ವರ ಕಪ್ಪಗಿದ್ದಾನೆ ಎಂದು ಮದುವೆ ನಿರಾಕರಿಸಿದ ಸಹೋದರಿಯರು
ಇಲ್ಲಿ ಮದುಮಗ ತುಂಬಾ ಕಪ್ಪಗಿದ್ದಾನೆ ಎಂದು ಹೇಳಿ ಇಬ್ಬರು ಮದುವಣಗಿತ್ತಿಯರು ಮದುವೆ ನಿರಾಕರಿಸಿರುವ ಘಟನೆ ಸಿಕ್ರಾರಾ ಗ್ರಾಮ...
Published On :
ಆಗ್ರಾ: ಮದುವೆಯಾಗುವ ಹುಡುಗನ ಮನೆಯಲ್ಲಿ ಶೌಚಾಲಯವಿಲ್ಲ, ಗಂಡು ವರದಕ್ಷಿಣೆ ಕೇಳಿದ ಎಂಬ ಕಾರಣದಿಂದ ವರನಿಗೆ ನೋ ಹೇಳಿ ಮದುವೆಯನ್ನು ನಿಲ್ಲಿಸಿದ ವಧುಗಳ ಬಗ್ಗೆ ಕೇಳಿದ್ದೀವಿ. ಆದರೆ ಇಲ್ಲಿ ಮದುಮಗ ತುಂಬಾ ಕಪ್ಪಗಿದ್ದಾನೆ ಎಂದು ಹೇಳಿ ಇಬ್ಬರು ಮದುವಣಗಿತ್ತಿಯರು ಮದುವೆ ನಿರಾಕರಿಸಿರುವ ಘಟನೆ ಸಿಕ್ರಾರಾ ಗ್ರಾಮದಲ್ಲಿ ನಡೆದಿದೆ.
15 ಮತ್ತು 16ರ ಹರೆಯದ ಇಬ್ಬರು ಅಪ್ರಾಪ್ತ ಹೆಣ್ಮಕ್ಕಳಿಗೆ ಮದುವೆ ನಿಗದಿಯಾಗಿತ್ತು. ಆದರೆ ತಾಳಿ ಕಟ್ಟಿಸಿಕೊಳ್ಳಲು ಕೆಲವೇ ಕ್ಷಣ ಬಾಕಿ ಉಳಿದಿರುವ ವೇಳೆ ಇವರಿಬ್ಬರೂ ಹುಡುಗ ಕಪ್ಪಗಿದ್ದಾನೆ ಅವನನ್ನು ಮದುವೆಯಾಗಲಾರೆವು ಎಂದು ಹೇಳಿ ಮಂಟಪದಿಂದ ಕೆಳಗಿಳಿದಿದ್ದಾರೆ.
ಹದಿಹರೆಯದ ಈ ಮದುವಣಗಿತ್ತಿಯರು ಸಹೋದರಿಯರಾಗಿದ್ದು, ಕುಟುಂಬದವರು ಬಲವಂತ ಮಾಡಿ ಮದುವೆ ನಡೆಸಲು ಸಿದ್ಧತೆ ನಡೆಸಿದ್ದರು. ಇವರಿಬ್ಬರಿಗೆ 25 ಮತ್ತು 20 ವರ್ಷದ ಇಬ್ಬರು ಗಂಡುಗಳನ್ನು ನೋಡಿ ಮದುವೆ ನಿಶ್ಚಯ ಮಾಡಲಾಗಿತ್ತು. ದೇವಮಾನವನೊಬ್ಬ ಅಭಿಪ್ರಾಯ ಕೇಳಿ ಈ ಹೆಣ್ಮಕ್ಕಳ ಮದುವೆಯನ್ನು ಮಾಡಲು ಅವರ ಕುಟುಂಬ ತೀರ್ಮಾನಿಸಿತ್ತು.
ಇನ್ನೇನು ತಾಳಿ ಕಟ್ಟಬೇಕು ಎನ್ನುವ ಹೊತ್ತಲ್ಲಿ ಈ ಇಬ್ಬರು ಸಹೋದರಿಯರು ತಮಗೆ ಮದುವೆ ಬೇಡ ಎಂದಿದ್ದಾರೆ. ಅಷ್ಟೇ ಅಲ್ಲದೆ ಇನ್ನು ಬಲವಂತ ಮಾಡಿದರೆ ಪೊಲೀಸ್ ಗೆ ದೂರು ನೀಡುತ್ತೇವೆ ಎಂದು ಹೇಳಿ ಈ ಸಹೋದರಿಯರು ಮದುವೆ ನಿಲ್ಲಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.