ಮಣಿಪುರ ಬಂಡುಕೋರರಿಗೆ ಪೊಲೀಸರ ಗನ್ ನೀಡಿದ್ದ ಕಾಂಗ್ರೆಸ್ ಶಾಸಕನ ಬಂಧನ!
ಮಣಿಪುರ ಬಂಡುಕೋರರಿಗೆ ಪೊಲೀಸರ ಬಂದೂಕುಗಳನ್ನು ನೀಡಿದ ಆರೋಪದ ಮೇಲೆ ಕಾಂಗ್ರೆಸ್ ಶಾಸಕ ಯಮ್ತಾಂಗ್ ಹಾಕಿಪ್ ಮತ್ತು ಕುಕಿ ರೆವಲೂಷನರಿ ಆರ್ಮಿ(ಕೆಆರ್ಎ)...
Published On :
ಇಂಪಾಲ್: ಮಣಿಪುರ ಬಂಡುಕೋರರಿಗೆ ಪೊಲೀಸರ ಬಂದೂಕುಗಳನ್ನು ನೀಡಿದ ಆರೋಪದ ಮೇಲೆ ಕಾಂಗ್ರೆಸ್ ಶಾಸಕ ಯಮ್ತಾಂಗ್ ಹಾಕಿಪ್ ಮತ್ತು ಕುಕಿ ರೆವಲೂಷನರಿ ಆರ್ಮಿ(ಕೆಆರ್ಎ) ಮುಖ್ಯಸ್ಥ ಡೇವಿಡ್ ಹಂಗ್ಸಿಂಗ್ ರನ್ನು ರಾಷ್ಟ್ರೀಯ ತನಿಖಾ ದಳ(ಎನ್ಐಎ)ದ ಅಧಿಕಾರಿಗಳು ಬಂಧಿಸಿದ್ದಾರೆ.
2016 ಮತ್ತು 2017ರಲ್ಲಿ ಮಣಿಪುರ ರೈಫಲ್ಸ್ 2ನೇ ಬೆಟಾಲಿಯನ್ ನಲ್ಲಿ ಬಂದೂಕು ನಾಪತ್ತೆಯಾಗಿದ್ದು ಈ ಸಂಬಂಧ ಎನ್ಐಎ ಅಧಿಕಾರಿಗಳು ಕಾಂಗ್ರೆಸ್ ಶಾಸಕನನ್ನು ಬಂಧಿಸಿದ್ದಾರೆ. ಯಮ್ತಾಂಗ್ ಸೈಕುಲ್ ವಿಧಾನಸಭೆ ಕ್ಷೇತ್ರದ ಶಾಸಕರಾಗಿದ್ದಾರೆ.
ಯಮ್ತಾಂಗ್ ಪೊಲೀಸರ ಕೆಲ ಬಂದೂಕುಗಳನ್ನು ಡೇವಿಡ್ ಹಂಗ್ಸಿಂಗ್ ಗೆ ನೀಡಿದ್ದು ಈ ಸಂಬಂಧ ಇಬ್ಬರನ್ನು ಎನ್ಐಎ ಪೊಲೀಸರು ಬಂಧಿಸಿ ವಿಶೇಷ ಎನ್ಐಎ ಕೋರ್ಟ್ ಮುಂದೆ ಹಾಜರುಪಡಿಸಿದ್ದು 15 ದಿನಗಳ ನ್ಯಾಯಾಂಗ ಬಂಧನಕ್ಕೆ ಕೋರ್ಟ್ ಆದೇಶಿಸಿದೆ.
ಕಳೆದ ತಿಂಗಳು ಎನ್ಐಎ ಅಧಿಕಾರಿಗಳು ಹಾಕಿಪ್ ಅವರ ಮನೆಯಲ್ಲಿ ಶೋಧ ನಡೆಸಿದಾಗ ನಾಪತ್ತೆಯಾಗಿದ್ದ 56 ಬಂದೂಕುಗಳ ಪೈಕಿ ಒಂದನ್ನು ವಶಕ್ಕೆ ಪಡೆದಿದ್ದರು. ಇದೇ ವೇಳೆ ನಗದು ಮತ್ತು ಚಿನ್ನದ ಗಟ್ಟಿಗಳನ್ನು ವಶಪಡಿಸಿಕೊಂಡಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Congressಕಾಂಗ್ರೆಸ್NIAಎನ್ಐಎYamthong HaokipPolice GunsManipur Rebelಯಮ್ತಾಂಗ್ ಹಾಕಿಪ್ಪೊಲೀಸ್ ಬಂದೂಕುಮಣಿಪುರ ಬಂಡುಕೋರ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.