ಕೇಂದ್ರ ತಂಡದ ಎಸ್ಕಾರ್ಟ್ ವಾಹನದ ಬಿಎಸ್ಎಫ್ ಚಾಲಕನಿಗೆ ಕೊವಿಡ್-19 ಪಾಸಿಟಿವ್

ಕೋಲ್ಕತಾ: ಕೋಲ್ಕತಾ ಮತ್ತು ಇತರೆ ಪ್ರದೇಶಗಳಿಗೆ ಭೇಟಿ ನೀಡಿದ ಅಂತರ್-ಸಚಿವಾಲಯದ ಕೇಂದ್ರ ತಂಡದ ಎಸ್ಕಾರ್ಟ್ ವಾಹನದ ಬಿಎಸ್ಎಫ್ ಚಾಲಕನಿಗೆ ಕೊರೋನಾ ವೈರಸ್ ಪಾಸಿಟಿವ್ ದೃಢಪಟ್ಟಿದ್ದು, ಕೊವಿಡ್-19 ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಬಿಎಸ್ಎಫ್ ಚಾಲಕನ ಸಂಪರ್ಕದಲ್ಲಿದ್ದ ಸುಮಾರು 50 ಸಿಬ್ಬಂದಿಯನ್ನು ಕ್ವಾರಂಟೈನ್ ಮಾಡಲಾಗಿದ್ದು, ಆ ಪೈಕಿ 20 ಸಿಬ್ಬಂದಿಯನ್ನು ಕೊವಿಡ್-19 ಪರೀಕ್ಷೆಗೆ ಒಳಪಡಿಸಲಾಗಿದೆ.

ಆರು ಸದಸ್ಯರ ಕೇಂದ್ರ ತಂಡ ಕೋಲ್ಕತಾದ ಬಿಎಸ್ಎಫ್ ಅತಿಥಿ ಗೃಹದಲ್ಲಿ ತಂಗಿತ್ತು. ಆ ತಂಡಕ್ಕೆ ಬೇಕಾದ ವಾಹನ, ಆಹಾರ ಮತ್ತು ಭದ್ರತಾ ವ್ಯವಸ್ಥೆಯನ್ನು ಅರೆ ಸೇನಾಪಡೆಯೇ ಮಾಡಿತ್ತು.

ಪಶ್ಚಿಮ ಬಂಗಾಳದಲ್ಲಿ ಕೊವಿಡ್-19 ಪರಿಸ್ಥಿತಿಯನ್ನು ಪರಿಶೀಲಿಸಲು ಬಂದಿದ್ದ ಕೇಂದ್ರ ತಂಡ ಸೋಮವಾರ ದೆಹಲಿಗೆ ಪಾಪಸ್ ಆಗಿದೆ.