ತೆಲಂಗಾಣ: ಲಾರಿಗಳ ನಡುವೆ ಸಿಕ್ಕಿ ಟವೇರಾ ನಜ್ಜುಗುಜ್ಜು, 8 ಸಾವು

ಹೈದರಾಬಾದ್: ಎರಡು ಲಾರಿಗಳ ನಡುವೆ ಸಿಕ್ಕಿ ಟವೇರಾ ಕಾರೊಂದು ನಜ್ಜುಗುಜ್ಜಾಗಿದ್ದು ಪರಿಣಾಮ 8 ಮಂದಿ ದಾರುಣ ಸಾವನ್ನಪ್ಪಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ರಂಗಾರೆಡ್ಡಿ ಜಿಲ್ಲೆಯ ಸುತಾರಿಗುಡ ಬಳಿಯ ಟೋಲ್ ಗೇಟ್ ಬಳಿ ಈ ದುರ್ಘಟನೆ ಸಂಭವಿಸಿದೆ. ಟೋಲ್ ಕಟ್ಟಲು ನಿಂತಿದ್ದ ಲಾರಿಗೆ ಟವೇರಾ ಕಾರು ಡಿಕ್ಕಿ ಹೊಡೆದಿದೆ ಇದರ ಹಿಂದೆ ಬಂರುತ್ತಿದ್ದ ಲಾರಿ ಚಾಲಕನ ನಿಯಂತ್ರಣ ತಪ್ಪಿ ಟವೇರಾ ಕಾರಿಗೆ ಗುದ್ದಿದ್ದು ಎರಡು ಲಾರಿಗಳ ನಡುವೆ ಸಿಕ್ಕಿ ಟವೇರಾ ಕಾರು ಸಂಪೂರ್ಣ ನಜ್ಜುಗುಜ್ಜಾಗಿದ್ದು ಕಾರಿನಲ್ಲಿದ್ದ 8 ಮಂದಿ ಮೃತಪಟ್ಟಿದ್ದಾರೆ. ಇನ್ನು ಅಪಘಾತದಲ್ಲಿ ಗಾಯಗೊಂಡಿರುವ ಓರ್ವನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಮೃತರನ್ನು ಮಹಮ್ಮದ್, ಅಖಿಲ್, ಅಕ್ಬರ್, ಇಮ್ರೋಜ್, ಇರ್ಫಾನ್, ಫಿರೋಜ್, ನಿಶಾದ್ ಹಾಗೂ ಶೇಖಾವತ್ ಎಂದು ಗುರುತಿಸಲಾಗಿದೆ.

ಟವೇರಾ ಕಾರಿನಲ್ಲಿ 8 ಮಂದಿ ಸದಾಶಿವಪೇಟ್ ನಿಂದ ಕೊಂಪಲ್ಲಿಗೆ ಬರುತ್ತಿದ್ದಾಗ ಈ ಅಪಘಾತ ಸಂಭವಿಸಿದೆ. ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.