ಜೆಡಿಎಸ್ ಗೆ ಬೇಡವಾಗಿದ್ದೇವೆ, ಅದಕ್ಕಾಗಿ ಎನ್ ಸಿ ಪಿ ಸೇರುತ್ತಿದ್ದೇವೆ: ಜಮೀರ್ ಅಹ್ಮದ್ ಖಾನ್

ಬೆಂಗಳೂರು: ಜೆಡಿಎಸ್‌ ಪಕ್ಷಕ್ಕೆ  ನಾವು ಬೇಡವಾಗಿದ್ದೇವೆ. ಹೀಗಾಗಿ ಎನ್‌ಸಿಪಿ (ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷ) ಸೇರಲು ನಿರ್ಧರಿಸಿದ್ದೇವೆ’ ಎಂದು ಶಾಸಕ ಜಮೀರ್‌ ಅಹಮದ್‌ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅಖಂಡ ಶ್ರಿನಿವಾಸಮೂರ್ತಿ, ರಮೇಶ್ ಬಂಡಿಸಿದ್ದೇಗೌಡ, ಎಚ್.ಸಿ ಬಾಲಕೃಷ್ಣ, ಭೀಮಾ ನಾಯಕ್, ಎನ್. ಚಲುವರಾಯಸ್ವಾಮಿ, ಕೂಡ ತಮ್ಮ ಜೊತೆ ಎನ್ ಸಿಪಿ ಸೇರಲಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಎನ್ಸಿ ಪಿ ಮುಖ್ಸ್ಥ ಶರದ್ ಪವಾರ್‌ ಅವರು 2017ರ ಜ.8ರಂದು ಬೆಂಗಳೂರಿಗೆ ಆಗಮಿಸಲಿದ್ದು,  ಅವರು ಬಂದ ನಂತರ ಮಾತುಕತೆ ನಡೆಸುವುದಾಗಿ ಹೇಳಿದ್ದಾರೆ. ಅಂದು ನಾವು 7 ಶಾಸಕರು ಪವಾರ್‌ ಅವರನ್ನು ಭೇಟಿ ಮಾಡುತ್ತೇವೆ’ ಎಂದು ಹೇಳಿದ್ದಾರೆ. ಎನ್‌ಸಿಪಿ ಸೇರಲು ಜೆಡಿಎಸ್‌ನ 5 ಮಂದಿ ಶಾಸಕರು ನನ್ನ ಜೊತೆ ನಿರಂತರ ಸಂಪರ್ಕದಲ್ಲಿದ್ದಾರೆ.  ಕಾಂಗ್ರೆಸ್‌ನ ಕೆಲ ಅತೃಪ್ತ ಶಾಸಕರೂ ಎನ್‌ಸಿಪಿ ಕಡೆ ಮುಖ ಮಾಡಿದ್ದಾರೆ. ಶರದ್ ಪವಾರ್ ಅವರೊಂದಿಗೆ ನಡೆಯುವ ಮಾತುಕತೆಯಲ್ಲಿ ಈ ಬಗ್ಗೆ ಸ್ಪಷ್ಟವಾಗುತ್ತದೆ ಎಂದು ಹೇಳಿದರು.

ಜೆಡಿಎಸ್‌ನಿಂದ ಅಮಾನತು ಆದ 8 ಮಂದಿ ಶಾಸಕರ ಪೈಕಿ ಕೆ. ಗೋಪಾಲಯ್ಯ ಅವರನ್ನು ಮಾತ್ರ ಮರಳಿ ಪಕ್ಷಕ್ಕೆ ಸೇರಿಸಿಕೊಳ್ಳಲಾಗಿದೆ. ನಾವು ಇನ್ನೂ ಜೆಡಿಎಸ್ ಪಶ್ರದಲ್ಲೇ ಇದ್ದೇವೆ, ನಮ್ಮನ್ನೂ ಪಕ್ಷಕ್ಕೆ ಸೇರಿಸಿಕೊಳ್ಳಲು ನಿರ್ಧರಿಸಬಹುದಿತ್ತು. ಆದರೆ, ನಾಯಕರು ಆ ಬಗ್ಗೆ ಮನಸ್ಸು ಮಾಡಲಿಲ್ಲ ಎಂದರು.