ಇತಿಹಾಸ ನಿರ್ಮಿಸಿದ ಏರ್ ಇಂಡಿಯಾ, ಇಸ್ರೇಲ್ ಗೆ ಸೌದಿ ವಾಯುಪ್ರದೇಶ ಬಳಸಿ ಹಾರಾಟ

ಏರ್ ಇಂಡಿಯಾದ ಮೊದಲ ವಿಮಾನ ಇಸ್ರೇಲ್ ನ ಟೆಲ್ ಅವಿವ್ ನಲ್ಲಿ ಹೋಗಿ ತಂಗಿದ್ದು ಪ್ರಯಾಣದ ಅವಧಿಯನ್ನು ಕಡಿಮೆ ಮಾಡಿದೆ. ತನ್ನ ವಾಯುಮಾರ್ಗವನ್ನು ಬಳಸಿಕೊಳ್ಳಲು ವಾಣಿಜ್ಯ ವಿಮಾನಕ್ಕೆ ಇದೇ ಮೊದಲ ಬಾರಿಗೆ ಸೌದಿ ಅರೇಬಿಯಾ ಅವಕಾಶ ನೀಡಿದೆ.

ವಿಮಾನ ಸಂಚಾರದಿಂದ ಭಾರತ ಮತ್ತು ಇಸ್ರೇಲ್ ನಡುವೆ ಜನರ ನಡುವಿನ ಸಂಪರ್ಕ ಮತ್ತು ರಾಜತಾಂತ್ರಿಕ ಬಾಂಧವ್ಯದಲ್ಲಿ ಹೊಸ ಶಕೆ ಆರಂಭವಾಗಲಿದೆ. ಏರ್ ಇಂಡಿಯಾ ದೆಹಲಿಯಿಂದ ಟೆಲ್ ಅವಿವ್ ಗೆ ವಾರಕ್ಕೆ ಮೂರು ಬಾರಿ ನೇರ ವಿಮಾನ ಸಂಚಾರ ಆರಂಭಿಸಿದೆ.

ಸೌದಿ ಅರೇಬಿಯಾ ತನ್ನ ವಾಯುಮಾರ್ಗವನ್ನು ಬಳಸಲು ಅವಕಾಶ ನೀಡಿರುವುದರಿಂದ ಪ್ರಯಾಣದ ಅವಧಿ ಕಡಿಮೆಯಾಗಲಿದೆ. ದೆಹಲಿಯಿಂದ ಟೆಲ್ ಅವಿವಾಗೆ ಪ್ರಯಾಣದ ಅವಧಿ 7.25 ಗಂಟೆಯಾಗಲಿದೆ ಸುಮಾರು 2.10 ಗಂಟೆ ಅವಧಿ ಕಡಿಮೆಯಾಗಲಿದೆ. ಪ್ರಸ್ತುತ ಇಸ್ರೇಲ್ ನ ಎಲ್ ಅಲ್ ವಿಮಾನ ಇಸ್ರೇಲ್ ಮತ್ತು ಭಾರತದ ಮಧ್ಯೆ ಹಾರಾಟ ನಡೆಸುತ್ತಿದೆ.
ನಿನ್ನೆ ಇಸ್ರೇಲ್ ನ ಕಾಲಮಾನ ರಾತ್ರಿ 10 ಗಂಟೆ 15 ನಿಮಿಷಕ್ಕೆ ಅಲ್ 139 ವಿಮಾನ ಟೆಲ್ ಅವಿವ್ ನ ಗುರಿಯಾನ್ ವಿಮಾನ ನಿಲ್ದಾಣದಲ್ಲಿ ಬಂದಿಳಿಯಿತು.

ಇದೊಂದು ಐತಿಹಾಸಿಕ ಕ್ಷಣ. ನಾವು ಹೊಸ ಯುಗದಲ್ಲಿದ್ದೇವೆ, ಭಾರತೀಯ ಪ್ರಯಾಣಿಕರು ಇಸ್ರೇಲ್ ಗೆ ಹೆಚ್ಚು ಹೆಚ್ಚಾಗಿ ಬರುವ ನಿರೀಕ್ಷೆಯಿದೆ. ಇಸ್ರೇಲಿಯನ್ನರು ಕೂಡ ಭಾರತಕ್ಕೆ ಹೆಚ್ಚು ಹೆಚ್ಚು ಹೋಗುವ ನಿರೀಕ್ಷೆಯಿದೆ ಎಂದರು ಇಸ್ರೇಲ್ ನ ಪ್ರವಾಸೋದ್ಯಮ ಸಚಿವ ಯಾರಿವ್ ಲೆವಿನ್.