ಚೀನಾಗೆ ಮತ್ತೊಂದು ಹೊಡೆತ: ಒಆರ್ ಒಬಿ ಹತ್ತಿರವಿರುವ ವಿಮಾನ ನಿಲ್ದಾಣದ ನಿರ್ವಹಣೆ ಭಾರತಕ್ಕೆ?

ಕೊಲಂಬೊ: ಶ್ರೀಲಂಕಾದ ದಕ್ಷಿಣ ಭಾಗದಲ್ಲಿ ವಿಮಾನ ನಿಲ್ದಾಣದ ನಿರ್ವಹಣೆಯನ್ನು ವಹಿಸಿಕೊಳ್ಳುವುದಕ್ಕೆ ಸಂಬಂಧಿಸಿದಂತೆ ಭಾರತ-ಶ್ರೀಲಂಕಾ ಮಾತುಕತೆ ಅಂತಿಮ ಹಂತದಲ್ಲಿದ್ದು, ಮಾತುಕತೆ ಯಶಸ್ವಿಯಾದರೆ ಚೀನಾಗೆ ಮತ್ತೊಂದು ಹೊಡೆತ ಬೀಳುವುದು ಖಾತ್ರಿ.

ಸ್ವತಃ ಶ್ರೀಲಂಕಾದ ವಿಮಾನಯಾನ ಸಚಿವ ನಿಮಾಲ್ ಸಿರಿಪಾಲ ಈ ಬಗ್ಗೆ ಮಾಹಿತಿ ನೀಡಿದ್ದು, ಚೀನಾ ಒನ್ ಬೆಲ್ಟ್ ಒನ್ ರೋಡ್ ಯೋಜನೆಯಡಿಯಲ್ಲಿ ಹಂಬಂತೊತಾ ಬಂದರು ಪ್ರದೇಶದಲ್ಲಿ ಹೂಡಿಕೆ ಜೋನ್ ನಿರ್ಮಿಸಿ ಹೆಚ್ಚು ಹೂಡಿಕೆ ಮಾಡಿದೆ. ಆದರೆ ಹಂಬಂತೊತಾ ಬಂದರು ಪ್ರದೇಶದಲ್ಲಿ ಹೂಡಿಕೆಗಾಗಿ ಪರ್ಯಾಯ ಹೂಡಿಕೆದಾರರನ್ನು ಎದುರುನೋಡುತ್ತಿತ್ತು, ಈ ವೇಳೆ ಭಾರತ ಪ್ರಸ್ತಾವನೆ ಸಲ್ಲಿಸಿದ್ದು, ಜಂಟಿ ವಿಮಾನ ನಿಲ್ದಾಣ ನಿರ್ವಹಣೆ, ವೈಮಾನಿಕ ಸೇವೆಗಳಿಗೆ ಸಿದ್ದವಿರುವುದಾಗಿ ಭಾರತ ಹೇಳಿದೆ ಎಂದು ಸಚಿವರು ತಿಳಿಸಿದ್ದಾರೆ.  

ವಿಮಾನ ನಿಲ್ದಾಣದ ನಿರ್ವಹಣೆ ಕುರಿತಂತೆ ಭಾರತ-ಲಂಕಾ ನಡುವೆ ಮಾತುಕತೆ ಅಂತಿಮ ಹಂತದಲ್ಲಿದ್ದು, ಯಶಸ್ವಿಯಾದರೆ ಚೀನಾಗೆ ಹಿನ್ನೆಡೆ ಉಂಟಾಗಲಿದೆ.