ಒಂಟಿ ಸಲಗ ದಾಳಿಗೆ ಮೂವರು ಬಲಿ

ಪುರಿ: ಒಡಿಶಾದ ನಿಮಾಪರಾ, ಬಲಂಗಾ ಮತ್ತು ಪಿಪಿಲಿ ಪ್ರದೇಶಳಲ್ಲಿ ಶನಿವಾರ ಸಂಜೆ ಸಲಗ ಕಾಲ್ತುಳಿತದಿಂದ ಮೂವರು ಗ್ರಾಮಸ್ಥರು ಸಾವನ್ನಪ್ಪಿದ್ದು, ಇತರ ಆರು ಮಂದಿ ಗಾಯಗೊಂಡಿದ್ದಾರೆ.

ಬಲಂಗಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿರುವ ಗೋಪಿನಾಥಪುರ ಗ್ರಾಮದಲ್ಲಿ ಏಕಾಏಕಿ ಸಲಗ ಕಾಣಿಸಿಕೊಂಡು ಜುಗಲ್ ಭಟ್ ಎಂಬ ವ್ಯಕ್ತಿಯನ್ನು ತುಳಿದು ಸಾಯಿಸಿದೆ. ನಂತರ ಪಿಪಿಲಿ ಪ್ರದೇಶಕ್ಕೆ ನುಗ್ಗಿದ ಸಲಗ, ಚಂದ್ರಾದಿಪುರ ಗ್ರಾಮದ ಮಕರ್ ಪ್ಯಾಲೆ ಮತ್ತು ಚೈತನ್ಯ ಸಾಹು ಎಂಬುವವರ ಮೇಲೆ ದಾಳಿ ಮಾಡಿ ತುಳಿದು ಸಾಯಿಸಿದೆ.

ನಿಮಾಪಾರದಲ್ಲಿನ ವಿವಿಧ ಸ್ಥಳಗಳಲ್ಲಿ ಸಲಗ ಇತರ ಆರು ಜನರ ಮೇಲೆ ದಾಳಿ ಮಾಡಿದೆ. ಆದರೆ ಅದೃಷ್ಟವಶಾತ್ ಅವರೆಲ್ಲರೂ ಸಣ್ಣ ಪುಟ್ಟ ಗಾಯಗಳೊಂದಿಗೆ ಪಾರಾಗುವಲ್ಲಿ ಯಶಸ್ವಿಯಾಗಿದ್ದಾರೆ.