ಹೆಣ್ಣಿಂದ 10 ಮಕ್ಕಳನ್ನು ಹೆರಲು ಸಾಧ್ಯವಿಲ್ಲ: ಅಜಂಖಾನ್

ಲಖನೌ: ಓರ್ವ ಹೆಣ್ಣಿಂದ 10 ಮಕ್ಕಳನ್ನು ಹೆರಲು ಸಾಧ್ಯವಿಲ್ಲ. ಒಂದು ವೇಳೆ 10 ಮಕ್ಕಳು ಬೇಕು ಎನ್ನುವುದಾದರೇ 4 ಪತ್ನಿಯರು ಬೇಕು ಎಂದು ಸಮಾಜವಾದಿ ಪಕ್ಷದ ಮುಖಂಡ ಅಜಂಖಾನ್ ಹೇಳಿದ್ದಾರೆ.

ಬಿಜೆಪಿ ಸಂಸದ ಸಾಕ್ಷಿ ಮಹಾರಾಜ್ ಅವರ 10 ಮಕ್ಕಳ ಹೆರುವ ಹೇಳಿಕೆ ಹಿನ್ನಲೆಯಲ್ಲಿ ಮಾತನಾಡಿದ ಅಜಂಖಾನ್ ಅವರು, ಓರ್ವ ಹೆಣ್ಣು 10 ಮಕ್ಕಳನ್ನು ಹೆರಲು ಸಾಧ್ಯವಿಲ್ಲ. ಆಕೆಯ ದೇಹ ವ್ಯವಸ್ಥೆ 2ರಿಂದ 3 ಮಕ್ಕಳನ್ನು ಮಾತ್ರ ಹೆರಲು ಶಕ್ತ್ಯವಾಗಿರುತ್ತದೆ. ಒಂದು ವೇಳೆ 10 ಮಕ್ಕಳು ಬೇಕೇ ಬೇಕು ಎನ್ನುವುದಾದರೆ 4 ಪತ್ನಿಯರನ್ನು ಹೊಂದಬೇಕಾಗುತ್ತದೆ ಎಂದು ಹೇಳಿದರು.

ಸಾಕ್ಷಿ ಮಹಾರಾಜ್ ಅವರ ಹೇಳಿಕೆ ಕುರಿತಂತೆ ವ್ಯಂಗ್ಯವಾಡಿದ ಅಜಂಖಾನ್ ಅವರು, '10 ಮಕ್ಕಳು ಬೇಕು ಎನ್ನುವ ಮೂಲಕ ಪರೋಕ್ಷವಾಗಿ ಅವರು, ಇಸ್ಲಾಂ ಅನ್ನು ಒಪ್ಪಿಕೊಂಡಿದ್ದಾರೆ. ಇಸ್ಲಾಂನಲ್ಲಿ ಬಹುಪತ್ನಿಯರನ್ನು ಹೊಂದುವ ಅವಕಾಶವಿದ್ದು, 10 ಮಕ್ಕಳನ್ನು ಹೆರಬೇಕು ಎಂದರೆ ಬಹುಪತ್ನಿಯರಿರಬೇಕು ಎಂದು ಹೇಳಿದರು.

ಅಜಂಖಾನ್ ಅವರ ಹೇಳಿಕೆ ಇದೀಗ ಮತ್ತೊಂದು ವಿವಾದಕ್ಕೆ ಕಾರಣವಾಗಿದ್ದು, ಸಾಕಷ್ಟು ಮಹಿಳಾ ಸಂಘಟನೆಗಳು ಹೇಳಿಕೆಯನ್ನು ಖಂಡಿಸಿವೆ.