ಏರ್ ಇಂಡಿಯಾದಲ್ಲಿ ಪ್ರಧಾನಿ ಮೋದಿ ವಿದೇಶ ಪ್ರಯಾಣದ ಬಿಲ್ ವಿವರ ಬಹಿರಂಗಪಡಿಸಿ: ಸಿಐಸಿ

ನವದೆಹಲಿ: ಪ್ರಧಾನಿ ನರೇಂದ್ರಮೋದಿ 2013ರಿಂದ 2017ರವರೆಗೂ ಏರ್ ಇಂಡಿಯಾದಲ್ಲಿ  ಕೈಗೊಂಡಿದ್ದ ವಿದೇಶ ಪ್ರಯಾಣದ ಬಿಲ್ ವಿವರ ಬಹಿರಂಗಪಡಿಸುವಂತೆ ಕೇಂದ್ರ ಮಾಹಿತಿ ಆಯೋಗ , ವಿದೇಶಾಂಗ ಸಚಿವಾಲಯಕ್ಕೆ  ಆದೇಶಿಸಿದೆ.

ಪ್ರಧಾನಮಂತ್ರಿಯವರ ವಿದೇಶದ ಪ್ರವಾಸ ಸಂಬಂಧ ಬಿಲ್ ವಿವಾದ ಸಂಬಂಧ  ವಿದೇಶಾಂಗ ವ್ಯವಹಾರ ಸಚಿವಾಲಯದ ವಾದವನ್ನು ಕೇಂದ್ರ ಮಾಹಿತಿ ಆಯುಕ್ತ ಆರ್. ಕೆ. ಮಥೂರ್  ತಿರಸ್ಕರಿಸಿದ್ದಾರೆ.

ನಿವೃತ್ತ ಕಮಾಂಡರ್ ಲೋಕೇಶ್ ಬಾತ್ರ , ಪ್ರಧಾನಿ ನರೇಂದ್ರಮೋದಿ 2013-14 ಮತ್ತು 2016-17ರ ಅವಧಿಯ ಮಧ್ಯೆ ಕೈಗೊಂಡಿದ್ದ ವಿದೇಶದ ಪ್ರವಾಸದ ಬಿಲ್ ವಿವರ ಮತ್ತಿತರ ಮಾಹಿತಿ ಒದಗಿಸುವಂತೆ  ಕೇಳಿದ್ದರು.

ಈ ಸಂಬಂಧ ವಿದೇಶಾಂಗ ಸಚಿವಾಲಯ  ಅಪೂರ್ಣ ಮಾಹಿತಿ ಒದಗಿಸಿದ ಹಿನ್ನೆಲೆಯಲ್ಲಿ ಕೇಂದ್ರ ಮಾಹಿತಿ ಆಯೋಗಕ್ಕೆ ಆರ್ ಟಿ ಐ ಯಡಿ ಅರ್ಜಿ ಸಲ್ಲಿಸಿದ್ದರು.

ಸಾರ್ವಜನಿಕರಿಗೆ ಮಾಹಿತಿ ನೀಡಲು ಈ ವಿವರ ಪಡೆಯುತ್ತಿದ್ದು,ಇದನ್ನು  ನೀಡುವಲ್ಲಿ  ವಿಳಂಬವಾಗಿದೆ ಎಂದು ವಿಚಾರಣೆ ವೇಳೆ ಲೋಕೇಶ್ ಬಾತ್ರ ಹೇಳಿದ್ದರು.

ಎರಡು ಕಡೆ ವಾದ ಆಲಿಸಿದ ಮಥೂರ್, ವಿದೇಶಾಂಗ ವ್ಯವಹಾರ ಸಚಿವಾಲಯದ ವಾದ ತಿರಸ್ಕರಿಸಿ, ವಿಳಂಬವಾಗಿರುವ  ಪಾವತಿಗೆ ಬಿಲ್ ,
ಇನ್ ವಾಯ್ಸ್ ಸಂಗ್ರಹ ಅಗತ್ಯವಾಗಿದೆ. ಇವುಗಳ ಸಂಗ್ರಹದ ನಂತರ ಪಾವತಿಸಬೇಕು ಎಂದು ಹೇಳಿದ್ದಾರೆ

ಇದು ಆಯೋಗದ ನಿರ್ಧಾರ ವಾಗಿದ್ದು,ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಪ್ರತಿಕ್ರಿಯಿಸುವಂತೆ ಸೂಚಿಸಿದ್ದಾರೆ.