ಭಾರತೀಯ ವಾಯುಸೇನೆ ಪೈಲೆಟ್‍ಗಳಿಗೆ ಹೊಸ ಹೆಲ್ಮೆಟ್, ವಿಶೇಷತೆ ಏನು ಗೊತ್ತ?
ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರು ಪಾಕಿಸ್ತಾನದ ಎಫ್-16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿದ ನಂತರ ಭಾರತೀಯ ವಾಯುಸೇನೆಯ ಪರಾಕ್ರಮ...
Published On :
ನವದೆಹಲಿ: ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರು ಪಾಕಿಸ್ತಾನದ ಎಫ್-16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿದ ನಂತರ ಭಾರತೀಯ ವಾಯುಸೇನೆಯ ಪರಾಕ್ರಮ ಜಗತ್ತಿಗೆ ಗೊತ್ತಾಗಿದೆ. ಈ ಮಧ್ಯೆ ವಾಯುಸೇನೆಯ ಪೈಲೆಟ್‍ಗಳಿಗೆ ಇನ್ನು ಹೆಚ್ಚಿನ ಶಕ್ತಿ ತುಂಬುವ ಸಲುವಾಗಿ ಹೊಸ ಹೆಲ್ಮೆಟ್ ಗಳನ್ನು ಸಿದ್ಧಪಡಿಸಲಾಗುತ್ತಿದೆ.
ಈ ಹೊಸ ಹೆಲ್ಮೆಟ್ ನಲ್ಲಿ ಕಾರ್ಯಾಚರಣೆಯ ದೃಶ್ಯಗಳನ್ನು ಕಾಣುವ ಉಪಕರಣ(Helmet Mounted Display System)ವನ್ನು ಭಾರತೀಯ ಸೇನೆಯ ಪೈಲಟ್ ಗಳಿಗೆ ನೀಡಲು ಭಾರತ ಮತ್ತು ಇಸ್ರೇಲ್ ಒಡಂಬಡಿಕೆ ಮಾಡಿಕೊಂಡಿದೆ.
ನವರತ್ನ ರಕ್ಷಣಾ ಘಟಕ, ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ ಮತ್ತು ಇಸ್ರೇಲ್ ನ ಎಲ್ಬಿಟ್ ಸಿಸ್ಟಮ್ಸ್ ಲಿಮಿಟೆಡ್ ಸಂಸ್ಥೆಗಳು ಬೆಂಗಳೂರಿನಲ್ಲಿ ಫೆಬ್ರವರಿಯಲ್ಲಿ ನಡೆದಿದ್ದ ಏರೋ ಇಂಡಿಯಾ ಸಮಯದಲ್ಲಿ ತಾಂತ್ರಿಕ ಸಹಯೋಗ ಒಪ್ಪಂದ ನಡೆಸಿದ್ದವು.
ಭಾರತೀಯ ನೌಕಾಪಡೆಯ ಹೆಲಿಕಾಪ್ಟರ್ ಗಳ ಪೈಲೆಟ್ ಗಳಿಗೆ ಈ ಹೆಲ್ಮೆಟ್ ಗಳನ್ನು ನೀಡಲಾಗುವುದು. ರಾತ್ರಿಯ ದೃಶ್ಯಗಳನ್ನು ಸ್ಪಷ್ಟವಾಗಿ ಕಾಣುವ ಕನ್ನಡಕಗಳು, ಹಗಲು ಮತ್ತು ರಾತ್ರಿ ಸ್ಪಷ್ಟವಾಗಿ ಗೋಚರಿಸುವ ಡಿಸ್ಪ್ಲೇ 3ಡಿ ಸಿಂಬಾಲಜಿ, ಹೆಡ್ ಟ್ರಾಕಿಂಗ್, ಸೆನ್ಸಾರ್ ಗಳು ಈ ಸುಧಾರಿತ ಹೆಲ್ಮೆಟ್ ನ ವಿಶೇಷತೆ.
ಹೆಚ್ ಎಂಡಿಎಸ್ ಹೆಲ್ಮೆಟ್ ನಲ್ಲಿ ಹೆಲಿಕಾಪ್ಟರ್ ನ ಹಾರಾಟದ ಎತ್ತರ, ಪ್ಲಾಟ್ ಫಾರ್ಮ್ ಮಾಹಿತಿ, ಕಾರ್ಯಾಚರಣೆಯ ಅಂಕಿ ಅಂಶಗಳು, ಎದುರಾಳಿಯ ಮಾಹಿತಿ ಮುಂತಾದ ಸವಲತ್ತುಗಳಿವೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
israelಇಸ್ರೇಲ್Indian ArmyBELಹೆಲ್ಮೆಟ್ಭಾರತೀಯ ಸೇನೆಬಿಇಎಲ್Helmet-Mounted DisplayMilitary Pilotsಸೇನಾ ಪೈಲೆಟ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.