧಾನಸಭಾ ಚುನಾವಣೆಯಲ್ಲಿ ರಾಷ್ಟ್ರೀಯ ಪಕ್ಷಗಳನ್ನು ಸೋಲಿಸಿ ಗೆದ್ದು ಬರುವುದಾಗಿ ಕರೇಮ್ಮ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.