ಲ್ಯಾನ್ಸ್ ನಾಯ್ಕ್ ರಾಯ್ ಮ್ಯಾಥ್ಯು ಆತ್ಮಹತ್ಯೆ: ಸೇನೆಗೆ ನೊಟೀಸ್ ಜಾರಿ ಮಾಡಿದ ಸುಪ್ರೀಂ ಕೋರ್ಟ್
ಸೇನೆಯಲ್ಲಿರುವ ಸಹಾಯಕರು ಮತ್ತು ಇತರ ಕೆಳ ರ್ಯಾಂಕ್ ನ ಸಿಬ್ಬಂದಿಯನ್ನು ಹಿರಿಯ ಸಿಬ್ಬಂದಿ ಸೇವೆಗೆ...
Published On :
ನವದೆಹಲಿ: ಸೇನೆಯಲ್ಲಿರುವ ಸಹಾಯಕರು ಮತ್ತು ಇತರ ಕೆಳ ರ್ಯಾಂಕ್ ನ ಸಿಬ್ಬಂದಿಯನ್ನು ಹಿರಿಯ ಸಿಬ್ಬಂದಿ ಸೇವೆಗೆ ಮತ್ತು ಗೃಹಕೃತ್ಯಗಳಿಗೆ ಒತ್ತಾಯಪೂರ್ವಕವಾಗಿ ಬಳಸಿಕೊಳ್ಳಲಾಗುತ್ತಿದೆ ಎಂದು ಪತ್ರಕರ್ತರೊಬ್ಬರು ಸಲ್ಲಿಸಿದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್ ಇಂದು ಕೇಂದ್ರ ಸರ್ಕಾರ ಮತ್ತು ಸೇನೆಗೆ ನೊಟೀಸ್ ಕಳುಹಿಸಿದೆ.
ಪತ್ರಕರ್ತ ಚಿತ್ರೀಕರಿಸಿದ ರಹಸ್ಯ ವಿಡಿಯೋದಲ್ಲಿ ಲ್ಯಾನ್ಸೆ ನಾಯಕ್ ರಾಯ್ ಮ್ಯಾಥ್ಯೂ ಸೇನೆಯಲ್ಲಿ ಸಹಾಯಕ ವ್ಯವಸ್ಥೆ ಬಗ್ಗೆ ಟೀಕಿಸಿದ್ದರು.
ರಹಸ್ಯ ವಿಡಿಯೋದ ಬಿಡುಗಡೆ ನಂತರ ಲ್ಯಾನ್ಸ್ ನಾಯಕ್ ಮ್ಯಾಥ್ಯೂ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಅವರ ಸಾವಿನ ಬಗ್ಗೆ ತನಿಖೆ ನಡೆಸಲು ಪತ್ರಕರ್ತ ಒತ್ತಾಯಿಸಿದ್ದರು.
ನಾಸಿಕ್ ಪೊಲೀಸರು ಅಧಿಕೃತ ರಹಸ್ಯ ಕಾಯ್ದೆ(ಒಎಸ್ಎ) ಮತ್ತು ಅಪರಾಧ ಅತಿಕ್ರಮಣ ಮತ್ತು ನಿಷೇಧಕ್ಕೆ ಸಂಬಂಧಿಸಿದಂತೆ ಪತ್ರಕರ್ತನ ವಿರುದ್ಧ ಕೇಸು ದಾಖಲಿಸಿದ್ದರು.
ಎಫ್ಐಆರ್ ದಾಖಲನ್ನು ಪ್ರಶ್ನಿಸಿ ಪತ್ರಕರ್ತ ಸುಪ್ರೀಂ ಕೋರ್ಟ್ ಮೊರೆ ಹೋದರು. ಅಧಿಕೃತ ರಹಸ್ಯ ಕಾಯ್ದೆಯ ದುರ್ಬಳಕೆ ತಡೆಗಟ್ಟಲು ಸರಿಯಾದ ಮಾರ್ಗಸೂಚಿ ಜಾರಿಗೊಳಿಸಬೇಕೆಂದು ಒತ್ತಾಯಿಸಿದರು. ಇದು ಮೂಲಭೂತ ಹಕ್ಕುಗಳನ್ನು ಕಸಿದುಕೊಳ್ಳುವುದಲ್ಲದೆ ಪತ್ರಕರ್ತರ ಸ್ವಾತಂತ್ರ್ಯಕ್ಕೆ ಧಕ್ಕೆ ತರುತ್ತದೆ ಎಂದು ಅರ್ಜಿಯಲ್ಲಿ ವಿವರಿಸಿದರು. ಅಲ್ಲದೆ ಸೇನೆಯಲ್ಲಿ ಸಹಾಯಕ ವ್ಯವಸ್ಥೆಯನ್ನು ದುರ್ಬಳಕೆ ಮಾಡುವುದರ ಬಗ್ಗೆ ಸೂಕ್ತ ತನಿಖೆ ನಡೆಸುವಂತೆ ಕೂಡ ಒತ್ತಾಯಿಸಿದರು.
ನಿವೃತ್ತ ಸೇನಾ ಜವಾನ ದೀಪ್ ಚಂದ್, ಸೇನೆಯಲ್ಲಿ ಕ್ಯಾಂಟೀನ್ ನಡೆಸುತ್ತಿದ್ದು ಅವರು ಪತ್ರಕರ್ತರ ಜೊತೆ ಸಹ ಅರ್ಜಿದಾರರಾಗಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Armyಆತ್ಮಹತ್ಯೆಸೇನೆSuicideJournalistಪತ್ರಕರ್ತLance Naik Roy MathewSahayak Systemಲ್ಯಾನ್ಸ್ ನಾಯ್ಕ್ ರಾಯ್ ಮ್ಯಾಥ್ಯೂಸಹಾಯಕ ವ್ಯವಸ್ಥೆ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.