ಪಡಿತರ ಚೀಟಿ ಮೇಲಿನ ಅಖಿಲೇಶ್ ಫೋಟೋ ಜನರನ್ನು ಹಾದಿ ತಪ್ಪಿಸುತ್ತಿತ್ತು; ಬಿಜೆಪಿ

ನವದೆಹಲಿ: ಪಡಿತರ ಚೀಟಿ ಮೇಲಿನ ಅಖಿಲೇಶ್ ಯಾದವ್ ಅವರ ಭಾವಚಿತ್ರ ಕೆಟ್ಟ ರಾಜಕೀಯವಾಗಿದ್ದು, ಜನರನ್ನು ತಪ್ಪು ಹಾದಿಗೆಳೆಯುತ್ತಿತ್ತು ಎಂದು ಬಿಜೆಪಿ ಭಾನುವಾರ ಹೇಳಿದೆ. 

ಉತ್ತರಪ್ರದೇಶದಲ್ಲಿ ಪಡಿತರ ಚೀಟಿಗಳಿಗೆ ಹೊಸ ರೂಪ ತರುವ ಯೋಗಿ ಆದಿತ್ಯನಾಥ್ ಅವರ ನಿರ್ಧಾರದ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಬಿಜೆಪಿ ನಾಯಕ ಎಸ್. ಪ್ರಕಾಶ್ ಅವರು, ಸಾಮಾಜಿಕ ಕಾರ್ಯಕ್ರಮಗಳ್ನು ರಾಜಕೀಯ ಉದ್ದೇಶಗಳಿಗೆ ಬಳಸಿಕೊಳ್ಳಬಾರದು. ಆದರೆ, ಅಖಿಲೇಶ್ ಯಾದವ್ ಅವರು ಜನರಿಗೆ ನೀಡುವ ಪಡಿತರ ಚೀಟಿಗಳ ಮೇಲೆ ತಮ್ಮ ಭಾವಚಿತ್ರಗಳನ್ನು ಹಾಕಿಸಿಕೊಳ್ಳುವ ಮೂಲಕ ಕೆಟ್ಟ ರಾಜಕೀಯವನ್ನು ಮಾಡಿದ್ದರು, ತಮ್ಮ ಅಧಿಕಾರದ ಅವಧಿಯಲ್ಲಿ ಜನರನ್ನು ತಪ್ಪು ಹಾದಿಗೆ ಎಳೆಯುವ ಪ್ರಯತ್ನಗಳನ್ನು ಮಾಡಿದ್ದರು ಎಂದು ಹೇಳಿದ್ದಾರೆ. 

ಉತ್ತರಪ್ರದೇಶದಲ್ಲಿ ಅಧಿಕಾರ ಬದಲಾದ ಬಳಿಕ ಯೋಗಿ ಆದಿತ್ಯನಾಥ್ ಅವರು ಪಡಿತರ ಚೀಟಿಗಳ ಮೇಲಿರುವ ಅಖಿಲೇಶ್ ಅವರ ಭಾವಚಿತ್ರವನ್ನು ತೆಗೆದುಹಾಕುವ ಉತ್ತಮ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಪಡಿತರ ಚೀಟಿಗಳ ಮೇಲೆ ತಮ್ಮ ಭಾವಚಿತ್ರಗಳನ್ನು ಹಾಕಿಸಿಕೊಳ್ಳುವುದು ನಿಜಕ್ಕೂ ಒಪ್ಪಲು ಸಾಧ್ಯವಾದದ್ದು ಎಂದು ತಿಳಿಸಿದ್ದಾರೆ.