ಝಾಕೀರ್ ನಾಯಕ್ ಗೆ ದಾವೂದ್ ನಂಟು: ಎನ್ ಜಿ ಒಗೆ ಭೂಗತ ಪಾತಕಿಯ ಹವಾಲಾ ಹಣ

ನವದೆಹಲಿ: ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ತನ್ನ ಹವಾಲಾ ಹಣವನ್ನು ಝಾಕೀರ್ ನಾಯಕ್ ಎನ್ ಜಿಒ ಇಸ್ಲಾಮಿಕ್ ರಿಸೆರ್ಚ್ ಫೌಂಡೇಶನ್ ಗೆ ಬಳಕೆ ಮಾಡುತ್ತಿದ್ದಾನೆ ಎಂಬ ಆಘಾತಕಾರಿ ಮಾಹಿತಿ ಬಹಿರಂಗವಾಗಿದೆ.

ಝಾಕೀರ್ ನಾಯಕ್  ನ ಎನ್ ಜಿಓ ಗೆ ದಾವೂದ್ ಇಬ್ರಾಹಿಂ ಹಣಕಾಸು ಸಹಾಯ ನೀಡುತ್ತಿದ್ದಾನೆ ಎಂದು ಝಾಕೀರ್ ನ ಮುಖ್ಯ ಹಣಕಾಸು ಅಧಿಕಾರಿ ಆಮೀರ್ ಗಜ್ದಾರ್ ಹೇಳಿದ್ದಾರೆ.

ಮಧ್ಯವರ್ತಿ ಸುಲ್ತಾನ್ ಅಹ್ಮದ್ ಎಂಬಾತನ ಮೂಲಕ ಹವಾಲಾ ಹಣವನ್ನು  ಝಾಕೀರ್ ನಾಯಕ್ ನ ಇಸ್ಲಾಮಿಕ್ ರಿಸೇರ್ಚ್ ಸೆಂಟರ್ ಗೆ ನೀಡಲಾಗುತ್ತಿದೆ ಆಮೀರ್ ಗಜ್ದಾರ್ ತಿಳಿಸಿದ್ದಾನೆ.

ಫೆಬ್ರವರಿ 18 ರಂದು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು 48 ವರ್ಷದ ಗಾಜ್ದಾರ್ ನನ್ನು ಬಂಧಿಸಿದ್ದರು. ಸುಮಾರು 200 ಕೋಟಿ ರುಗಳಷ್ಟು ಹಣದ ವಹಿವಾಟು ನಡೆದಿದೆ ಎಂದು ಇಡಿ ಅಧಿಕಾರಿಗಳು ಶಂಕಿಸಿದ್ದಾರೆ. ಈ ಮಾಹಿತಿ ಝಾಕೀರ್ ನಾಯಕ್ ಗೆ ಪಾಕಿಸ್ತಾನ ಮತ್ತು ದಾವೂದ್ ಇಬ್ರಾಹಿಂ ಜೊತೆ ಸಂಪರ್ಕ ಇದೆ ಎಂಬುದನ್ನು ಸ್ಪಷ್ಟ ಪಡಿಸಿದೆ.