ಮನೆ ಕೆಲಸದಾಕೆ ಮೇಲೆ ಹಲ್ಲೆ: ವಿನೋದ್ ಕಾಂಬ್ಳಿ ದಂಪತಿ ವಿರುದ್ಧ ಕೇಸು ದಾಖಲು

ಮುಂಬೈ: ಸಂಬಳ ಕೇಳಿದ ಮನೆ ಸಹಾಯಕಿಯ ಮೇಲೆ ಹಲ್ಲೆ ಮಾಡಿದ ಆರೋಪಕ್ಕೆ ಸಂಬಂಧಿಸಿ ಮಾಜಿ ಕ್ರಿಕೆಟಿಗ ವಿನೋದ್ ಕಾಂಬ್ಳಿ ಮತ್ತು ಅವರ ಪತ್ನಿ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ.

ಸೋನಿ ಎಂಬಾಕೆ ಕಳೆದ ಎರಡು ವರ್ಷಗಳಿಂದ ಮನೆ ಕೆಲಸ ಮಾಡುತ್ತಿದ್ದು, ಸಂಬಳ ಕೇಳಿದಾಗ ಕುಪಿತಗೊಂಡು ಕಾಂಬ್ಳಿ ಮತ್ತು ಅವರ ಪತ್ನಿ ಅಂಡ್ರಿಯಾ ಹೊಡೆದು ಮೂರು ದಿನಗಳವರೆಗೆ ರೂಮಿನಲ್ಲಿ ಕೂಡಿಹಾಕಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಐಪಿಸಿ ಸೆಕ್ಷನ್ 342,504,506 ಮತ್ತು 34 ರ ಅಡಿ ದಂಪತಿ ವಿರುದ್ಧ ಬಾಂದ್ರಾ ಪೊಲೀಸ್ ಠಾಣೆಯಲ್ಲಿ ಎಫ್ ಐಆರ್ ದಾಖಲಿಸಲಾಗಿದೆ.