ಏಪ್ರಿಲ್-ಜುಲೈ 2025: ವಿಮಾನ ಪ್ರಯಾಣಿಕರ ಸಂಖ್ಯೆ ಶೇ.4ರಷ್ಟು ಹೆಚ್ಚಳ; ದಕ್ಷಿಣ ರಾಜ್ಯಗಳಲ್ಲಿ ಶೇ.10ರಷ್ಟು ಪ್ರಗತಿ

ನವದೆಹಲಿ: ಕಳೆದ ಏಪ್ರಿಲ್ ನಿಂದ ಜುಲೈ ವರೆಗೆ ನಾಲ್ಕು ತಿಂಗಳ ಅವಧಿಯಲ್ಲಿ ವಿಮಾನ ಪ್ರಯಾಣಿಕರ ದಟ್ಟಣೆಯು ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ. 4 ರಷ್ಟು ಹೆಚ್ಚಳವಾಗಿದೆ ಎಂದು ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರ (AAI) ತಿಳಿಸಿದೆ.

ಜನರ ವಿದೇಶಿ ಸಂಚಾರವು ಶೇ. 6.6 ರಷ್ಟು ಬೆಳೆದರೆ, ದೇಶ ಸಂಚಾರವು ಶೇ. 3.4 ರಷ್ಟು ಹೆಚ್ಚಾಗಿದೆ. ದಕ್ಷಿಣ ರಾಜ್ಯದಲ್ಲಿ ಒಟ್ಟಾರೆ ಬೆಳವಣಿಗೆಗೆ ಕಾರಣವಾಗಿದ್ದು, ಶೇ. 10 ಕ್ಕಿಂತ ಹೆಚ್ಚಿನ ಏರಿಕೆಯನ್ನು ದಾಖಲಿಸಿದೆ ಎಂದು ಅಂಕಿಅಂಶ ಹೇಳುತ್ತದೆ.

ಎಎಐ ಬಿಡುಗಡೆ ಮಾಡಿದ ವಾಯು ಸಂಚಾರ ವರದಿಯ ಪ್ರಕಾರ, ಕಳೆದ ಏಪ್ರಿಲ್-ಜುಲೈ ಅವಧಿಯಲ್ಲಿ 13.72 ಕೋಟಿ ಪ್ರಯಾಣಿಕರು ವಿಮಾನದಲ್ಲಿ ಪ್ರಯಾಣಿಸಿದ್ದಾರೆ, ಕಳೆದ ವರ್ಷ ಇದೇ ಅವಧಿಯಲ್ಲಿ 13.2 ಕೋಟಿ ಪ್ರಯಾಣಿಕರು ಪ್ರಯಾಣಿಸಿದ್ದರು.

ದಕ್ಷಿಣ ಪ್ರದೇಶದ ವಿಮಾನ ನಿಲ್ದಾಣಗಳು ಮಾತ್ರ ಒಟ್ಟು 4.62 ಕೋಟಿ ಪ್ರಯಾಣಿಕರನ್ನು ದಾಖಲಿಸಿದ್ದು, ಕಳೆದ ವರ್ಷ ಇದು 4.2 ಕೋಟಿ ಪ್ರಯಾಣಿಕರಾಗಿದ್ದು, ಶೇ. 10.2 ರಷ್ಟು ಬೆಳವಣಿಗೆಯನ್ನು ತೋರಿಸುತ್ತದೆ.

ನಾಲ್ಕು ತಿಂಗಳಲ್ಲಿ ಒಟ್ಟು 2,62,68,697 ಭಾರತೀಯರು ಹೊರ ದೇಶಗಳಿಗೆ ವಿಮಾನಯಾನ ಮಾಡಿದ್ದಾರೆ, ಕಳೆದ ವರ್ಷ ಇದೇ ಅವಧಿಯಲ್ಲಿ ಇದು 2,48,30,147 ಆಗಿತ್ತು. ದೇಶದೊಳಗೆ ಕಳೆದ ವರ್ಷದ ಇದೇ ತಿಂಗಳುಗಳಲ್ಲಿ 10,71,76,202 ಪ್ರಯಾಣಿಕರು ಪ್ರಯಾಣಿಸಿದ್ದರೆ, ಈ ಬಾರಿ 11,08,21,774 ಪ್ರಯಾಣಿಕರು ಪ್ರಯಾಣಿಸಿದ್ದಾರೆ.

ಏಪ್ರಿಲ್-ಜುಲೈ 2024 ಕ್ಕೆ ಹೋಲಿಸಿದರೆ ಏಪ್ರಿಲ್-ಜುಲೈ 2025 ರ ಅವಧಿಯಲ್ಲಿ ಪ್ರಯಾಣಿಕರ ದಟ್ಟಣೆಯಲ್ಲಿ ಗಮನಾರ್ಹ ಬೆಳವಣಿಗೆಯನ್ನು ದಕ್ಷಿಣ ರಾಜ್ಯಗಳ ವಿಮಾನ ನಿಲ್ದಾಣಗಳು ಕಂಡಿವೆ.

ದಕ್ಷಿಣ ಭಾರತದ ವಿಮಾನ ನಿಲ್ದಾಣಗಳಲ್ಲಿ ಶಿವಮೊಗ್ಗ – 52,272 ಪ್ರಯಾಣಿಕರು (89.3% ಹೆಚ್ಚಳ), ತಿರುಚಿರಾಪಳ್ಳಿ – 2,90,775 (55% ಹೆಚ್ಚಳ), ಕೋಝಿಕೋಡ್ – 2,76,137 (15.8%), ತಿರುಪತಿ – 4,25,629 (52.1%), ಕಾನ್ಯೂರ್ – 87,28,640, 15 ಹೈದರಾಬಾದ್ – 62,981, (34.1%), ಮಧುರೈ - 4,17,325 (12.5%), ಕಡಪಾ - 22,837 (52.8%), ಹುಬ್ಬಳ್ಳಿ - 1,19,756 (22%), ರಾಜಮಂಡ್ರಿ - 11,95,532 (36.3%), ಟುಟಿಕೋರಿನ್ - 1,04,010 (23.5%) ಮತ್ತು ಕರ್ನೂಲ್ - 7,374 (35.7%)