ತಮಿಳು ಹಾಸ್ಯ ನಟ ವಿವೇಕ್ ಪುತ್ರ ನಿಧನ

ತಮಿಳುನಾಡು: ಡೆಂಗ್ಯೂ ಜ್ವರದಿಂದ ಬಳಲುತ್ತಿದ್ದ ತಮಿಳುನಾಡಿನ ಖ್ಯಾತ ಹಾಸ್ಯ ನಟ ವಿವೇಕ್ ಪುತ್ರ ಪ್ರಸನ್ನ ಕುಮಾರ್ (13) ನಿಧನರಾಗಿದ್ದಾರೆಂದು ಗುರುವಾರ ತಿಳಿದುಬಂದಿದೆ.

ಪ್ರಸನ್ನ ಕುಮಾರ್ (13) ಹಲವು ದಿನಗಳಿಂದಲೂ ತೀವ್ರ ಜ್ವರದಿಂದ ಬಳಲುತ್ತಿದ್ದ. 40 ದಿನಗಳಿಂದಲೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಇಂದು ಮಧ್ಯಾಹ್ನ ಸಾವನ್ನಪ್ಪಿದ್ದಾನೆಂದು ನಟ ವಿವೇಕ್ ತಿಳಿಸಿದ್ದಾರೆ.

13 ವರ್ಷ ಹರೆಯದ ಪ್ರಸನ್ನ ಕುಮಾರ್ ತಂದೆ ವಿವೇಕ್, ತಾಯಿ ಅರುಸೆಲ್ವಿ ಹಾಗೂ ಸಹೋದರಿಯರಾದ ಅಮೃತಾ ನಂದಿನಿ ಮತ್ತು ತೇಜಸ್ವಿನಿಯರನ್ನು ಅಗಲಿದ್ದಾರೆ.

ವಿವೇಕ್ ಪುತ್ರನ ಅಗಲಿಕೆಗೆ ಇಡೀ ತಮಿಳುನಾಡು ಚಿತ್ರರಂಗ ಕಂಬನಿ ಮಿಡಿದಿದ್ದು, ಸಾಮಾಜಿಕ ಜಾಲತಾಣದಾದ್ಯಂತ ಸಾಕಷ್ಟು ಸಂತಾಪಗಳು ವ್ಯಕ್ತವಾಗುತ್ತಿದೆ.