ಬ್ಯಾಂಕ್ ಲೋನ್ ಪಡೆಯಲು ಹೋಗುವಾಗ ಖರೀದಿಸಿದ ಲಾಟರಿಗೆ ಬಂತು 12 ಕೋಟಿ ರು!

ಕಣ್ಣೂರು: ಹಿಂದೆ ಮಾಡಿದ್ದ ಮೂರು ಸಾಲ ಇನ್ನೂ ತೀರಿಸಿರಲಿಲ್ಲ, ಹೀಗಿದ್ದರೂ ನಾಲ್ಕನೇ ಬಾರಿಗೆ ಬ್ಯಾಂಕ್ ನಲ್ಲಿ ಸಾಲ ಪಡೆಯಲು ಹೋಗುತ್ತಿದ್ದ ವ್ಯಕ್ತಿಗೆ ತಿಳಿದಿರಲಿಲ್ಲ, ಅತಿ ಶೀಘ್ರದಲ್ಲಿಯೇ ನಾನು ಕೋಟ್ಯಾಧಿಪತಿ ಆಗುತ್ತೇನೆಂದು,  ಆತ ಎಣಿಸಿರಲಿಲ್ಲ. 

ಕೇರಳದ ಕುರುಚಿಯಾ ರಾಜನ್  ಅವರಿಗೆ 12 ಕೋಟಿ ರು ಲಾಟರಿ ಹಣ ಬಂದಿದೆ, ತಮ್ಮ ಮನೆಯ ನಿರ್ಮಾಣ ಕೆಲಸ ಅ ರ್ಧಕ್ಕೆ ನಿಂತಿತ್ತು, ಇದರಿಂದ ರಾಜನ್  ತೀವ್ರ ಅಸಮಾಧಾನ ಗೊಂಡಿದ್ದರು. ಮಗಳ ಮದುವೆಗೂ ಕೂಡ ಸಾಲ ಮಾಡಿದ್ದರು, ಹೀಗಾಗಿ 4ನೇ ಬಾರಿಗೆ ಬ್ಯಾಂಕ್ ನಲ್ಲಿ ಸಾಲ  ಮಾಡಲು ಹೊರಟಿದ್ದರು. ಹೊರಡುವ ಮುನ್ನ 300 ರೂ ಕೊಟ್ಟು  ಲಾಟರಿ ಟಿಕೆಟ್ ಖರೀದಿಸಿದ್ದರು.  ಅದನ್ನು ಯಾರೋಂದಿಗೂ ಹೇಳಿರಲಿಲ್ಲ.

ಯಾವಾಗಲೂ ಯಾಟರಿ ಖರೀದಿ ಮಾಡುತ್ತಿದ್ದರಿಂದ ನನ್ನ ಹೆಂಡತಿ ನನ್ನ ಜೊತೆ ಜಗಳವಾಡುತ್ತಿದ್ದಳು.  ಮಂಗಳವಾರ ಬೆಳಗ್ಗೆ ಕುತೂಹಲದಿಂದ ನೋಡಿದೆ,  ಆಗ ತಿಳಿಯಿತು ನನ್ನ ಬದುಕಿನ ಗತಿಯೇ ಬದಲಾಯಿತು ಎಂದು ರಾಜನ್ ತಿಳಿಸಿದ್ದಾರೆ.

ಇನ್ನೂ ಲಾಟರಿಯಿಂದ ಹಣ ಬಂದಿದ್ದರಿಂದ ನನಗೆ ಅಪಾರ ಸಂತೋಷವಾಗಿದೆ ಎಂದು ಹೇಳಿದ್ದಾರೆ. ಜೊತೆಗೆ ಅವರ ಕುಟುಂಬಸ್ಥರು ಸಂತೋಷ ವ್ಯಕ್ತ ಪಡಿಸಿದ್ದಾರೆ.