ವಿಡಿಯೋ: 46 ವರ್ಷದ ಯೋಗಿ ಕಾಲಿಗೆ ಬಿದ್ದ 66 ವರ್ಷದ ಛತ್ತೀಸ್ ಗಢ ಸಿಎಂ

ರಾಜನಂದಗಾಂವ್: ಛತ್ತೀಸ್ ಗಢ ಮುಖ್ಯಮಂತ್ರಿ ರಮಣ್ ಸಿಂಗ್ ಅವರು ಸೋಮವಾರ ವಿಧಾನಸಭಾ ಚುನಾವಣೆಗೆ ತಮ್ಮ ನಾಮಪತ್ರ ಸಲ್ಲಿಸುವ ಮುನ್ನ ವಯಸ್ಸಿನಲ್ಲಿ ತಮಗಿಂತ 20 ವರ್ಷ ಕಿರಿಯರಾದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಕಾಲಿಗೆ ಬಿದ್ದು ನಮಸ್ಕರಿಸಿದ್ದು, ಅದರ ವಿಡಿಯೋ ಈಗ ವೈರಲ್ ಆಗಿದೆ.

66 ವರ್ಷದ ರಮಣ್​ ಸಿಂಗ್ ಅವರು 46 ವರ್ಷದ ಯೋಗಿ ಆದಿತ್ಯನಾಥ್​ ಅವರ ಪಾದಕ್ಕೆ ಎರಗಿರುವುದು ಈಗ ತೀವ್ರ ಚರ್ಚೆಗೆ ಕಾರಣವಾಗಿದೆ.

ಮೂರು ಬಾರಿ ಸಿಎಂ ಆಗಿರುವ ರಮಣ್​ ಸಿಂಗ್​ ಅವರು ರಾಜಕೀಯ ಅನುಭವದಲ್ಲೂ ಹಿರಿಯರು. 1970ರ ಆರಂಭದಲ್ಲಿ ರಮಣ್ ಸಿಂಗ್ ಜನಸಂಘಕ್ಕೆ ಸೇರಿದವರು, 1976-77ರಲ್ಲಿ ಜನಸಂಘದ ಯುವ ಘಟಕಕ್ಕೆ ಅಧ್ಯಕ್ಷರಾಗಿದ್ದರು. ಇನ್ನು ಯೋಗಿ ಆದಿತ್ಯನಾಥ್ 1972ರಲ್ಲಿ ಜನಿಸಿದವರು. ಆದರೆ ಅವರು ಗೋರಖ್​ಪುರ ದೇವಸ್ಥಾನದ ಅರ್ಚಕರಾಗಿ ಸೇವೆ ಸಲ್ಲಿಸಿದ ಸನ್ಯಾಸಿಯಾಗಿದ್ದಾರೆ.  ಸನ್ಯಾಸಿಯಾಗಿರುವ ಯೋಗಿ ಆದಿತ್ಯನಾಥರ ಪಾದಕ್ಕೆ ರಾಷ್ಟ್ರಪತಿ ರಾಮನಾಥ್​ ಕೋವಿಂದ್​ ಸಹ ತಾವು ಪ್ರಮಾಣವಚನ ಸಮಾರಂಭದ ವೇಳೆ ನಮಸ್ಕರಿಸಿದ್ದರು ಎಂಬ ಮಾತುಗಳು ಕೇಳಿಬರುತ್ತಿವೆ.