ಘಟಿಕೋತ್ಸವ ಗೌನ್ ಗಳಿಗೆ ಗುಡ್ ಬೈ; ಸಾಂಪ್ರದಾಯಿಕ ಉಡುಗೆಗೆ ಕೇಂದ್ರದ ಚಿಂತನೆ!
ಘಟಿಕೋತ್ಸವದಲ್ಲಿ ಪದವೀಧರರು ಧರಿಸುವ ಉಡುಪನ್ನು ಬದಲಾವಣೆ ಮಾಡಲು ಮಾನವ ಸಂಪನ್ಮೂಲ ಇಲಾಖೆ ಚಿಂತನೆ ನಡೆಸಿದೆ.
Published On :
ನವದೆಹಲಿ: ಘಟಿಕೋತ್ಸವದಲ್ಲಿ ಪದವೀಧರರು ಧರಿಸುವ ಉಡುಪನ್ನು ಬದಲಾವಣೆ ಮಾಡಲು ಮಾನವ ಸಂಪನ್ಮೂಲ ಇಲಾಖೆ ಚಿಂತನೆ ನಡೆಸಿದೆ.
ಗೌನ್ ಗಳಿಗೆ ಗುಡ್ ಬೈ ಹೇಳಿ ಸಾಂಪ್ರದಾಯಿಕ ಉಡುಗೆಗೆ ಘಟಿಕೋತ್ಸವದ ಉಡುಗೆಯನ್ನು ಬದಲಾವಣೆ ಮಾಡಲು ಮಾನವ ಸಂಪನ್ಮೂಲ ಇಲಾಖೆ ಚಿಂತನೆ ನಡೆಸಿದೆ. ಸೆ.14 ರಂದು ನಡೆದ ಮಾನವ ಸಂಪನ್ಮೂಲ ಇಲಾಖೆಯ ಸಭೆಯಲ್ಲಿ ಗೌನ್ ಗಳಿಗೆ ಗುಡ್ ಬೈ ಹೇಳುವುದಕ್ಕೆ ಒಮ್ಮತ ಮೂಡಿದೆ. ಗೌನ್ ಗಳು ವಸಾಹತಿನ ಸಂಕೇತವಾಗಿದ್ದು, ಗೌನ್ ಗಳಿಗೆ ಗುಡ್ ಬೈ ಹೇಳಬೇಕೆಂಬ ಅಭಿಪ್ರಾಯ ವ್ಯಕ್ತವಾಗಿದೆ.
ಉನ್ನತ ಶಿಕ್ಷಣ ಸಂಸ್ಥೆಗಳು, ಐಐಟಿ, ಎನ್ಐಟಿ, ಕೇಂದ್ರ ವಿಶ್ವವಿದ್ಯಾನಿಲಯಗಳು ಘಟಿಕೋತ್ಸವಗಳಿಗೆ ಅಳವಡಿಸಿಕೊಳ್ಳಬೇಕಿರುವ ಉಡುಗೆ ಯಾವ ರೀತಿ ಇರಬೇಕೆಂಬುದನ್ನು ತಿಳಿಸುವಂತೆ ಶೀಘ್ರವೇ ಸಚಿವಾಲಯ ಅಭಿಪ್ರಾಯ, ಸಲಹೆಗಳನ್ನು ನೀಡಲು ನೋಟಿಸ್ ಜಾರಿಗೊಳಿಸಲಿದೆ ಎಂದು ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಜೂನ್ ತಿಂಗಳಲ್ಲಿ ಐಐಟಿ ಖಾನ್ ಪುರದ ವಿದ್ಯಾರ್ಥಿಗಳಿಗೆ ಘಟಿಕೋತ್ಸವದ ಸಂದರ್ಭದಲ್ಲಿ ಕುರ್ತಾ, ಪೈಜಮಾ ಧರಿಸುವಂತೆ ಸೂಚನೆ ನೀಡಲಾಗಿತ್ತು, ಕಳೆದ ವರ್ಷ ಐಐಟಿ ಬಾಂಬೆಯಲ್ಲಿಯೂ ಸಹ ವಿದ್ಯಾರ್ಥಿಗಳು ಖಾದಿ ತೊಟ್ಟು ಘಟಿಕೋತ್ಸವಕ್ಕೆ ಆಗಮಿಸಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.