ಸರ್ಕಾರ ಉರುಳಿಸಲು 'ಕೈ' ಶಾಸಕರಿಗೆ ಬರೋಬ್ಬರಿ 100 ಕೋಟಿ ಆಫರ್, ವಿಡಿಯೋ ವೈರಲ್!

ಇಂದೋರ್: ಸರ್ಕಾರವನ್ನು ಉರುಳಿಸಲು ಕಾಂಗ್ರೆಸ್ ಶಾಸಕರಿಗೆ ಬರೋಬ್ಬರಿ 100 ಕೋಟಿ ರುಪಾಯಿ ಮತ್ತು ಸಚಿವ ಸ್ಥಾನದ ಆಫರ್ ಮಾಡಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಬಹುಕೋಟಿ ವ್ಯಾಪಂ ಹಗರಣದವನ್ನು ಜಗಜ್ಜಾಹೀರ್ ಮಾಡಿದ್ದ ವ್ಯಕ್ತಿಯೇ ಕುಟುಕು ಕಾರ್ಯಾಚರಣೆ ನಡೆಸಿ ಉದ್ದೇಶಿತ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದು ಬಿಜೆಪಿಯ ಹಿರಿಯ ಮುಖಂಡ ನರೋತ್ತಮ್ ಮಿಶ್ರಾ ಅವರು ಕಾಂಗ್ರೆಸ್ ಶಾಸಕರಿಗೆ ಕಮಲ್ ನಾಥ್ ನೇತೃತ್ವದ ಸರ್ಕಾರವನ್ನು ಉರುಳಿಸುವಂತೆ ಕೋಟಿ ಕೋಟಿ ಆಫರ್ ನೀಡುತ್ತಿದ್ದಾರೆ ಎನ್ನುವ ವಿಡಿಯೋ ಇದಾಗಿದೆ.

ಈ ವಿಡಿಯೋವನ್ನು ಡಾ. ಆನಂದ್ ರೈ ಎಂಬುವರು ತಮ್ಮ ಟ್ವೀಟರ್ ನಲ್ಲಿ ಪೋಸ್ಟ್ ಮಾಡಿದ್ದು ವಿಡಿಯೋ ಕೆಳಗೆ ಕುದುರೆ ವ್ಯಾಪಾರ: ಬಿಜೆಪಿ ಬಣ್ಣ ಬಯಲು ಎಂದು ಬರೆದುಕೊಂಡಿದ್ದಾರೆ. 

ಇನ್ನು ಈ ವಿಡಿಯೋ ಸತ್ಯಾಸತ್ಯತೇ ಅಧಿಕೃತವಾಗಿಲ್ಲ. ಸದ್ಯ ಮಧ್ಯಪ್ರದೇಶದಲ್ಲಿ ಕೆಲ ಕಾಂಗ್ರೆಸ್ ಶಾಸಕರು ನಾಪತ್ತೆಯಾಗಿದ್ದು ಕುದುರೆ ವ್ಯಾಪರಕ್ಕೆ ಈ ವಿಡಿಯೋ ಪುಷ್ಠಿ ಕೊಡುವಂತಿದೆ.