ದೀಪಾವಳಿಗೆ ಮಾಲಿನ್ಯದಲ್ಲಿ ಮುಳುಗುವ ನಗರಗಳು

ನವದೆಹಲಿ: ದೀಪಾವಳಿ ಬಂತೆಂದರೆ ಸಾಕು, ಪಟಾಕಿ ಸದ್ದು ಜೋರಾಗಿ ಇರುತ್ತದೆ. ನಗರ ಪ್ರದೇಶಗಳಲ್ಲಿ ಇದು ಹೆಚ್ಚು. ದೀಪಾವಳಿ ಸಂದರ್ಭದಲ್ಲಿ ಉಳಿದ ಸಮಯಗಳಿಗಿಂತ ವಾಯು ಮಾಲಿನ್ಯ ಅಧಿಕ. ಅದರಲ್ಲೂ ದೇಶದ ರಾಜಧಾನಿ ದೆಹಲಿಯಲ್ಲಿ  
ಕೇಳುವುದೇ ಬೇಡ. ಬಹುತೇಕ ಮಂದಿ ಪಟಾಕಿ ಹಚ್ಚಿ ಉಳಿದ ಸಮಯಗಳಿಗಿಂತ 23 ಪಟ್ಟು ಹೆಚ್ಚು ವಾಯುಮಾಲಿನ್ಯವಾಗುತ್ತದಂತೆ.ಇದು ಇತರ ಮೆಟ್ರೊಪಾಲಿಟನ್ ನಗರಗಳಲ್ಲಿ ಸಹ ಅಧಿಕ ಎನ್ನುತ್ತಾರೆ ತಜ್ಞರು.
 
ದೆಹಲಿ ಮಾಲಿನ್ಯ ನಿಯಂತ್ರಣ ಮಂಡಳಿ ನೀಡಿರುವ ಅಂಕಿಅಂಶ ಪ್ರಕಾರ, ಪ್ರತಿವರ್ಷ ಈ ಸಂಖ್ಯೆ ಹೆಚ್ಚಾಗುತ್ತದೆ. ದೀಪಾವಳಿ ಸಮಯದಲ್ಲಿ ಸಂಜೆ 6 ಗಂಟೆಯ ನಂತರ ಪಟಾಕಿ ಹಚ್ಚಲು ಆರಂಭಿಸಿದರೆ ರಾತ್ರಿ 10 ಗಂಟೆಯವರೆಗೆ, ಮಧ್ಯರಾತ್ರಿ ಇನ್ನೂ ಜಾಸ್ತಿಯಾಗುತ್ತದೆ. ಈ ಸಮಯಗಳಲ್ಲಿ ವಾತಾವರಣ ಅತ್ಯಂತ ಕಲುಷಿತವಾಗಿದ್ದು, ಮರುದಿನ ಬೆಳಗ್ಗೆ 6 ಗಂಟೆಯವರೆಗೆ ಇದೇ ರೀತಿ ಇರುತ್ತದೆ.

ನಿರ್ದಿಷ್ಟ ಮಟ್ಟಕ್ಕಿಂತ ಜಾಸ್ತಿ ವಾತಾವರಣ ಕಲುಷಿತಗೊಳ್ಳುವುದು ಆರೋಗ್ಯದ ದೃಷ್ಟಿಯಿಂದ ತೊಂದರೆ ಎಂದು ವೈದ್ಯರು ಹೇಳುತ್ತಾರೆ. ಅಸ್ತಮಾ ಹಾಗೂ ಇತಹ ಉಸಿರಾಟ ತೊಂದರೆ, ಹೃದ್ರೋಗ ಸಮಸ್ಯೆಗಳಿಂದ ಬಳಲುತ್ತಿರುವವರಿಗೆ, ಮಕ್ಕಳು ಮತ್ತು ವೃದ್ಧರ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ.