ಪ್ರಧಾನಿ ವಿದೇಶಗಳ ಒತ್ತಡಕ್ಕೆ ಶರಣಾಗಿದ್ದಾರೆ: ಚೀನಾ ಭೇಟಿ ಉಲ್ಲೇಖಿಸಿ ಮೋದಿ ವಿರುದ್ಧ ರಾಹುಲ್ ವಾಗ್ದಾಳಿ

ಏಪ್ರಿಲ್ ನಲ್ಲಿ ಮೋದಿ ಚೀನಾಗೆ ಭೇಟಿ ನೀಡಿದ್ದನ್ನು ಉಲ್ಲೇಖಿಸಿರುವ ರಾಹುಲ್ ಗಾಂಧಿ, ಭಾರತದ ಇತಿಹಾಸದಲ್ಲಿ ಹಿಂದೆಂದೂ ಯಾವ ಪ್ರಧಾನಿಯೂ ವಿದೇಶಗಳ ಪ್ರಭಾವಕ್ಕೆ ಶರಣಾಗಿರಲಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.  ಚೀನಾದೊಂದಿಗೆ ಗಡಿ ಪ್ರದೇಶಗಳಲ್ಲಿ  ತ್ವರಿತವಾಗಿ ಕಾರ್ಯಾಚರಣೆ ಮಾಡುವ ಮೌಂಟೇನ್ ಸ್ಟ್ರೈಕ್ ಕಾರ್ಪ್ಸ್ ನ ಹೊಸ  ವಿಭಾಗಕ್ಕೆ ಆರ್ಥಿಕ ಕಾರಣ ನೀಡಿ ಈ ಪ್ರಸ್ತಾಪವನ್ನು ಸೇನೆ ಮುಂದೂಡಿತ್ತು. ಈ ಬಗ್ಗೆ ಪ್ರಸ್ತಾಪಿಸಿರುವ ರಾಹುಲ್ ಗಾಂಧಿ, "ನಮ್ಮ ಪ್ರಧಾನಿಯ ಚೀನಾ ಭೇಟಿಗೆ ಅಜೆಂಡಾ ಇರಲೇ ಇಲ್ಲ ಎಂದು ಟೀಕಾಪ್ರಹಾರ ನಡೆಸಿದ್ದು, ಚೀನಾದ ಗೌಪ್ಯ ಅಜೆಂಡಾ ಈಗ ಬಹಿರಂಗವಾಗುತ್ತಿದೆ. ಆದರೆ ಈಗಿನ ಪ್ರಧಾನಿ ವಿದೇಶಗಳ ಪ್ರಭಾವಕ್ಕೆ ಶರಣಾಗುತ್ತಿರುವಂತೆ ಈ ಹಿಂದಿನ ಯಾವ ಪ್ರಧಾನಿಗಳೂ ಶರಣಾಗಿರಲಿಲ್ಲ, ಈಗ ಬಿಜೆಪಿಯ ರಾಷ್ಟ್ರೀಯವಾದ ಬಹಿರಂಗವಾಗುತ್ತಿದೆ ಎಂದು ಟ್ವೀಟ್ ಮಾಡಿದ್ದಾರೆ.