46 ಎಸಿಗಳ 7 ಸ್ಟಾರ್ ಬಂಗ್ಲೆಯಲ್ಲಿ ತೇಜಸ್ವಿಯದ್ದು ರಾಜವೈಭವ: ಸುಶೀಲ್ ಮೋದಿ
ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ ತಾವು ವಾಸಿಸುತ್ತಿದ್ದ ಐಷಾರಾಮಿ ಬಂಗಲೆಯನ್ನು ಸುಪ್ರೀಂ ಕೋರ್ಟ್ ಆದೇಶದನ್ವಯ ತೆರವುಗೊಳಿಸಿದ್ದಾರೆ....
Published On :
ಪಾಟ್ನಾ: ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ ತಾವು ವಾಸಿಸುತ್ತಿದ್ದ ಐಷಾರಾಮಿ ಬಂಗಲೆಯನ್ನು ಸುಪ್ರೀಂ ಕೋರ್ಟ್ ಆದೇಶದನ್ವಯ ತೆರವುಗೊಳಿಸಿದ್ದಾರೆ.
ಸದ್ಯ ಈ ಬಂಗಲೆಯನ್ನು ಬಿಹಾರದ ಉಪ ಮುಖ್ಯಮಂತ್ರಿ ಸುಶೀಲ್ ಮೋದಿ ಅವರಿಗೆ ನೀಡಲಾಗಿದೆ. ಪಂಚತಾರಾ ಹೊಟೇಲುಗಳನ್ನೂ ನಾಚಿಸುವ ರೀತಿಯ ಇಲ್ಲಿನ ವಿಲಾಸಿ ಸೌಕರ್ಯಗಳನ್ನು, ಅಲಂಕಾರಗಳನ್ನು ಕಂಡು ನಿಬ್ಬೆರಗಾಗಿದ್ದಾರೆ. 46 ಎಸಿಗಳ 7 ಸ್ಟಾರ್ ನ ಈ ಬಂಗ್ಲೆಯಲ್ಲಿ ತೇಜಸ್ವಿ ರಾಜ ವೈಭವ ನಡೆಸುತ್ತಿದ್ದರು ಎಂದು ಅವರು ಹೇಳಿದ್ದಾರೆ.
'46 ಎಸಿ ಗಳು ಇರುವ ಈ ಭಾರೀ ಐಶಾರಾಮಿ ಬಂಗ್ಲೆ ಪಂಚ ತಾರಾ ಹೊಟೇಲುಗಳನ್ನು ಕೂಡ ನಾಚಿಸುವಂತಿದೆ. ಇದರ ನಿರ್ವಹಣೆಗೆ ತಗುಲುವ ವೆಚ್ಚವೇ ಒಂದು ಆನೆಯನ್ನು ಸಾಕುವ ವೆಚ್ಚವನ್ನು ಮೀರಿಸಲಿದೆ' ಎಂದು ಸುಶೀಲ್ ಮೋದಿ ಟ್ವೀಟ್‌ ಮಾಡಿದ್ದಾರೆ.
ಈ ಬಂಗ್ಲೆಯನ್ನು ಪ್ರವೇಶಿಸಿದಾಗ ನಮಗೆ ಸೆವೆನ್‌ ಸ್ಟಾರ್ ಹೊಟೇಲ್‌ ಪ್ರವೇಶಿಸಿದ ಅನುಭವವಾಯಿತು. ಇಲ್ಲಿ ಎಲ್ಲವೂ ಸ್ಪೆಶಲ್‌, ಯಾವುದೂ ಆರ್ಡಿನರಿ ಇಲ್ಲ. ಈ ಬಂಗ್ಲೆಯ ವೈಭವೀಕರಣಕ್ಕೆ ಕೋಟಿ ಗಟ್ಟಲೆ ಖರ್ಚು ಮಾಡಲಾಗಿರುವುದು ಸ್ಪಷ್ಟವಿದೆ. ಇಷ್ಟೊಂದು ವೈಭವದ ವಿಲಾಸೀ ಬಂಗ್ಲೆಯಲ್ಲಿ ವಾಸಿಸುವ ತೇಜಸ್ವಿ ಯಾದವ್ ಗೆ ಬಡವರ ಮತ್ತು ಹಿಂದುಳಿದವರ ಕಷ್ಟ ಕಾರ್ಪಣ್ಯಗಳು ಹೇಗೆ ಗೊತ್ತಾಗಲು ಸಾಧ್ಯ ಎಂದು ಮೋದಿ ಪ್ರಶ್ನಿಸಿದ್ದಾರೆ.
ಈ ಐಷಾರಾಮಿ ಬಂಗ್ಲೆ ಬಿಹಾರ ರಾಜ್ಯಪಾಲ ಅಧಿಕೃತ ನಿವಾಸವಾಗಿರುವ ಪಟ್ನಾದಲ್ಲಿನ ರಾಜ ಭವನಕ್ಕಿಂತ ನೂರು ಪಟ್ಟು ವೈಭವೋಪೇತವಾಗಿದೆ; ಈ ಬಂಗ್ಲೆಯನ್ನು ಮುಖ್ಯಮಂತ್ರಿಗಳು ಬಳಸಬಹುದಾಗಿದೆ; ನಾನಲ್ಲ' ಎಂದು ಸುಶೀಲ್ ಮೋದಿ ಹೇಳಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.