ಸ್ವಾತಂತ್ರ್ಯ ದಿನದ ಮೋದಿ ಭಾಷಣ: ಒಆರ್ ಒಪಿ ಘೋಷಣೆ ಕೊನೆ ಹಂತದಲ್ಲಿ ರದ್ದಾಯ್ತು

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಕೆಂಪುಕೋಟೆಯಲ್ಲಿ ದೇಶವನ್ನುದ್ದೇಶಿಸಿ ಮಾಡಿದ ಸ್ವಾತಂತ್ರ್ಯ ದಿನದ ಭಾಷಣದಲ್ಲೇ ``ಸಮಾನ ಹುದ್ದೆ; ಸಮಾನ ಪಿಂಚಣಿ'' ಘೋಷಿಸಬೇಕೆಂದಿದ್ದರು. ಇದಕ್ಕಾಗಿ ಕೊನೆ ಕ್ಷಣದಲ್ಲಿ ಪ್ರಧಾನಿ ಕಾರ್ಯಾಲಯ ನಡೆಸಿದರೂ ಅದು ವಿಫಲವಾಯಿತು ನಿವೃತ್ತ ಸೇನಾ ಮುಖ್ಯಸ್ಥ ವಿ.ಪಿ. ಮಲಿಕ್ ಹೇಳಿದ್ದಾರೆ. ಈ ಬಗ್ಗೆ ``ಇಂಡಿಯನ್ ಎಕ್ಸ್‍ಪ್ರೆಸ್'' ಶುಕ್ರವಾರ ವರದಿ ಮಾಡಿದೆ.

ಈ ಕುರಿತು ನೌಕಾಪಡೆಯ ನಿವೃತ್ತ ಮುಖ್ಯಸ್ಥ ಅಡ್ಮಿರಲ್ ಸುರೇಶ್ ಮೆಹ್ತಾಗೆ ಇ-ಮೇಲ್ ಮಾಡಿರುವ ಅವರು, ಆ.10- ರಂದು ಪ್ರಧಾನಿ ಕಾರ್ಯಾಲಯವು ವಿವಾದವನ್ನು ಬಗೆಹರಿಸಲು ಮಧ್ಯವರ್ತಿಯಾಗಿ ಕೆಲಸ ಮಾಡುವಂತೆ ಮನವಿ ಮಾಡಿತ್ತು. ಈ ಮೂಲಕ ಅದು ಆ.15ರಂದೇ ``ಸಮಾನ ಹುದ್ದೆ; ಸಮಾನ ಪಿಂಚಣಿ'' ಘೋಷಿಸಲು ನಿರ್ಧರಿಸಿತ್ತು. ಆದರೆ, ಈ ಹಿಂದೆ ಉದ್ದೇಶಿಸಿ ದಕ್ಕಿಂತ ಕಡಿಮೆ ಹಣ ವಿನಿಯೋಗಿಸಲು ಸರ್ಕಾರ ಮುಂದಾದ ಹಿನ್ನೆಲೆಯಲ್ಲಿ ಹಿರಿಯ ಸೇನಾನಿಗಳು ಈ ಪ್ರಸ್ತಾಪವನ್ನು ತಿರಸ್ಕರಿಸಿ ದರು ಎಂದಿದ್ದಾರೆ.

ಯಾವಾಗ ಯೋಜನೆಯನ್ನು ಅನುಷ್ಠಾನಕ್ಕೆ ತರಬೇಕು ಮತ್ತು ಸಮಾನ ಶ್ರೇಣಿ ಮತ್ತು ಸಮಾನ ಪಿಂಚಣಿಯ ವ್ಯಾಖ್ಯಾನಕ್ಕೆ ಸಂಬಂಧಿಸಿದ ಗೊಂದಲಗಳು ಬಗೆಹರಿದಿಲ್ಲ. ಈ ಸಮಸ್ಯೆ ಪರಿಹಾರ ಕಾಣಬೇಕಾದರೆ ರಾಜಕೀಯ ನಾಯಕರು ಮತ್ತು ನಿವೃತ್ತ ಸೇನಾನಿಗಳು ನೇರ ಮಾತುಕತೆ ನಡೆಸುವ ಮೂಲಕ ಪರಿಹಾರ ಕಂಡುಕೊಳ್ಳಬಹುದು ಎಂದಿದ್ದಾರೆ
-
-ಜ.ಮಲಿಕ್