ಯುಪಿಯಲ್ಲಿ 3 ದಲಿತ ಹುಡುಗಿರ ಮೃತದೇಹ ಪತ್ತೆ, ಪೋಷಕರಿಂದ ಗ್ಯಾಂಗ್‌ರೇಪ್ ಆರೋಪ

ಲಖನೌ: ಉತ್ತರಪ್ರದೇಶದ ದೇವರಿಯ ಜಿಲ್ಲೆಯ ಮೂವರು ದಲಿತ ಹುಡುಗಿಯರು ಕಳೆದ ಶುಕ್ರವಾರ ನಾಪತ್ತೆಯಾಗಿದ್ದು, ಅವರ ಮೃತದೇಹಗಳು ಶನಿವಾರ ಪತ್ತೆಯಾಗಿದ್ದು, ಹುಡುಗಿಯರ ಮೇಲೆ ಅತ್ಯಾಚಾರ ಮಾಡಿ ಕೊಲೆ ಮಾಡಲಾಗಿದೆ ಎಂದು ಪೋಷಕರು ಆರೋಪಿಸಿದ್ದಾರೆ.

ಮೃತಪಟ್ಟಿರುವ ಮೂವರು ಹುಡುಗಿಯರ ಪೈಕಿ ಇಬ್ಬರು ಅಪ್ರಾಪ್ತೆಯರಾಗಿದ್ದು, ಇವರೆಲ್ಲ ಕಟಿಯಾರ್ ಗ್ರಾಮದವರು ಎಂದು ಹೇಳಲಾಗುತ್ತಿದೆ.

ಮೂವರು ಹುಡುಗಿಯರ ಪೈಕಿ ಒಬ್ಬಳಿಗೆ 18 ವರ್ಷ, ಅಪ್ರಾಪ್ತೆ ಬಾಲಕಿಯರಿಗೆ 13 ಮತ್ತು 9 ವರ್ಷದವರಾಗಿದ್ದು, ಇವರೆಲ್ಲ ಶುಕ್ರವಾರ ಮಧ್ಯಾಹ್ನ ಹಸುಗಳಿಗೆ ಮೇವು ಸಂಗ್ರಹಿಸಲು ತೆರಳಿದ್ದು, ಮತ್ತೆ ಮನೆಗೆ ವಾಪಸ್ಸಾಗಿರಲಿಲ್ಲ ಪೋಷಕರ ಹೇಳಿದ್ದಾರೆ.

ಮಾರನೇ ದಿನ ಅವರ ಮೃತದೇಹಗಳು ನಿರ್ಜನ ಪ್ರದೇಶದಲ್ಲಿ ಪತ್ತೆಯಾಗಿದ್ದು, ಅವರ ತಲೆ ಮತ್ತು ಕುತ್ತಿಗೆ ಮೇಲೆ ಗಾಯದ ಗುರುತುಗಳಾಗಿವೆ. ಮರಣೋತ್ತರ ಪರೀಕ್ಷೆಗಾಗಿ ಮೃತದೇಹಗಳನ್ನು ಕಳಿಸಿದ್ದು ವರದಿಗಾಗಿ ಪೊಲೀಸರು ಕಾಯುತ್ತಿದ್ದಾರೆ.

ತಲೆಗೆ ತೀವ್ರ ಗಾಯಗಳಾಗಿರುವುದರಿಂದ ಅವರು ಮೃತಪಟ್ಟಿದ್ದು, ಅವರ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದೆ ಇಲ್ಲ ಎಂಬುದನ್ನು ಮರಣೋತ್ತರ ವರದಿ ನಂತರ ತಿಳಿಸಿಲಾಗುವುದು ಎಂದು ದೇವರಿಯ ಪೊಲೀಸ್ ವರಿಷ್ಠಾಧಿಕಾರಿ ಮನೋಜ್ ಕುಮಾರ್ ಹೇಳಿದ್ದಾರೆ.