ಕಾಶ್ಮೀರದಲ್ಲಿ 2ಜಿ ಇಂಟರ್ನೆಟ್ ಸೇವೆ ಮರುಸ್ಥಾಪನೆ, ಶುಕ್ರವಾರ ಮಧ್ಯರಾತ್ರಿಯಿಂದಲೇ ಜಾರಿ

ಶ್ರೀನಗರ: ಕಾಶ್ಮೀರ ಕಣಿವೆಯಲ್ಲಿ ಶುಕ್ರವಾರ ಮಧ್ಯರಾತ್ರಿಯಿಂದ 2ಜಿ ಮೊಬೈಲ್ ಇಂಟರ್ನೆಟ್ ಸೇವೆಗಳನ್ನು ಮರುಸ್ಥಾಪಿಸಲಾಗುವುದು ಎಂದು ಅಧಿಕೃತ ಆದೇಶ ತಿಳಿಸಿದೆ

ಜಮ್ಮು ಮತ್ತು ಕಾಶ್ಮೀರ ಆಡಳಿತದ ಗೃಹ ಇಲಾಖೆಯ ಅಧಿಸೂಚನೆಯ ಪ್ರಕಾರ, ಮೊಬೈಲ್ ಫೋನ್‌ಗಳಲ್ಲಿ 2ಜಿವೇಗದೊಂದಿಗೆ ಇಂಟರ್‌ನೆಟ್‌ ಸೇವೆ  ಜನವರಿ 25 ರಿಂದ ಪುನರಾರಂಭಗೊಳ್ಳಲಿದೆ.

ವೆಬ್ ತಾಣಗಳ ಬಳಕೆಗೆ ಅನುಮತಿಸಲಾಗಿರುವ (ವೈಟ್ ಲಿಸ್ಟ್ ಗೆ ಸೇರಿರುವ) ಜಾಲತಾಣಗಳನ್ನು ಮಾತ್ರವೇ ಅನುಮತಿಸಲಾಗಿದೆ. ಆದರೆ ಕಣಿವೆ ಜನರು ಸಾಮಾಜಿಕ ತಾಣಗಳನ್ನು ಯಾವುದೇ ನಿರ್ಬಂಧವಿಲ್ಲದೆ ಬಳಕೆ ಮಾಡುವುದು ಸಾಧ್ಯವಿದೆ.ಡೇಟಾ ಸೇವೆಗಳು ಪೋಸ್ಟ್-ಪೇಯ್ಡ್ ಹಾಗೂ ಪ್ರಿ ಪೇಯ್ಡ್ ಸಿಮ್ ಕಾರ್ಡ್ ಗಳಲ್ಲಿ ಲಭ್ಯವಿರುತ್ತದೆ.

ಮೊಬೈಲ್ ಫೋನ್‌ಗಳಲ್ಲಿ 2ಜಿಇಂಟರ್ನೆಟ್ ಸೌಲಭ್ಯವನ್ನು ಮರುಸ್ಥಾಪಿಸುವ ಕಾರ್ಯ ಜನವರಿ 31 ರವರೆಗೆ ಮುಂದುವರಿಯಲಿದ್ದು, ನಂತರ ಅದನ್ನು ಮತ್ತಷ್ಟು ಪರಿಶೀಲಿಸಲಾಗುವುದು ಎಂದು ಆದೇಶದಲ್ಲಿ ವಿವರಿಸಿದೆ.

ವ ಸಂವಿಧಾನದ 370 ನೇ ವಿಧಿಯನ್ನು ರದ್ದುಪಡಿಸುವುದಾಗಿ ಕೇಂದ್ರ ಘೋಷಿಸಿದ ನಂತರ ಮತ್ತು ಕಳೆದ ವರ್ಷ ಆಗಸ್ಟ್ 5ರಿಂದ ಕಣಿವೆ ವ್ಯಾಪ್ತಿಯಲ್ಲಿ  ಇಂಟರ್ನೆಟ್ ಮತ್ತು ಮೊಬೈಲ್ ಸಂಪರ್ಕವನ್ನು ಸ್ಥಗಿತ ಮಾಡಲಾಗಿತ್ತು.