ನವಶಾತ ಶಿಶುವಿಗೆ ಕತ್ನಾ; ಮಗು ಸಾವು, ಇಬ್ಬರ ಬಂಧನ!

ಕೇರಳ: ನವಜಾತ ಶಿಶುವಿಗೆ ಸುನ್ನತ್ (ಕತ್ನಾ) ಮಾಡಿದ ಪರಿಣಾಮ ಮಗು ಸಾವನ್ನಪ್ಪಿರುವ ಘಟನೆ ಕಂಜರ್ ಬಳಿಯ ಇಡುಕ್ಕಿಯಲ್ಲಿ ನಡೆದಿದೆ.

ಪ್ರಕರಣದ ಸಂಬಂಧ ಇಬ್ಬರನ್ನು ಬಂಧಿಸಲಾಗಿದೆ. ಆರೋಪಿಗಳನ್ನು ಆ.22 ರಂದು ಬಂಧಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಇಡುಕ್ಕಿಯ ನ್ಯಾಯಾಲಯ ಇಬ್ಬರಿಗೂ ಜಾಮೀನು ನೀಡಿದೆ.

ಪೊಲೀಸರ ಪ್ರಕಾರ, ಆರೋಪಿಗಳು ನಡೆಸಿದ ಸುನ್ನತಿ ಕಾರ್ಯವಿಧಾನದ ನಂತರ ಅಪಾರ ರಕ್ತಸ್ರಾವದಿಂದ ಶಿಶು ಜನವರಿಯಲ್ಲಿ ಸಾವನ್ನಪ್ಪಿದೆ. ಪೊಲೀಸರು ಆರಂಭದಲ್ಲಿ ಅಸಹಜ ಸಾವು ಎಂದು ಪ್ರಕರಣ ದಾಖಲಿಸಿಕೊಂಡಿದ್ದರು.

"ಮಗುವನ್ನು ಸುನ್ನತಿಗೆ ಕರೆದೊಯ್ದಿದ್ದರಿಂದ ಕುಟುಂಬದವರಿಂದ ಯಾವುದೇ ದೂರು ಬಂದಿಲ್ಲ. ವಿವರವಾದ ಮರಣೋತ್ತರ ಪರೀಕ್ಷೆಯ ವರದಿ ಮತ್ತು ಘಟನೆಯ ತನಿಖೆಯ ನಂತರ ಬಂಧಿಸಲಾಗಿದೆ" ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರು ಬಂಧಿಸಿ ನಂತರದ ನ್ಯಾಯಾಲಯದ ಕಾರ್ಯವಿಧಾನದ ನಂತರ ಘಟನೆ ಇತ್ತೀಚೆಗೆ ಬೆಳಕಿಗೆ ಬಂದಿದೆ.