‘ನನಗೆ ಯಾವ ಪ್ರೆಸ್ಟೀಜ್ ಇಲ್ಲ, ಕುಮಾರಸ್ವಾಮಿ ಏನು ಮಾಡಿದ್ರೊ, ಅದನ್ನು ಮುಂದುವರಿಸುತ್ತಿದ್ದೇನೆ ಅಷ್ಟೇ’: ಡಿ.ಕೆ ಶಿವಕುಮಾರ್; Video

ಬೆಂಗಳೂರು: ಬಿಡದಿ ಟೌನ್ ಶಿಪ್ ವಿಚಾರವಾಗಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮತ್ತೆ ಪ್ರತಿಕ್ರಿಯಿಸಿದ್ದಾರೆ. ‘ನನಗೆ ಯಾವ ಪ್ರೆಸ್ಟೀಜ್ ಇಲ್ಲ. ಕೇಂದ್ರ ಸಚಿವ ಹೆಚ್ ಡಿ ಕುಮಾರಸ್ವಾಮಿ ಏನು ಮಾಡಿದ್ರು, ಅದನ್ನು ಮುಂದುವರಿಸುತ್ತಿದ್ದೇನೆ ಅಷ್ಟೇ ’ ಎಂದು ಹೇಳಿದ್ದಾರೆ.

ಇಂದು ಬೆಂಗಳೂರಿನಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು, ಯಾರೂ ಕೂಡ ರಸ್ತೆ ತಡೆಮಾಡಬಾರದು. ರಸ್ತೆ ಯಾಕೆ ತಡೆಮಾಡಬೇಕು? ರಸ್ತೆ ತಡೆಮಾಡುವುದರಿಂದ ಸಾರ್ವಜನಿಕರಿಗೆ ತೊಂದರೆ ಆಗುತ್ತಿದೆ ಎಂದರು.

ಯಾವ ರೈತರನ್ನೂ ಒತ್ತಾಯ ಮಾಡಿಲ್ಲ. ಇಷ್ಟವಿದ್ದವರು ಜಮೀನು ಕೊಡುತ್ತಾರೆ. ಇಲ್ಲದಿದ್ದರೆ ಕೊಡೋದು ಬೇಡ ಎಂದರು.

ನೀವು ಯಾರೂ ಜಮೀನು ಕೊಡಬೇಡಿ ಅಂತಾನೇ ಹೇಳ್ತಿದ್ದೀನಿಲ್ಲಾ? ಇಷ್ಟವಿದ್ದವರು, ಪಾಪ ಬದುಕಬೇ ಕಾದವನು, ದುಡ್ಡು ಬೇಕಾದವನು ಮಾರಾಟ ಮಾಡ್ತಾನೆ. ಬೇಡ ಅಂದವರು ಬಿಡ್ತಾರೆ. ನನಗೇನು ಪ್ರೆಸ್ಟೀಜ್ ಇಲ್ಲ. ಕುಮಾರಸ್ವಾಮಿ ಏನು ಮಾಡಿದ್ರೊ ಅದನ್ನು ಮುಂದುವರಿಸುತ್ತಿದ್ದೇವೆ ಅಷ್ಟೇ’ ಎಂದರು.