ಭಾರತದ ಹೈ-ಟೆಕ್ ಪ್ರತಿಭೆಯನ್ನು ನಿರ್ಲಕ್ಷಿಸಿ ಚೀನಾ ತಪ್ಪು ಮಾಡಿದೆ: ಗ್ಲೋಬಲ್ ಟೈಮ್ಸ್

ಬೀಜಿಂಗ್: ಭಾರತದ ಹೈ-ಟೆಕ್ ಪ್ರತಿಭೆಗಳನ್ನು ನಿರ್ಲಕ್ಷಿಸಿ ಚೀನಾ ತಪ್ಪು ಮಾಡಿದೆ ಎಂದು ಗ್ಲೋಬಲ್ ಟೈಮ್ಸ್ ಹೇಳಿದೆ. 

ಚೀನಾ ತನ್ನ ಆವಿಷ್ಕಾರದ ಸಾಮರ್ಥ್ಯವನ್ನು ಉಳಿಸಿಕೊಳ್ಳಬೇಕಾದರೆ ಭಾರತದ ಹೈ-ಟೆಕ್ ಪ್ರತಿಭೆಗಳನ್ನು ತನ್ನತ್ತ ಸೆಳೆಯಬೇಕು. ಈ ವರೆಗೂ ಚೀನಾ ಭಾರತದ ಹೈ-ಟೆಕ್ ಪ್ರತಿಭೆಯನ್ನು ಆಕರ್ಷಿಸುವ ಬದಲು ಅಮೆರಿಕಾ ಹಾಗೂ ಯೂರೋಪ್ ನ ಪ್ರತಿಭೆಗಳನ್ನು ಸೆಳೆಯಲು ಯತ್ನಿಸಿದೆ. ಇತ್ತೀಚಿನ ದಿನಗಳಲ್ಲಿ ಹೊರ ದೇಶದ ಪ್ರತಿಭೆಗಳು ಚೀನಾದ ಬದಲು ಭಾರತದತ್ತ ಹೆಚ್ಚು ಆಕರ್ಷಿತರಾಗುತ್ತಿದ್ದಾರೆ, ಆದ್ದರಿಂದ ಚೀನಾ ತನ್ನ ಆವಿಷ್ಕಾರ ಸಾಮರ್ಥ್ಯವನ್ನು ಉಳಿಸಿಕೊಳ್ಳಬೇಕಾದರೆ ಭಾರತದ ಪ್ರತಿಭೆಗಳನ್ನು ಸೆಳೆಯಬೇಕಿದೆ ಎಂದು ಗ್ಲೋಬಲ್ ಟೈಮ್ಸ್ ಪತ್ರಿಕೆ ಹೇಳಿದೆ. 

ಅಮೆರಿಕ ಮೂಲದ ಸಾಫ್ಟ್ ವೇರ್ ಸಂಸ್ಥೆ ಸಿಎ ಟೆಕ್ನಾಲಜೀಸ್ ಚೀನಾದಲ್ಲಿ 300 ಜನರ ಸಂಶೋಧನಾ ಹಾಗೂ ಅಭಿವೃದ್ಧಿ ತಂಡವನ್ನು ನಿಯೋಜಿಸಿದೆ. ಆದರೆ ಭಾರತದಲ್ಲಿ ಕಳೆದ ಕೆಲವು ವರ್ಷಗಳಿಂದ ಸುಮಾರು 2,000 ವೈಜ್ಞಾನಿಕ ಮತ್ತು ತಾಂತ್ರಿಕ ವೃತ್ತಿಪರರನ್ನು ನಿಯೋಜಿಸಿದ್ದು, ಭಾರತ ಇತ್ತೀಚಿನ ದಿನಗಳಲ್ಲಿ ಯುವಕರನ್ನು ಹೆಚ್ಚು ಆಕರ್ಷಿಸುತ್ತಿದೆ ಹೈ-ಟೆಕ್ ಹೂಡಿಕೆದಾರರನ್ನು ಸೆಳೆಯುವುದನ್ನು ಕಡಿಮೆ ಮಾಡಿಕೊಳ್ಳುವಂತಹ ಅಪಾಯವನ್ನು ಚೀನಾ ತಂದುಕೊಳ್ಳಬಾರದು ಚೀನಾ ತನ್ನ ಆವಿಷ್ಕಾರದ ಸಾಮರ್ಥ್ಯವನ್ನು ಉಳಿಸಿಕೊಳ್ಳಬೇಕಾದರೆ ಭಾರತದ ಹೈ-ಟೆಕ್ ಪ್ರತಿಭೆಗಳನ್ನು ತನ್ನತ್ತ ಸೆಳೆಯಬೇಕು ಎಂದು ಗ್ಲೋಬಲ್ ಟೈಮ್ಸ್ ಅಭಿಪ್ರಾಯಪಟ್ಟಿದೆ.