ಪ್ರಧಾನಿಯಿಂದ ಲೋಕಾರ್ಪಣೆಗೊಳ್ಳುವ ವಾರ ಮೊದಲೇ ಒಡಿಸ್ಸಾದ ಐಒಸಿಎಲ್ ನಲ್ಲಿ ಬೆಂಕಿ

ಪರದೀಪ್:  ಇನ್ನೊಂದು ವಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಂದ ಲೋಕಾರ್ಪಣೆ ಗೊಳ್ಳುವ ಮೊದಲೇ ಒಡಿಸಾದ ಪರಾದೀಪ್ ನ ಐಒಸಿಎಲ್‌ ಘಟಕದಲ್ಲಿ ಬೆಂಕಿ ಕಾಣಿಸಿಕೊಂಡು ಆತಂಕ ಸೃಷ್ಟಿಸಿದೆ.

ಸ್ಥಳಕ್ಕೆ ಆರು ಅಗ್ನಿ ಶಾಮಕ ದಳಗಳನ್ನು ಸ್ಥಳದಲ್ಲಿ ನಿಯೋಜಿಸಲಾಗಿದ್ದು, ಬೆಂಕಿಯನ್ನು ಶಮನಗೊಳಿಸಲಾಗುತ್ತಿದೆ. ಇನ್ನೂ ಬೆಂಕಿ ಅವಘಡದಿಂದ  ಯಾವುದೇ ಅವಘಡ ಅಥವಾ ಸಾವು ನೋವು ಸಂಭವಿಸಿದ ವರದಿಯಾಗಿಲ್ಲ ಎಂದು ಜಗಜೀತ್‌ಸಿಂಗ್‌ನಗರ ಎಎಸ್‌ಪಿ ಮದಬನಂದ ಸಾಹು ಹೇಳಿದ್ದಾರೆ.

ಘಟಕದ ಗೇಟ್ ನಂ.1ರ ಬಳಿ ಬೆಂಕಿ ಕಾಣಿಸಿಕೊಂಡಿದ್ದು, ಘಟನೆಗೆ ಕಾರಣವಿನ್ನೂ ತಿಳಿದು ಬಂದಿಲ್ಲ. ಸುಮಾರು 35 ಸಾವಿರ ಕೋಟಿ ವೆಚ್ಚದಲ್ಲಿ ಪೂರ್ಣಗೊಂಡ ಈ ಯೋಜನೆಯನ್ನು ಫೆ.7ರಂದು ಪ್ರಧಾನಿ ದೇಶಕ್ಕೆ ಸಮರ್ಪಿಸಬೇಕಿತ್ತು. ಈ ಅವಘಡ ಸಂಭವಿಸಿರುವುದು ಆತಂಕ ಸೃಷ್ಟಿಸಿದೆ. ಪ್ರಧಾನಿ ಭೇಟಿ ಹಿನ್ನೆಲೆಯಲ್ಲಿ ಪೆಟ್ರೋಲಿಯಂ ಸಚಿವ ಧರ್ಮೇಂದ್ರ ಪ್ರಧಾನ್ ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸುತ್ತಿರುವಾಗಲೇ ಈ ಅವಘಡ ಸಂಭವಿಸಿದೆ.