ಹುತಾತ್ಮ ಯೋಧ ನಾಯ್ಕ್ ವಿಧವೆ ಪತ್ನಿ ಸೇನಾ ಆಫೀಸರ್ ಆಗಿ ತೇರ್ಗಡೆ

ನವದೆಹಲಿ: ಭಾರತೀಯ ಸೇನೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ದೀಪಕ್ ನೈನ್ವಾಲ್ ಜಮ್ಮು ಕಾಶ್ಮೀರದ ಕುಲ್ಗಾಂನಲ್ಲಿ ಉಗ್ರರೊಡನೆ ಹೋರಾಡುವ ಸಂದರ್ಭದಲ್ಲಿ ಗುಂಡೇಟಿಗೆ ಬಲಿಯಾಗಿದ್ದರು. ಪತಿಯ ಅಕಾಲಿಕ ನಿಧನದಿಂದ ಅವರನ್ನೇ ಎದುರುನೋಡುತ್ತಿದ್ದ ಕುಟುಂಬಕ್ಕೆ ದಿಕ್ಕೇ ತೋಚದಂತಾಗಿತ್ತು. ಪತಿ ನಿಧನದ ತರುವಾಯ ದೀಪಕ್ ಪತ್ನಿ ಜ್ಯೋತಿ ನೈನ್ವಾಲ್ ಸೇನೆ ಸೇರಲು ನಿರ್ಧರಿಸಿದ್ದರು. ಇದೀಗ ಚೆನ್ನೈ ಸೇನಾ ಕಚೇರಿಯಿಂದ ಆಫೀಸರ್ ಆಗಿ ಅವರು ತೇರ್ಗಡೆಯಾಗಿದ್ದಾರೆ. 

ಇದನ್ನೂ ಓದಿ: ಚೀನಾದೊಂದಿಗಿನ ಉದ್ವಿಗ್ನತೆ ನಡುವೆ ಗಡಿಯಲ್ಲಿ ಭಾರತೀಯ ಸೇನೆ, ಐಎಎಫ್ ಜಂಟಿ ಸಮರಾಭ್ಯಾಸ

ಅವರಿಗೆ ಇಬ್ಬರು ಪುಟ್ಟ ಮಕ್ಕಳಿದ್ದಾರೆ ಎನ್ನುವುದು ಅಚ್ಚರಿ. ಅದಕ್ಕೂ ಮಿಗಿಲಾದ ಹೆಮ್ಮೆಯ ಸಂಗತಿ ಎಂದರೆ ಜ್ಯೋತಿ ಅವರು ತಮ್ಮ ಮಕ್ಕಳ ಸಮ್ಮುಖದಲ್ಲೇ ಪದವಿ ಸ್ವೀಕರಿಸಿರುವುದು.

ಇದನ್ನೂ ಓದಿ: ಉಗ್ರರಿಂದ ಪೈಶಾಚಿಕ ಕೃತ್ಯ: ದಾಳಿಯಲ್ಲಿ ಸೇನಾ ಕರ್ನಲ್, ಪತ್ನಿ ಮತ್ತು ಪುತ್ರ ಹಾಗೂ ನಾಲ್ವರು ಯೋಧರು ಹುತಾತ್ಮ!

ಈ ಸಂದರ್ಭದಲ್ಲಿ ಮಾಧ್ಯಮದೊಂದಿಗೆ ಅಭಿಪ್ರಾಯ ಹಂಚಿಕೊಂಡ ಜ್ಯೋತಿ ತಮ್ಮ ಪತಿ ಹುತಾತ್ಮರಾದ ಸಂದರ್ಭದಲ್ಲಿ ತಮ್ಮ ತಾಯಿ ಹೇಳಿದ ಮಾತನ್ನು ನೆನಪಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಭಾರತೀಯ ಸೇನೆ ಮಿಸೈಲ್ ಲಾಂಚರ್ ಗಳನ್ನು ಇಂಡೊ- ಚೈನಾ ಗಡಿಗೆ ಸಾಗಿಸಲು ರಸ್ತೆ ಅಗಲೀಕರಣ ಅಗತ್ಯ: ಅಟಾರ್ನಿ ಜನರಲ್ 

'ಇನ್ನುಮುಂದಿನ ನಿನ್ನ ಬದುಕು ನಿನ್ನ ಮಕ್ಕಳಿಗೆ ಪ್ರೇರಣಾದಾಯಕವಾಗುವಂತೆ ಬದುಕು' ಎಂದು ಅವರ ತಾಯಿ ಹೇಳಿದ್ದರು. ಅದರಂತೆ ಹುತಾತ್ಮ ಯೋಧನ ಪತ್ನಿಯಾಗಿ ಛಲ ಬಿಡದೆ ಸೇನೆ ಸೇರಿ ಆಫೀಸರ್ ಪದವಿ ಪಡೆದು ಅವರು ತಾಯಿಯ ಮಾತನ್ನು ಪೂರೈಸಿದ್ದಾರೆ.

ಇದನ್ನೂ ಓದಿ: ಬೆಳ್ತಂಗಡಿಯಲ್ಲಿ 5 ಗ್ರೆನೇಡ್ ಪತ್ತೆ, ಆತಂಕ ಸೃಷ್ಟಿ: ನಿವೃತ್ತ ಸೇನಾಧಿಕಾರಿಯಿಂದ ದೂರು