ಜನ್ಮದಿನದ ಅಂಗವಾಗಿ ಚಂದ್ರನ ಮೇಲೆ ಜಾಗ ಖರೀದಿಸಿದ ಬೋಧ್ ಗಯಾ ನಿವಾಸಿ

ಬೋಧ್ ಗಯಾ: ಜನ್ಮದಿನಾಚರಣೆ ಅಂಗವಾಗಿ ಬೆಲೆಬಾಳುವ ವಸ್ತುಗಳನ್ನು ಖರೀದಿಸುವುದು ಸಾಮಾನ್ಯ. ಆದರೆ ಬೋಧ್ ಗಯಾ ನಿವಾಸಿಯೊಬ್ಬ ಚಂದ್ರನ ಮೇಲೆ ಒಂದು ಎಕರೆಯಷ್ಟು ಜಾಗವನ್ನು ಖರೀದಿಸಿದ್ದಾರೆ. 

ನೀರಜ್ ಕುಮಾರ್ ಚಂದ್ರನ ಮೇಲೆ ಜಾಗ ಖರೀದಿಸಿರುವ ಬೋಧ್ ಗಯಾದ ನಿವಾಸಿಯಾಗಿದ್ದಾರೆ. ಉದ್ಯಮಿಯಾಗಿರುವ ನೀರಜ್ ಕುಮಾರ್ ಈ ಮೂಲಕ ಚಂದ್ರನ ಮೇಲೆ ಜಾಗ ಖರೀದಿಸಿರುವ ಬೋಧ್ ಗಯಾದ ಮೊದಲ ನಿವಾಸಿಯಾಗಿದ್ದಾರೆ.

ನೀರಜ್ ಕುಮಾರ್ ಚಂದ್ರನ ಮೇಲೆ ಹೋಗಲು ಇಚ್ಛಿಸಿದ್ದರು. ಆದರೆ ಅದು ಸಾಧ್ಯವಾಗದ ಕಾರಣ ಚಂದ್ರನ ಮೇಲೆ ಒಂದು ಎಕರೆ ಜಾಗ ಖರೀದಿಸಲು ನಿರ್ಧರಿಸಿದ್ದರು.

ಚಂದ್ರನ ಮೇಲೆ ಜಾಗ ಖರೀದಿಸುವುದಕ್ಕೆ ಹೆಚ್ಚು ಹಣ ಖರ್ಚಾಗಲಿಲ್ಲ. ಆದರೆ ಪ್ರಕ್ರಿಯೆ ಕಷ್ಟವಾಗಿತ್ತು ಎನ್ನುತ್ತಾರೆ ನೀರಜ್ ಕುಮಾರ್.

ಶಾರೂಖ್ ಖಾನ್, ಸುಶಾಂತ್ ಸಿಂಗ್ ರಜಪೂತ್ ಸೇರಿದಂತೆ ಹಲವು ಖ್ಯಾತ ನಾಮರು ಚಂದ್ರನ ಮೇಲೆ ಜಾಗ ಖರೀದಿಸಿದ್ದರು. ಈ ಬಗ್ಗೆ ಮಾಹಿತಿ ಪಡೆಯಲು ನಿರ್ಧರಿಸಿದ್ದೆ. ನನಗೆ ಯುಎಸ್ ಸೊಸೈಟಿ ಲೂನಾ ಸೊಸೈಟಿ ಇಂಟರ್ನ್ಯಾಷನಲ್ ನಿಂದ ಮಾಹಿತಿ ಲಭ್ಯವಾಗಿತ್ತು. ಗೂಗಲ್ ಮೂಲಕ ಇವರನ್ನು ಸಂಪರ್ಕಿಸಿ ಒಂದು ಎಕರೆ ಜಾಗಕ್ಕೆ 2019 ರಲ್ಲಿ ಅರ್ಜಿ ಸಲ್ಲಿಸಿದ್ದೆ. ಆಗ 48,000 ರೂಪಾಯಿ ನೀಡಿದ್ದೆ. ಹಲವು ಪ್ರಕ್ರಿಯೆಗಳ ನಂತರ 2020 ರ ಜು.4 ರಂದು ಮೆಸೇಜ್ ಬಂದಿದೆ ಎಂದು ಹೇಳಿದ್ದಾರೆ.