ಗಂಡನನ್ನು ಮೆಚ್ಚಿಸಲು ಮಹಿಳೆ ಏಕೆ ನೋವು ತಿನ್ನಬೇಕು? ಅವರು ಪಶುಗಳಲ್ಲ: ಸುಪ್ರೀಂ ಕೋರ್ಟ್
ಮಹಿಳೆಯರು ಪಶುಗಳಲ್ಲ, ಅವರು ತನ್ನ ಗಂಡನ ಪಾಲಿಗೆ ಜಾನುವಾರುಗಳಂತೆ ಮಾರಾಟವಾಗುವವರಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.
Published On :
ನವದೆಹಲಿ: ಮಹಿಳೆಯರು ಪಶುಗಳಲ್ಲ, ಅವರು ತನ್ನ ಗಂಡನ ಪಾಲಿಗೆ ಜಾನುವಾರುಗಳಂತೆ ಮಾರಾಟವಾಗುವವರಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.ಮಹಿಳೆಯ ಜನನಾಂಗ ಊನದಂತಹಾ ವಿಕೃತ ಪದ್ದತಿ ಆಚರಣೆ ನಿಷೇಧ ಕುರಿತ ಅರ್ಜಿ ವಿಚಾರಣೆ ಆಲಿಸಿದ ನ್ಯಾಯಪೀಠ ಈ ರೀತಿ ಪ್ರತಿಕ್ರಯಿಸಿದೆ.
ಭಾರತದ ಮುಖ್ಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ ಅವರನ್ನೊಳಗೊಂಡ ನ್ಯಾಯಪೀಠ ಒಬ್ಬ ಮಹಿಳೆ ಆಕೆಯ ಪತಿಗೆ ಜಾನುವಾರು ಸಿಕ್ಕಂತೆ ಸಿಗುತ್ತಾಳೆಯೆ? ಅಲ್ಲದೆ ಮಹಿಳೆ ಮಾತ್ರವೇ ಏಕೆ ತನ್ನ ಪತಿಯನ್ನು ಮೆಚ್ಚಿಸುವುದಕ್ಕೆ ಇಂತಹಾ ಕಠಿಣ ಆಚರಣೆಗೆ ಒಅಳಗಾಗಬೇಕು? ಅವಳಿಗೆ ಮಾತ್ರವೇ ಏಕೆ ಈ ಬಾದ್ಯತೆ ಅಗತ್ಯವಿದೆ? ಎಂದು ಪ್ರಶ್ನಿಸಿದೆ.
ಈ ಆಚರಣೆಗಳು ಸ್ತ್ರೀ ಲಿಂಗ ಸಂವೇದನೆಗೆ ವಿರುದ್ಧವಾಗಿದ್ದು ಆಕೆಯ ಆರೋಗ್ಯಕ್ಕೆ ಸಹ ಹಾನಿಕಾರಕ ಎಂದು ಅವರು ಅಭಿಪ್ರಾಯಪಟ್ಟರು.
"ಜನನಾಂಗ ಎನ್ನುವುದು ವ್ಯಕ್ತಿಯ ದೇಹದ ಗುರುತಾಗಿದ್ದು ಇದನ್ನು ವಿಕೃತಿಗೊಳಿಸುವುದು ಒಳಿತಲ್ಲ" ನ್ಯಾಯಮೂರ್ತಿಗಳಾದ ಡಿ ವೈ ಚಂದ್ರಚೂಡ ಹೇಳಿದ್ದಾರೆ. ಏತನ್ಮಧ್ಯೆ ಸ್ತ್ರೀ ಜನನಾಂಗದ ಊನಗೊಳಿಸುವಿಕೆ ಆಚರಣೆ ನಿಷೇಧಕ್ಕೆ ಸರ್ಕಾರ ಬೆಂಬಲಿಸುತ್ತದೆ ಎಂದು ಅಟಾರ್ನಿ ಜನರಲ್ ಕೆ.ಕೆ. ವೇಣುಗೋಪಾಲ್ ಹೇಳಿದರು.
ಎಫ್ಜಿಎಂ ಅಥವಾ 'ಖತ್ನಾ' ಎಂಬುದು ಏಳು ವರ್ಷ ಅಥವಾ ಆರರಿಂದ 12 ರ ವಯಸ್ಸಿನ ಯುವತಿಗೆ ಆಕೆಯ ಜನನಾಂಗದ ಮೇಲಿನ ಚರ್ಮವನ್ನು ತೆಗೆದುಹಾಕುವ ಪ್ರಕ್ರಿಯೆಯಾಗಿದ್ದು, ಇದನ್ನು ಸಾಮಾನ್ಯವಾಗಿ ಬೋಹ್ರಾ ಮುಸ್ಲಿಮರಲ್ಲಿ ಕಾಣಬಹುದಾಗಿದೆ. ಇದಕ್ಕೆ ಸುನತಿ ಎಂದು ಕರೆಯುತ್ತಾರೆ.
ಡಿಸೆಂಬರ್ 2012 ರಲ್ಲಿ ಯುನೈಟೆಡ್ ನೇಷನ್ಸ್ ಈ ಅನಿಷ್ಟ ಆಚರಣೆ ಸಂಬಂಧ ನಿರ್ಣಯವೊಂದನ್ನು ಅಂಗೀಕರಿಸಿದ್ದು ಈ ನಿರ್ಣಯಕ್ಕೆ ಭಾರತ ಸಹ ಸಹಿ ಹಾಕಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
supreme courtಸರ್ವೋಚ್ಚ ನ್ಯಾಯಾಲಯಸ್ತ್ರೀ ಜನನಾಂಗದ ಊನಗೊಳಿಸುವಿಕೆfemale genital mutilationBohra Muslim communitykhatnaಬೋಹ್ರಾ ಮುಸ್ಲಿಂ ಸಮುದಾಯಖತ್ನಾ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.