ಇಸ್ರೋ ಉಪಗ್ರಹಗಳ ಉಡಾವಣೆ: ಹೈ ಸ್ಪೀಡ್ ಇಂಟರ್ ನೆಟ್ ನಲ್ಲಿ ಹೊಸ ಭಾಷ್ಯ ಬರೆಯಲಿದೆ ಭಾರತ!
ಇಸ್ರೋ ಉಡವಾಣೆ ಮಾಡಲಿರುವ ಮೂರು ಸಂವಹನ ಉಪಗ್ರಹಗಳ ಮೂಲಕ ಭಾರತ ಹೈಸ್ಪೀಡ್ ಇಂಟರ್ ನೆಟ್ ಯುಗಕ್ಕೆ ಕಾಲಿಡಲಿದೆ.
Published On :
ನವದೆಹಲಿ: ಇಂಟರ್ ನೆಟ್ ಬಳಕೆದಾರರ ವಿಷಯದಲ್ಲಿ ಭಾರತ ಕಳೆದ ವರ್ಷ ಅಮೆರಿಕಾವನ್ನು ಹಿಂದಿಕ್ಕಿ ಚೀನಾ ನಂತರ ಎರಡನೇ ಸ್ಥಾನದಲ್ಲಿತ್ತು. ಆದರೆ ಇಂಟರ್ ನೆಟ್ ವೇಗದ ವಿಷಯಕ್ಕೆ ಬಂದಾಗ ಏಷ್ಯಾದ ಹಲವು ದೇಶಗಳಿಗೆ ಹೋಲಿಸಿದರೆ ಭಾರತ ಹಿಂದಿದ್ದು, ಸಾಧಿಸಬೇಕಾದದ್ದು ಇನ್ನೂ ಸಾಕಷ್ಟಿದೆ. ಆದರೆ ಇನ್ನು 18 ತಿಂಗಳಲ್ಲಿ ಈ ಪರಿಸ್ಥಿತಿ ಬದಲಾಗಲಿದ್ದು, ಇಸ್ರೋ ಉಡವಾಣೆ ಮಾಡಲಿರುವ ಮೂರು ಸಂವಹನ ಉಪಗ್ರಹಗಳ ಮೂಲಕ ಭಾರತ ಹೈಸ್ಪೀಡ್ ಇಂಟರ್ ನೆಟ್ ಯುಗಕ್ಕೆ ಕಾಲಿಡಲಿದೆ.
ಈ ಬಗ್ಗೆ ಇಸ್ರೋ ಅಧ್ಯಕ್ಷ ಕಿರಣ್ ಕುಮಾರ್ ಮಾಹಿತಿ ನೀಡಿದ್ದು, ಜೂನ್ ನಲ್ಲಿ ಜಿಎಸ್ಎಟಿ-19, ಜಿಎಸ್ಎ ಟಿ-11 ಹಾಗೂ ಜಿಎಸ್ಎಟಿ-20 ಉಪಗ್ರಹಗಳನ್ನು ಉಡಾವಣೆ ಮಾಡಲಿದ್ದು, ಭಾರತ ಹೈಸ್ಪೀಡ್ ಇಂಟರ್ ನೆಟ್ ನಲ್ಲಿ ಮತ್ತಷ್ಟು ಮೇಲ್ಮಟ್ಟಕ್ಕೆ ಏರಲು ಈ ಉಪಗ್ರಹಗಳ ಉಡಾವಣೆ ಸಹಕಾರಿಯಾಗಲಿದೆ ಎಂದು ತಿಳಿಸಿದ್ದಾರೆ.
ಹೆಚ್ಚಿನ ಪ್ರದೇಶಗಳನ್ನು ತಲುಪಲು ಸಾಮಾನ್ಯವಾಗಿ ಇತರ ಉಪಗ್ರಹಗಳು ಬ್ರಾಡ್ ಸಿಗ್ನಲ್ ಬೀಮ್ ನ್ನು ಬಳಕೆ ಮಾಡಿಕೊಂಡರೆ ಈ ಉಪಗ್ರಹಗಳು, ನ್ಯಾರೋ( narrow) ಬೀಮ್( ಸಿಗ್ನಲ್ ಗಳನ್ನು) ಪುನಃ ಬಳಕೆ ಮಾಡಿಕೊಳ್ಳುವುದು ಈ ಉಪಗ್ರಹಗಳ ವೈಷಿಷ್ಟ್ಯವಾಗಿದೆ. ಒಮ್ಮೆ ಈ ಉಪಗ್ರಹಗಳು ಕಾರ್ಯನಿರ್ವಹಿಸಲು ಪ್ರಾರಂಭಿಸಿದರೆ ಅತ್ಯುತ್ತಮ ಗುಣಮಟ್ಟದ ಇಂಟರ್ ನೆಟ್, ದೂರವಾಣಿ, ವಿಡಿಯೋ ಸೌಲಭ್ಯಗಳನ್ನು ಪಡೆಯುವುದಕ್ಕೆ ಸಾಧ್ಯವಾಗಲಿದೆ ಎಂದು ಇಸ್ರೋ ಸಂಸ್ಥೆ ಹೇಳಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.