ಮಚಿಲ್ ನಕಲಿ ಎನ್ ಕೌಂಟರ್: ಆರು ಮಂದಿ ಸೇನಾ ಸಿಬ್ಬಂದಿಗೆ ಜೀವಾವಧಿ ಶಿಕ್ಷೆ

ಜಮ್ಮು: 2010ರಲ್ಲಿ ಜಮ್ಮು-ಕಾಶ್ಮೀರದ ಮಚಿಲ್ ನಲ್ಲಿ ನಡೆದ ನಕಲಿ ಎನ್ ಕೌಂಟರ್ ನಲ್ಲಿ ಮೂವರು ಯುವಕರನ್ನು ಕೊಂದು ಹಾಕಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ 6 ಮಂದಿ ಸೇನಾಧಿಕಾರಿಗಳಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.

ಆರು ಮಂದಿ ಸೇನಾ ಸಿಬ್ಬಂದಿಗಳಾದ ಕರ್ನಲ್ ದಿನೇಶ್ ಪತಾನಿಯಾ, ಕ್ಯಾಪ್ಟೆನ್ ಒಪಿಂದ್ರಾ, ಹವಲ್ದರ್ ದೇವೇಂದರ್ ಕುಮಾರ್, ಲಾನ್ಸ್ ನಾಯಕ್ ಲಕ್ಮಿ, ಲಾನ್ಸೆ ನಾಯಕ್ ಅರುಣ್ ಕುಮಾರ್ ಮತ್ತು ಅಬ್ಬಾಸ್ ಹುಸೇನ್ ಅವರನ್ನು ಅಪರಾಧಿಗಳೆಂದು ಕಳೆದ ನವೆಂಬರ್ ನಲ್ಲಿ ಘೋಷಿಸಲಾಗಿತ್ತು. ಅವರಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ ಎಂದು ಜಮ್ಮು-ಕಾಶ್ಮೀರದ ಉತ್ತರ ಕಮಾಂಡರ್ ಲೆ.ಕರ್ನಲ್ ಡಿ.ಎಸ್.ಹೂಡಾ ತಿಳಿಸಿದ್ದಾರೆ.

ಎಲ್ಲಾ ಕಾನೂನು ಕ್ರಮಗಳು ಮುಗಿದ ನಂತರ ಆರು ಮಂದಿ ಅಧಿಕಾರಿಗಳನ್ನು ಜೈಲಧಿಕಾರಿಗಳ ಮುಂದೆ ಹಾಜರುಪಡಿಸಲಾಗುವುದು. ಶಿಕ್ಷೆಗೊಳಗಾದವರು ಹೈಕೋರ್ಟ್ ನಲ್ಲಿ ಮೇಲ್ಮನವಿ ಸಲ್ಲಿಸಲು ಅವಕಾಶವಿದೆ.