ISRO ಮತ್ತೊಂದು ಮೈಲಿಗಲ್ಲು: PSLV-XL ರಾಕೆಟ್ ಮೂಲಕ European solar mission 'Proba-3 ಯಶಸ್ವಿ ಉಡಾವಣೆ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಂದು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯ (ಇಎಸ್‌ಎ) 'ಪ್ರೊಬಾ -3' ಮಿಷನ್‌ನ ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಬೆಂಗಳೂರು ಮೂಲದ ಬಾಹ್ಯಾಕಾಶ ಸಂಸ್ಥೆಯು ಮೂಲತಃ ಯುರೋಪಿಯನ್ ಸ್ಪೇಸ್ ಏಜೆನ್ಸಿಯ (ಇಎಸ್‌ಎ) 'ಪ್ರೊಬಾ-3' ಅನ್ನು ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಅತ್ಯಂತ ವಿಶ್ವಾಸಾರ್ಹ ಪಿಎಸ್‌ಎಲ್‌ವಿ-ಎಕ್ಸ್‌ಎಲ್ ರಾಕೆಟ್ ಬಳಸಿ ನಿಗದಿಯಂತೆ ಉಡಾವಣೆ ಮಾಡಲಾಯಿತು.

ಇಸ್ರೋ ಪ್ರೋಬಾ-3 ಉಡಾವಣೆಯನ್ನು ನಿನ್ನೆ ಮುಂದೂಡಲ್ಪಟ್ಟಿತ್ತು?

ಆದಾಗ್ಯೂ, ಉಡಾವಣೆಗೆ ಸ್ವಲ್ಪ ಮೊದಲು ಉಪಗ್ರಹ ಪ್ರೊಪಲ್ಷನ್ ಸಿಸ್ಟಮ್‌ನಲ್ಲಿ ದೋಷ ಕಂಡುಬಂದ ಹಿನ್ನೆಲೆಯಲ್ಲಿ ಯುರೋಪಿಯನ್ ಸ್ಪೇಸ್ ಏಜೆನ್ಸಿಯ ವಿನಂತಿಯನ್ನು ಅನುಸರಿಸಿ, ಇಸ್ರೋ 'PSLV-C59/Proba-3' ಉಡಾವಣೆಯನ್ನು ಇಂದಿಗೆ ಅಂದರೆ ಡಿಸೆಂಬರ್ 5ರಂದು ಸಂಜೆ 4:04ಕ್ಕೆ ಉಡಾವಣೆಗೆ ಕೌಂಟ್‌ಡೌನ್ ಸಮಯವನ್ನು ನಿಗದಿಪಡಿಸಿತು.

ISRO PROBA-3 ಏನನ್ನು ಅಧ್ಯಯನ ಮಾಡುತ್ತದೆ?

ಪ್ರೋಬಾ-3 (ಪ್ರಾಜೆಕ್ಟ್ ಫಾರ್ ಆನ್‌ಬೋರ್ಡ್ ಅನ್ಯಾಟಮಿ) ಎರಡು ಉಪಗ್ರಹಗಳನ್ನು ಹೊಂದಿದೆ - ಕರೋನಾಗ್ರಾಫ್ (310 ಕೆಜಿ) ಮತ್ತು ಆಕಲ್ಟರ್ (240 ಕೆಜಿ). ಇದರಲ್ಲಿ, ಎರಡು ಬಾಹ್ಯಾಕಾಶ ನೌಕೆಗಳು ಒಟ್ಟಿಗೆ ಹಾರುತ್ತವೆ ಮತ್ತು ಸೂರ್ಯನ ಹೊರಗಿನ ವಾತಾವರಣವಾದ ಕರೋನಾವನ್ನು ಅಧ್ಯಯನ ಮಾಡಲು ಒಂದು ಮಿಲಿಮೀಟರ್‌ನಷ್ಟು ನಿಖರವಾದ ರಚನೆಗಳನ್ನು ರಚಿಸುತ್ತವೆ. ಕರೋನಾ ಸೂರ್ಯನಿಗಿಂತ ಬಿಸಿಯಾಗಿರುತ್ತದೆ. ಹೀಗಾಗಿ ಇಲ್ಲಿಯೇ ಬಾಹ್ಯಾಕಾಶ ಹವಾಮಾನವು ಹುಟ್ಟುತ್ತದೆ ಎಂದು ESA ಹೇಳಿದೆ. ಇದು ವ್ಯಾಪಕ ವೈಜ್ಞಾನಿಕ ಮತ್ತು ಪ್ರಾಯೋಗಿಕ ಆಸಕ್ತಿಯ ವಿಷಯವಾಗಿದೆ.

ಈ ಕಾರ್ಯಾಚರಣೆಯಲ್ಲಿ ಭಾರತದ ಪಾತ್ರವು ವಿಶ್ವದ ಬಾಹ್ಯಾಕಾಶ ಸಮುದಾಯದಲ್ಲಿ ದೇಶದ ಪ್ರತಿಷ್ಠೆ ನಿರಂತರವಾಗಿ ಹೆಚ್ಚುತ್ತಿದೆ ಎಂದು ತೋರಿಸುತ್ತದೆ. ಪಿಎಸ್‌ಎಲ್‌ವಿ-ಎಕ್ಸ್‌ಎಲ್ ಅನ್ನು ಮಿಷನ್ ಬಜೆಟ್‌ನ ಪ್ರಕಾರ ಅದರ ನಿಖರತೆ ಮತ್ತು ವೆಚ್ಚ-ದಕ್ಷತೆಯಿಂದಾಗಿ ಆಯ್ಕೆ ಮಾಡಲಾಗಿದೆ.

ಪ್ರೋಬಾ-3 ಸೂರ್ಯನ ಬಗ್ಗೆ ಹೊಸ ಮಾಹಿತಿಯನ್ನು ನೀಡುವುದು ಮಾತ್ರವಲ್ಲದೆ ಬಾಹ್ಯಾಕಾಶ ತಂತ್ರಜ್ಞಾನದಲ್ಲಿ ಭವಿಷ್ಯದ ಪ್ರಗತಿಗೆ ದಾರಿ ಮಾಡಿಕೊಡುತ್ತದೆ.