ಕಾರ್ಯಕ್ಷಮತೆ ಕೊರತೆ: ರಕ್ಷಣಾ ಸಚಿವಾಲಯದ ಐವರು ಅಧಿಕಾರಿಗಳು ಸೇವೆಯಿಂದ ವಜಾ

ನವದೆಹಲಿ: ಉದ್ಯೋಗದಲ್ಲಿ ಕಳಪೆ  ಪ್ರದರ್ಶನದ ಹಿನ್ನೆಲೆಯಲ್ಲಿ ರಕ್ಷಣಾ ಸಚಿವಾಲಯದಲ್ಲಿನ ಐವರು ನಾಗರಿಕ ಅಧಿಕಾರಿಗಳನ್ನು ವಜಾಗೊಳಿಸಲು  ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಅನುಮೋದನೆ ನೀಡಿದ್ದಾರೆ.

ಈ ಐವರು ಅಧಿಕಾರಿಗಳು ಸೇನೆಯ ಎಂಜಿನಿಯರಿಂಗ್ ಸೇವೆಗೆ ಸೇರಿದವರಾಗಿದ್ದಾರೆ.  ಇದು  ಸಶಸ್ತ್ರ ಪಡೆಗಳ  ಮಿಲಿಟರಿ ಕಟ್ಟಡಗಳ ನಿರ್ವಹಣೆ  ಮೇಲ್ವಿಚಾರಣೆ  ಹಾಗೂ ಮಿಲಿಟರಿ ಕಟ್ಟಡಗಳ ನಿರ್ವಹಣೆ ಮಾಡಲಿದೆ.

55 ವರ್ಷ ವಯಸ್ಸು  ಅಥವಾ   30 ವರ್ಷಗಳ ಸೇವೆ ಸಲ್ಲಿಸಿದ   ನಂತರ  ಕಾರ್ಯಕ್ಷಮತೆ ಕೊರತೆ ಕಾರಣ ಐವರು ಅಧಿಕಾರಿಗಳನ್ನು  ಕಡ್ಡಾಯ ನಿವೃತ್ತಿ ಮೇರೆಗೆ ಕಳುಹಿಸಲಾಗಿದೆ ಎಂದು ರಕ್ಷಣಾ ಸಚಿವಾಲಯದ ಮೂಲಗಳು ತಿಳಿಸಿವೆ.

ಮೇಲ್ವಿಚಾರಣೆ ಮತ್ತು ನಿರ್ವಹಣೆ ವಿಭಾಗದಲ್ಲಿ ಸಹಾಯಕ ಎಂಜಿನಿಯರ್  ಶ್ರೇಣಿಯಲ್ಲಿದ್ದ ಈ ಅಧಿಕಾರಿಗಳಿಗೆ ಮೂರು ತಿಂಗಳ ಸಂಬಂಳ ನೀಡಿ ಕಳುಹಿಸಲಾಗಿದೆ.

ಸಿಬ್ಬಂದಿ ಮತ್ತು ತರಬೇತಿ ಇಲಾಖೆಯ 2015, ಸೆಪ್ಟೆಂಬರ್ 11ರ ಮಾರ್ಗಸೂಚಿಯಂತೆ  ಈ ಅಧಿಕಾರಿಗಳನ್ನು ಸೇವೆಯಿಂದ ವಜಾಗೊಳಿಸಲಾಗಿದೆ ಎಂಬುದು ಮೂಲಗಳಿಂದ ತಿಳಿದುಬಂದಿದೆ.