ಕಾಶ್ಮೀರಿ ವೈದ್ಯಕೀಯ ವಿದ್ಯಾರ್ಥಿ ಒಡಿಶಾದಲ್ಲಿ ಕಣ್ಮರೆ, ನಕ್ಸಲರಿಂದ ಅಪಹರಣ ಶಂಕೆ
ಒಡಿಶಾ ಭುವನೇಶ್ವರದ ವೈದ್ಯಕೀಯ ಕಾಲೇಜಿನಿಂದ ಕಾಣೆಯಾಗಿದ್ದ ಕಾಶ್ಮೀರ ಮೂಲದ ಎಂಬಿಬಿಎಸ್ ವಿದ್ಯಾರ್ಥಿ ಮಾವೋವಾದಿ ನಕ್ಸಲರ ವಶದಲ್ಲಿದ್ದಾನೆ ಎಂದು ಒಡಿಶಾ ಪೋಲೀಸರು ಶಂಕೆ........
Published On :
ಭುವನೇಶ್ವರ್(ಒಡಿಶಾ): ಒಡಿಶಾ ಭುವನೇಶ್ವರದ ವೈದ್ಯಕೀಯ ಕಾಲೇಜಿನಿಂದ ಕಾಣೆಯಾಗಿದ್ದ ಕಾಶ್ಮೀರ ಮೂಲದ ಎಂಬಿಬಿಎಸ್ ವಿದ್ಯಾರ್ಥಿ ಮಾವೋವಾದಿ ನಕ್ಸಲರ ವಶದಲ್ಲಿದ್ದಾನೆ ಎಂದು ಒಡಿಶಾ ಪೋಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ. ಪೋಲೀಸರಿಗೆ ದೊರಕಿರುವ ಎರಡು ಕರಪತ್ರಗಳು ಈ ಶಂಕೆಯನ್ನು ಇನ್ನಷ್ಟು ಬಲಪಡಿಸಿದೆ.
ಆಲ್ ಇಂಡಿಯಾ ಇನ್ ಸ್ಟಿಟ್ಯೂತ್ ಆಓ ಮೆಡಿಕಲ್ ಸೈನ್ಸ್, ಭುವನೇಶ್ವರ್ ನ ವಿದ್ಯಾರ್ಥಿಯಾಗಿದ್ದ ಸುಹೈಲ್ ಐಜಾಜ್ ನನ್ನು ನಕ್ಸಲರು ಬಂಧನದಲ್ಲಿರಿಸಿಕೊಂಡಿದ್ದಾರೆ. "ಸುಹೈಲ್ ಕಾಣೆಯಾದ ಸ್ಥಳದಲ್ಲಿ ನಮಗೆ ಎರಡು ಕರಪತ್ರಗಳು ಸಿಕ್ಕಿದೆ. ಇದೊಂದು ನಕ್ಸಲರ ದುಷ್ಕೃತ್ಯ ಎನ್ನುವ ಶಂಕೆ ವ್ಯಕ್ತವಾಗಿದ್ದು ತನಿಖೆ ನಡೆಯುತ್ತಿದೆ ಎಂದು ಭುವನೇಶ್ವರ್ ಪೋಲೀಸ್ ಕಮಿಷನರ್ ವೈ.ಬಿ. ಖುರಾನಿಯಾ ಹೇಳಿದ್ದಾರೆ.
ಪೋಲೀಸ್ ತಂಡವು ಇದಾಗಲೇ ಕೋಲ್ಕತ್ತಾ ಹಾಗೂ ಹೌರಾಗಳಲ್ಲಿ ತನಿಖೆ ನಡೆಸಿದೆ. ಕಾಶ್ಮೀರ ಪೋಲೀಸರೊಡನೆ ಸಹ ನಮ್ಮ ತನಿಖಾ ತಂಡ ಸಂಪರ್ಕದಲ್ಲಿದೆ. ಎಂದಿರುವ ಖುರಾನಿಯಾ ಯುವಕನ ಚಿತ್ರವನ್ನು ಎ ಎನ್ ಐ ಸಂಸ್ಥೆಯೊಡನೆ ಹಂಚಿಕೊಂಡಿದ್ದಾರೆ.
ಉತ್ತರ ಕಾಶ್ಮೀರದ ಕುಪ್ವಾರಾ ಜಿಲ್ಲೆಯವನಾಗಿದ್ದ ಸುಹೈಲ್, 2016ರಿಂದ ಭುವನೇಶ್ವರ್ ನಲ್ಲಿ ವೈದ್ಯಕೀಯ ವ್ಯಾಸಂಗ ಮಾಡುತ್ತಿದ್ದ. ಇದೇ ಫೆ.9ರಿಂದ ಇದ್ದಕ್ಕಿದ್ದಂತೆ ನಾಪತ್ತೆಯಾಗಿದ್ದಾನೆ ಎನ್ನಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.