ಜಯಲಲಿತಾ ಆಸ್ಪತ್ರೆಗೆ ದಾಖಲಾದ 73 ದಿನಗಳಲ್ಲಿ ನಡೆದ ಘಟನಾವಳಿಗಳು

ಚೆನ್ನೈ: ಕಳೆದ 73 ದಿನಗಳಿಂದ ಚೆನ್ನೈನ ಅಪೊಲೋ ಆಸ್ಪತ್ರೆಯಲ್ಲಿ ಅನಾರೋಗ್ಯದಿಂದಾಗಿ ಚಿಕಿತ್ಸೆ ಪಡೆಯುತ್ತಿದ್ದ ತಮಿಳುನಾಡು ಸಿಎಂ ಜಯಲಲಿತಾ ಡಿಸೆಂಬರ್ 5 ರ ಮಧ್ಯರಾತ್ರಿ ಇಹಲೋಕ ತ್ಯಜಿಸಿದ್ದಾರೆ.

ಕಳೆದು ಎರಡು ತಿಂಗಳಿಂದ ಅಪೋಲೋ ಆಸ್ಪತ್ರೆಯಲ್ಲಿ  ತಜ್ಞರಿಂದ ಚಿಕಿತ್ಸೆ ನೀಡಲಾಗುತ್ತಿತ್ತು. ಡಿಸೆಂಬರ್ 4 ರಂದು ಜಯಲಲಿತಾಗೆ ಹೃದಯ ಸ್ಥಂಭನವಾಗಿತ್ತು. ಈ ಹಿನ್ನೆಲೆಯಲ್ಲಿ ಡಿಸೆಂಬರ್ 5 ರ ಮಧ್ಯರಾತ್ರಿ ಸುಮಾರು 11.30ಕ್ಕೆ ಜಯಲಲಿತಾ ವಿಧಿವಶರಾಗಿದ್ದರು.

ಸೆಪ್ಟಂಬರ್ 22 ರಂದು ಜ್ವರ ಹಾಗೂ ನಿರ್ಜಲೀಕರಣ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾದ ಜಯಲಲಿತಾ ನಿಧನದ ವರೆಗೆ ಅಂದರೆ ಡಿಸೆಂಬರ್ 5 ರ ವರೆಗಿನ ಘಟಾನಾವಳಿಗಳ ವಿವರ ಇಲ್ಲಿದೆ.
ಸೆಪ್ಪಂಬರ್ 23: ತಮಿಳುನಾಡು ಸಿಎಂ ಜಯಲಲಿತಾ ಅಪೋಲೊ ಆಸ್ಪತ್ರೆಗೆ ದಾಖಲು

ಸೆಪ್ಪಂಬರ್ 24: ಜಯ ಆರೋಗ್ಯ ಸ್ಥಿತಿ ಸುಧಾರಣೆ, ನಿಗಾ ವಹಿಸಲಾಗಿದೆ ಅಪೋಲೊ ಆಸ್ಪತ್ರೆ.

ಸೆಪ್ಪಂಬರ್ 25: ಜಯಲಲಿತಾ ಅವರ ಆರೋಗ್ಯದಲ್ಲಿ ಚೇತರಿಕೆ, ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾರೆ, ಶೀಘ್ರವೇ ಆಸ್ಪತ್ರೆಯಿಂದ ಬಿಡುಗಡೆ: ಅಪೊಲೋ ಆಸ್ಪತ್ರೆ

ಸೆಪ್ಪಂಬರ್30: ಮತ್ತಷ್ಟು ದಿನ ಆಸ್ಪತ್ರೆಯಲ್ಲೇ ಚಿಕಿತ್ಸೆ ಮುಂದುವರಿಸುವಂತೆ ಅಪೊಲೋ ಆಸ್ಪತ್ರೆ ವೈದ್ಯರ ಹೇಳಿಕೆ

ಅಕ್ಟೋಬರ್ 1 : ತಮಿಳುನಾಡು ರಾಜ್ಯಪಾಲ ವಿದ್ಯಾಸಾಗರ್ ರಿಂದ ಜಯಲಲಿತಾ ಆರೋಗ್ಯ ವಿಚಾರಣೆ
ಅಕ್ಟೋಬರ್ 2: ಜಯಲಲಿತಾ ಅವರ ಆರೋಗ್ಯದಲ್ಲಿ ಸುಧಾರಣೆ, ಶೀಘ್ರವಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ, ಎಐಎಡಿಎಂಕೆ

ಅಕ್ಟೋಬರ್ 5: ಸಿಎಂ ಜಯಲಲಿತಾ ಅವರ ಆರೋಗ್ಯದಲ್ಲಿ ಮತ್ತಷ್ಟು ಸುಧಾರಣೆ, ಅಪೋಲೊ ಆಸ್ಪತ್ರೆ ವೈದ್ಯರು

ಅಕ್ಟೋಬರ್ 6: ಜಯಲಲಿತಾ ಆರೋಗ್ಯದ ಬಗ್ಗೆ ಮಾಹಿತಿ ಕೋರಿ ಸಲ್ಲಿಸಿದ್ದ ಸಾರ್ವಜನಿಕ ಅರ್ಜಿ ವಜಾಗೊಳಿಸಿದ ಮದ್ರಾಸ್ ಹೈಕೋರ್ಟ್

ಅಕ್ಟೋಬರ್ 12: ಜಯಲಲಿತಾ ಆರೋಗ್ಯದ ಬಗ್ಗೆ ವದಂತಿ ಹಬ್ಬಿಸಿದ್ದವರ ವಿರುದ್ಧ 43 ಕೇಸು ದಾಖಲು, ಇಬ್ಬರ ಬಂಧನ

ಅಕ್ಟೋಬರ್ 16: ಜಯಲಲಿತಾ ಅರೋಗ್ಯದ ಬಗ್ಗೆ ಸುಳ್ಳುಸುದ್ದಿ ಹಬ್ಬಿಸಿದ ಪೂಜಾರಿ ಬಂಧನ

ಅಕ್ಟೋಬರ್ 17: ಜಯಲಲಿತಾ ಆರೋಗ್ಯದ ಬಗ್ಗೆ ಸಾಮಾಜಿಕ ಜಾಲತಾಣ ಫೇಸ್ ಬುಕ್ ನಲ್ಲಿ ಪೋಸ್ಟ್ ಹಾಕಿದ 22 ಮಂದಿ ವಿರುದ್ಧ ಪ್ರಕರಣ ದಾಖಲು.

ಅಕ್ಟೋಬರ್ 22: ಮತ್ತೆ ತಮಿಳುನಾಡು ರಾಜ್ಯಪಾಲರಿಂದ ಜಯಾ ಆರೋಗ್ಯದ ಬಗ್ಗೆ ಮಾಹಿತಿ

ನವೆಂಬರ್ 4: ಜಯಲಲಿತಾ ಸಂಪೂರ್ಣ ಗುಣಮುಖರಾಗಿದ್ದಾರೆ. ಶೀಘ್ರವೇ ಅಸ್ಪತ್ರೆಯಿಂದ ಬಿಡುಗಡೆಗೊಳಿಸುವುದಾಗಿ ಅಪೋಲೋ ಆಸ್ಪತ್ರೆ ಚೇರ್ ಮನ್ ಪ್ರತಾಪ್ ರೆಡ್ಡಿ ಹೇಳಿಕೆ.

ನವೆಂಬರ್ 8: ಸ್ಥಳೀಯ ಚುನಾವಣೆ ಪ್ರಕ್ರಿಯೆಗಳಿಗಾಗಿ ಜಯಲಲಿತಾ ಹೆಬ್ಬೆಟ್ಟು ಸಹಿ ಮಾಡಿಸಿಕೊಂಡಿದ್ದರ ವಿರುದ್ಧ ಸಲ್ಲಿಸಿದ್ದ ಪಿಐಎಲ್ ಅನ್ನು ಮದ್ರಾಸ್ ಹೈಕೋರ್ಟ್ ವಜಾ ಗೊಳಿಸಿತ್ತು.

ನವೆಂಬರ್ 23: ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಜಯ ಸಾಧಿಸಿದ್ದಕ್ಕೆ ಆಸ್ಪತ್ರೆಯಿಂದಲೇ ಜನತೆಗೆ ಧನ್ಯವಾದ ಹೇಳಿದ ಜಯಲಲಿತಾ.

ಡಿಸೆಂಬರ್ 5: ಡಿಸೆಂಬರ್ 4 ರಂದು ರಾತ್ರಿ ಸುಮಾರು 9.30ಕ್ಕೆ ಜಯಲಲಿತಾರಿಗೆ ಕಾರ್ಡಿಯಾಕ್ ಆರೆಸ್ಟ್ ಎಂದು ಆಸ್ಪತ್ರೆ ಪ್ರಕಟಣೆ. ಡಿಸೆಂಬರ್ 5 ಚಿಕಿತ್ಸೆ ಫಲಿಸದೇ ಜಯಲಲಿತಾ ನಿಧನ.