ದ್ವಾರಕಾನಾಥ್ ಕೊಟ್ನೀಸ್ ಸಹೋದರಿ ಮನೋರಮಾ ಕೊಟ್ನೀಸ್ ನಿಧನ

ನವದೆಹಲಿ: ಭಾರತ-ಚೀನಾ ಸ್ನೇಹದ ಚಿಹ್ನೆ ಎಂದೇ ಖ್ಯಾತಿ ಗಳಿಸಿದ್ದ ಡಾ.ದ್ವಾರಕಾನಾಥ್ ಕೊಟ್ನೀಸ್ ಅವರ ಸಹೋದರಿ ಮನೋರಮಾ ಕೊಟ್ನೀಸ್ ಅವರು ಶುಕ್ರವಾರ ನಿಧನರಾಗಿರುವುದಾಗಿ ತಿಳಿದುಬಂದಿದೆ.

ಮನೋರಮಾ ಕೊಟ್ನೀಸ್ ಅವರಿಗೆ 94 ವರ್ಷ ವಯಸ್ಸಾಗಿದ್ದು, ತಡರಾತ್ರಿ ಮುಂಬೈನಲ್ಲಿರುವ ತಮ್ಮ ವಿಲೆ ಪಾರ್ಲೆ ನಿವಾಸದಲ್ಲಿ ಮನೋರಮಾ ಕೊನೆಯುಸಿರೆಳೆದರು ಎಂದು ಕುಟುಂಬಸ್ಥರು ಹೇಳಿದ್ದಾರೆ.

1937-45ರ ಚೀನಾ-ಜಪಾನ್ ಸಮರ ಕಾಲದಲ್ಲಿ ಚೀನಾ ದೇಶಕ್ಕೆ ವೈದ್ಯಕೀಯ ಸೇವೆ ಸಲ್ಲಿಸಲು ಭಾರತದಿಂದ ಕಳುಹಿಸಲಾಗಿದ್ದ 5 ವೈದ್ಯರ ತಂಡದಲ್ಲಿ ದ್ವಾರಕಾನಾಥ ಕೊಟ್ನೀಸ್ ಅವರು ಒಬ್ಬರಾಗಿದ್ದರು. ಕೆನಡಾದ ಡಾ.ಬೆಥೂನೆ ಅವರ ಜೊತೆಗೆ ಚೀನಾದ ಜನರಿಗೆ ವೈದ್ಯಕೀಯ ಸೇವೆಯನ್ನು ನಿರಂತರವಾಗಿ ಸಲ್ಲಿಸುವ ಮೂಲಕ ಭಾರತ-ಚೀನಾದ ಸ್ನೇಹದ ಚಿಹ್ನೆಯಾಗಿ ಕೊಟ್ನೀಸ್ ಅವರು ದಂತಕಥೆಯಾಗಿದ್ದರು.