ಚರ್ಚೆಗೆ ನಾನು ಸಿದ್ಧ: ಸುಷ್ಮಾ ಸ್ವರಾಜ್

ನವದೆಹಲಿ: ಲಲಿತ್ ಮೋದಿ ವಿವಾದದಿಂದ ಪ್ರತಿಪಕ್ಷಗಳ ತೀವ್ರ ಟೀಕೆಗೆ ಗುರಿಯಾಗಿರುವ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್, ತಾವು ಈ ಕುರಿತು ಸಂಸತ್ತಿನಲ್ಲಿ ಚರ್ಚೆ ನಡೆಸಲು ಸಿದ್ಧವಿರುವುದಾಗಿ ಹೇಳಿದ್ದಾರೆ.

''ನಾನು ಇಂದೇ ಚರ್ಚೆ ನಡೆಸಲು ಸಿದ್ಧನಿದ್ದೇನೆ. ಇದನ್ನು ರಾಜ್ಯಸಭೆಯಲ್ಲಿ ಕೂಡ ತಿಳಿಸುವಂತೆ ಅರುಣ್ ಜೇಟ್ಲಿ ಅವರ ಬಳಿ ಹೇಳಿದ್ದೆ. ಅವರು ಸದನ ಸದಸ್ಯರಿಗೆ ತಿಳಿಸಿದ್ದಾರೆ. ವಿರೋಧಪಕ್ಷದವರ ಪ್ರತಿಕ್ರಿಯೆಗಾಗಿ ನಾವು ಕಾಯುತ್ತಿದ್ದೇವೆ ಎಂದು ಅವರು ಟ್ವಿಟ್ಟರ್ ನಲ್ಲಿ ಟ್ವೀಟ್ ಮಾಡಿದ್ದಾರೆ.

ಸಂಸತ್ತಿನ ಮುಂಗಾರು ಅಧಿವೇಶನ ಆರಂಭ ದಿನವಾದ ಇಂದು ಲಲಿತ್ ಮೋದಿ ವಿವಾದ ಕಲಾಪವನ್ನು ನುಂಗಿ ಹಾಕಿತು.ಮೇಲ್ಮನೆಯಲ್ಲಿ ಲಲಿತ್ ಮೋದಿ ವಿವಾದ ಪ್ರಸ್ತಾಪಿಸಿದ ಕಾಂಗ್ರೆಸ್ ಸದಸ್ಯರು ಸುಷ್ಮಾ ಸ್ವರಾಜ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ಪಟ್ಟು ಹಿಡಿದರು. ಎರಡು ಬಾರಿ ಅಧಿವೇಶನವನ್ನು ಮುಂದೂಡಲಾಯಿತು. 

ಮಧ್ಯಾಹ್ನ ಭೋಜನ ನಂತರ ಸೇರಿದರೂ ತೀವ್ರ ಗದ್ದಲ, ಕೋಲಾಹಲದ ಕಾರಣ ಕಲಾಪ ಮುಂದುವರೆಸಲಾಗದೆ ನಾಳೆಗೆ ಮುಂದೂಡಲಾಯಿತು.