ಲಾಲೂ ಹಿರಿಯ ಪುತ್ರ RJD ನಾಯಕ ತೇಜ್ ಪ್ರತಾಪ್ ಯಾದವ್ ವಿರುದ್ಧ FIR ದಾಖಲು

ಪಾಟ್ನಾ: 2020ರ ಬಿಹಾರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಸಲ್ಲಿಸಿದ ಅಫಿಡವಿಟ್‍ನಲ್ಲಿ ಆಸ್ತಿ ವಿವರಗಳನ್ನು ಮರೆಮಾಚಿದ ಆರೋಪದ ಮೇಲೆ ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ ) ನಾಯಕ ತೇಜ್ ಪ್ರತಾಪ್ ಯಾದವ್ ವಿರುದ್ಧ ಎಫ್‍ ಐ ಆರ್ ದಾಖಲಾಗಿದೆ.

ಇದನ್ನೂ ಓದಿ: ಬಿಹಾರದಲ್ಲಿ ಪಕ್ಷವನ್ನು ಪುನರುಜ್ಜೀವನಗೊಳಿಸಲು ಆರ್ ಜೆಡಿ ಜೊತೆ ಮೈತ್ರಿ ತೊರೆದ ಕಾಂಗ್ರೆಸ್

1951 ರ ಜನತಾ ಪ್ರಾತಿನಿಧ್ಯ ಕಾಯ್ದೆಯ ಸೆಕ್ಷನ್ 125 (ಚಿ) ಅಡಿಯಲ್ಲಿ ಸ್ಥಿರ ಆಸ್ತಿ ವಿವರವನ್ನು ಗೌಪ್ಯವಾಗಿಟ್ಟ ಕಾರಣ ಎಫ್ ಐ ಆರ್ ದಾಖಲಾಗಿದೆ. ಈ ವಿಚಾರವಾಗಿ ಜನತಾ ದಳ (ಯುನೈಟೆಡ್) ಮುಖ್ಯ ಚುನಾವಣಾಧಿಕಾರಿಗಳಿಗೆ ದೂರು ಸಲ್ಲಿಸಿತ್ತು. 

ಇದನ್ನೂ ಓದಿ: ಆರ್ ಜೆಡಿ ಬಿಕ್ಕಟ್ಟು: ಪ್ರತ್ಯೇಕ ಸಂಘಟನೆ ಆರಂಭಿಸಿದ ಲಾಲು ಪುತ್ರ ತೇಜ್ ಪ್ರತಾಪ್ ಯಾದವ್

ಚುನಾವಣಾ ಆಯೋಗದ ಆದೇಶ ಮತ್ತು ಜಿಲ್ಲಾ ಚುನಾವಣಾಧಿಕಾರಿ ಮತ್ತು ಜಿಲ್ಲಾಧಿಕಾರಿ ಭೂಸುಧಾರಣಾ (ಡಿ ಸಿ ಎಲ್‍ ಆರ್) ಸೂಚನೆಯ ಮೇರೆಗೆ ರೋಸೆರಾ ಉಪ ವಿಭಾಗಾಧಿಕಾರಿ (ಎಸ್‍ ಡಿ ಒ) ಬ್ರಜೇಶ್ ಕುಮಾರ್ ಆರ್‍ಜೆಡಿ ನಾಯಕನ ವಿರುದ್ಧ ಕ್ರಮ ಕೈಗೊಂಡಿದ್ದಾರೆ.

ಇದನ್ನೂ ಓದಿ: ಕನ್ಹಯ್ಯ ಮತ್ತೋರ್ವ ಸಿಧು, ಕಾಂಗ್ರೆಸ್ ಪಕ್ಷಕ್ಕೆ ಉಳಿಗಾಲವಿಲ್ಲ: ಆರ್ ಜೆಡಿ

ಅಫಿಡವಿಟ್‍ನಲ್ಲಿ ತಪ್ಪು ಮಾಹಿತಿ ನೀಡಿದ್ದಕ್ಕಾಗಿ ಚುನಾವಣಾ ಆಯೋಗವು ತೇಜ್ ಪ್ರತಾಪ್ ಯಾದವ್‍ಗೆ ಶೋಕಾಸ್ ನೋಟಿಸ್ ಕಳುಹಿಸಿತ್ತು. ತೇಜ್ ಪ್ರತಾಪ್ ಮೂರು ವಾರಗಳ ಕಾಲಾವಕಾಶದೊಳಗೆ ಉತ್ತರಿಸುವಂತೆ ಕೇಳಿಕೊಂಡಿತ್ತು. ನಿಗದಿತ ಕಾಲಾವಧಿಯೊಳಗೆ ಪ್ರತಿಕ್ರಿಯಿಸಲು ವಿಫಲರಾದ ಕಾರಣ ಅವರ ವಿರುದ್ಧ ಎಫ್‍ ಐ ಆರ್ ದಾಖಲಿಸಲಾಗಿದೆ.

ಇದನ್ನೂ ಓದಿ: ಕಾಂಗ್ರೆಸ್ ಪಕ್ಷಕ್ಕೆ ನೂತನ ಸಾರಥಿಯ ನೇಮಕ 2022 ಸೆಪ್ಟೆಂಬರ್ ತಿಂಗಳಲ್ಲಿ: ಮಧುಸೂದನ್ ಮಿಸ್ತ್ರಿ