ಮ್ಯಾಗಿ ಪಾಸ್ತಾದಲ್ಲಿ ವಿಷಕಾರಿ ಅಂಶ ಪತ್ತೆ: ಆರೋಪ ತಳ್ಳಿ ಹಾಕಿದ ನೆಸ್ಲೆ
ನೆಸ್ಲೆ ಕಂಪನಿಯ ಮತ್ತೊಂದು ಉತ್ಪನ್ನವಾದ ಪಾಸ್ತಾದಲ್ಲಿ ವಿಷಕಾರಿ ಸೀಸದ ಅಂಶ ಪತ್ತೆಯಾಗಿದೆ ಎಂದು ಉತ್ತರ ಪ್ರದೇಶ ಸರ್ಕಾರದ...
Published On :
ನವದೆಹಲಿ: ನೆಸ್ಲೆ ಕಂಪನಿಯ ಮತ್ತೊಂದು ಉತ್ಪನ್ನವಾದ ಪಾಸ್ತಾದಲ್ಲಿ ವಿಷಕಾರಿ ಸೀಸದ ಅಂಶ ಪತ್ತೆಯಾಗಿದೆ ಎಂದು ಉತ್ತರ ಪ್ರದೇಶ ಸರ್ಕಾರದ ಅಧೀನದ ಪ್ರಯೋಗಾಲಯ ವರದಿ ಮಾಡಿದ್ದು, ಈ ಮೂಲಕ ಮ್ಯಾಗಿ ಮೇಲಿನ ನಿಷೇಧದಿಂದ ಚೇತರಿಸಿಕೊಂಡು ಹೊಸ ಉತ್ಪನ್ನ ಬಿಡುಗಡೆಗೊಳಿಸಿರುವ ನೆಸ್ಲೆ ಕಂಪನಿಗೆ ಮತ್ತೊಂದು ಸಂಕಟ ಎದುರಾದಂತಾಗಿದೆ.
ಉತ್ತರ ಪ್ರದೇಶದ ಮೌವಿಲೆಯಲ್ಲಿಯ ನೆಸ್ಲೆ ಉತ್ಪನ್ನಗಳನ್ನು ವಿತರಣೆ ಮಾಡುವ ಶ್ರೀಜಿ ಟ್ರೇಡರ್ಸ್ ಶೇಖರಿಸಿಟ್ಟಿದ್ದ ಪಾಸ್ತಾ ಮಾದರಿಗಳನ್ನು ಲಖ್ನೋ ನ್ಯಾಶನಲ್ ಫುಡ್ ಅನಾಲಿಸಿಸ್ ಲ್ಯಾಬರೇಟರಿಗೆ ಪರಿಶೋಧನೆಗೆ ಕಳುಹಿಸಿತ್ತು. ಈ ಮಾದರಿಗಳನ್ನು ಪರೀಕ್ಷಿಸಿದಾಗ 6 ಪಿಪಿಎಂ ಸೀಸದ ಅಂಶಗಳಿರುವುದು ಪತ್ತೆಯಾಗಿದೆ. ಅನುಮತಿಸಲಾದ 2.5 ಪಿಪಿ ಎಂ ಸೀಸದ ಅಂಶಗಳಿಗಿಂತಲೂ ಅಪಾಯಕಾರಿ ಮಟ್ಟದಲ್ಲಿ ಇರುವುದು ಪತ್ತೆಯಾಗಿದೆ ಎಂದು ಪ್ರಯೋಗಾಲಯ ಹೇಳಿದೆ.
ಆದರೆ ಈ ಆರೋಪವನ್ನು ತಳ್ಳಿ ಹಾಕಿರುವ ನೆಸ್ಲೆ ಕಂಪನಿ, ಪಾಸ್ತಾದಲ್ಲಿ ಯಾವುದೇ ವಿಷಕಾರಿ ಅಂಶ ಇಲ್ಲ. ಪಾಸ್ತಾ ಶೇ.100ರಷ್ಟು ಸುರುಕ್ಷಿತವಾಗಿದ್ದು, ಉತ್ಪನ್ನ ತಯಾರಾಗುವ ವೇಳೆ ಪ್ರತಿಹಂತದಲ್ಲೂ ಪರೀಕ್ಷೆಗೆ ಒಳಪಡಿಸಲಾಗಿದೆ. ಹಾಗಾಗಿ, ಪಾಸ್ತಾ ಶೇ.100ರಷ್ಟು ಸುರಕ್ಷಿತ ಎಂದು ನೆಸ್ಲೆ ಕಂಪನಿ ಹೇಳಿದೆ.
ಈ ಸಂಬಂಧ ಪ್ರಯೋಗಾಲಯದ ಅಧಿಕಾರಿಗಳೊಂದಿಗೆ ಮಾತನಾಡಲಾಗುವುದು. ಅಧಿಕಾರಿಗಳ ಹೇಳಿಕೆಗಳನ್ನು ತಪ್ಪಾಗಿ ಅರ್ಥೈಸಿಕೊಳ್ಳಲಾಗಿದೆ. ಪಾಸ್ತಾದಲ್ಲಿ ಯಾವುದೇ ವಿಷಕಾರಿ ಅಂಶ ಇಲ್ಲ. ನೂರಕ್ಕೆ ನೂರರಷ್ಟು ಸುರಕ್ಷಿತವಾಗಿದ್ದು, ಜನತೆ ಇದನ್ನು ಬಳಸಬಹುದಾಗಿದೆ ಎಂದು ನೆಸ್ಲೆ ಕಂಪನಿ ಸ್ಪಷ್ಟನೇ ನೀಡಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.