ವೇಗವಾಗಿ 17 ಕೋಟಿ ಡೋಸ್ ಲಸಿಕೆ ಹಾಕಿದ ಮೊದಲ ದೇಶ; ವಿಶ್ವದಲ್ಲೇ ಅತಿ ವೇಗದ ಲಸಿಕಾ ಅಭಿಯಾನಕ್ಕೆ ಭಾರತ ಸಾಕ್ಷಿ

ನವದೆಹಲಿ: ಭಾರತ ಜಾಗತಿಕವಾಗಿ ಅತಿ ಹೆಚ್ಚು ವೇಗವಾಗಿ ಕೋವಿಡ್‌-19 ಲಸಿಕೆ ನೀಡುವ ದೇಶವಾಗಿ ಹೊರಹೊಮ್ಮಿದ್ದು, ಇಲ್ಲಿಯವರೆಗೆ 17 ಕೋಟಿ ಡೋಸ್ ಲಸಿಕೆ ನೀಡಲಾಗಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಸೋಮವಾರ ತಿಳಿಸಿದೆ.

ಆ ಮೂಲಕ ವೇಗವಾಗಿ 17 ಕೋಟಿ ಡೋಸ್ ಲಸಿಕೆಯನ್ನು ಹಾಕಿದ ಮೊದಲ ದೇಶ ಎಂಬ ಕೀರ್ತಿಗೆ ಭಾರತ ಭಾಜನವಾಗಿದೆ. ಈ ಪ್ರಮಾಣದ ಲಸಿಕೆಯನ್ನು ಭಾರತ 114 ದಿನಗಳಲ್ಲಿ ವಿತರಿಸಿದ್ದು, ಚೀನಾ 119 ದಿನಗಳನ್ನು ತೆಗೆದುಕೊಂಡಿತ್ತು. ಇದೇ ಹೆಗ್ಗುರುತನ್ನು ತಲುಪಲು ಯುಎಸ್ 115 ದಿನಗಳನ್ನು ತೆಗೆದುಕೊಂಡಿದೆ ಎಂದು  ಸಚಿವಾಲಯ ತಿಳಿಸಿದೆ.

ಇಲ್ಲಿಯವರೆಗೆ ದೇಶದಲ್ಲಿ ಒಟ್ಟು 17,01,76,603 ಡೋಸ್ ಲಸಿಕೆ ಪ್ರಮಾಣವನ್ನು ನೀಡಲಾಗಿದೆ. ಈ ಪೈಕಿ ಇದರಲ್ಲಿ 95,47,102 ಆರೋಗ್ಯ ಕಾರ್ಯಕರ್ತರು ಮೊದಲನೇ ಹಾಗೂ 64,71,385 ಮಂದಿ ಎರಡನೇ ಡೋಸ್‌ ಪಡೆದುಕೊಂಡಿದ್ದಾರೆ. 1,39,72,612 ಮುಂಚೂಣಿ ಕಾರ್ಯಕರ್ತರು  ಮೊದಲನೇ ಹಾಗೂ 77,55,283 ಕಾರ್ಯಕರ್ತರು ಎರಡನೇ ಡೋಸ್‌ ಪಡೆದಿದ್ದಾರೆ. 18-45 ವಯಸ್ಸಿನ (1 ನೇ ಡೋಸ್) 20,31,854 ಫಲಾನುಭವಿಗಳು, 5,51,79,217 (1 ನೇ ಡೋಸ್) ಪಡೆದಿದ್ದಾರೆ.

45 ರಿಂದ 60 ವರ್ಷ ವಯಸ್ಸಿನ 65,61,851 (2 ನೇ ಡೋಸ್) ಫಲಾನುಭವಿಗಳು. 5,36,74,082 1 ನೇ ಡೋಸ್ ಫಲಾನುಭವಿಗಳು ಮತ್ತು 60 ವರ್ಷಕ್ಕಿಂತ ಹೆಚ್ಚು ವಯಸ್ಸಿನ 1,49,83,217 2 ನೇ ಡೋಸ್ ಫಲಾನುಭವಿಗಳಿದ್ದಾರೆ. ಕಳೆದ 24 ಗಂಟೆಗಳಲ್ಲಿ 6.8 ಲಕ್ಷಕ್ಕೂ ಹೆಚ್ಚು ಲಸಿಕೆ ಪ್ರಮಾಣವನ್ನು ನೀಡಲಾಯಿತು  ಎಂದು ಸಚಿವಾಲಯ ತಿಳಿಸಿದೆ.