New Year 2026: ಪೊಲೀಸ್ ಬಿಗಿ ಭದ್ರತೆ ನಡುವೆ ಹೊಸ ವರ್ಷ ಸ್ವಾಗತಿಸಿದ ಬೆಂಗಳೂರು ಜನತೆ; Video

ಬೆಂಗಳೂರು: ಹೊಸ ವರ್ಷ 2026ನ್ನು ಆಚರಿಸಿ ಸಂಭ್ರಮಿಸಲು ಬೆಂಗಳೂರು ಜನತೆ ಪ್ರಸಿದ್ಧ ಬ್ರಿಗೇಡ್ ರಸ್ತೆ, ಎಂ ಜಿ ರಸ್ತೆ, ಚರ್ಚ್ ಸ್ಟ್ರೀಟ್ ಗಳಲ್ಲಿ ಸೇರಿದ್ದರು.

ಎಂಜಿ ರಸ್ತೆ, ಬ್ರಿಗೇಡ್ ರಸ್ತೆ ಜಂಕ್ಷನ್ ಮತ್ತು ಚರ್ಚ್ ಸ್ಟ್ರೀಟ್‌ನಲ್ಲಿ ಕಳೆದ ರಾತ್ರಿ ಹಬ್ಬದ ವಾತಾವರಣವಿತ್ತು, ಬಿಗಿ ಭದ್ರತಾ ವ್ಯವಸ್ಥೆಗಳ ಅಡಿಯಲ್ಲಿ ಹೆಚ್ಚಿನ ಜನಸಮೂಹ ಸೇರಿತ್ತು. ಪೊಲೀಸ್ ಸಿಬ್ಬಂದಿ ಜನಸಂದಣಿಯನ್ನು ನಿಯಂತ್ರಿಸುತ್ತಿದ್ದಂತೆ ನಿರಂತರವಾಗಿ ಸಾರ್ವಜನಿಕ ಸುರಕ್ಷತಾ ಪ್ರಕಟಣೆಗಳು ಪ್ರತಿಧ್ವನಿಸಿದವು.

ಸೌಂಡ್ ನಿರ್ದೇಶನ ನಿರ್ಲಕ್ಷ್ಯ

ಹೊಸ ವರ್ಷ ಸಂಭ್ರಮಾಚರಣೆಯಲ್ಲಿ ಸದ್ದು, ಗದ್ದಲ ಮಟ್ಟವನ್ನು ಕಟ್ಟುನಿಟ್ಟಾಗಿ ನಿಯಂತ್ರಿಸಲು ಪೊಲೀಸರು ಪಬ್‌ಗಳು ಮತ್ತು ರೆಸ್ಟೋರೆಂಟ್‌ಗಳಿಗೆ ನೀಡಿದ ನಿರ್ದೇಶನಗಳನ್ನು ಹೆಚ್ಚಾಗಿ ನಿರ್ಲಕ್ಷಿಸಲಾಯಿತು. ಚರ್ಚ್ ಸ್ಟ್ರೀಟ್‌ನಲ್ಲಿ, ಪಬ್‌ಗಳಿಂದ ಬಂದ ಜೋರಾದ ಮ್ಯೂಸಿಕ್ ಪೊಲೀಸರ ನಿಯಮವನ್ನು ಉಲ್ಲಂಘಿಸಿದಂತಿತ್ತು. ಪದೇ ಪದೇ ಎಚ್ಚರಿಕೆ ನೀಡಿದ ನಂತರವೂ ಪಾಲಿಸದಿದ್ದಾಗ ಪೊಲೀಸರು ಒಂದೆರಡು ಪಬ್ ಗಳಿಂದ ಸ್ಪೀಕರ್‌ಗಳನ್ನು ವಶಪಡಿಸಿಕೊಂಡರು. ಚರ್ಚ್ ಸ್ಟ್ರೀಟ್‌ನಲ್ಲಿರುವ ಪಬ್‌ಗಳ ಹೊರಗೆ ಹಲವಾರು ಗ್ರಾಹಕರು ನಿಂತಿರುವುದು ಕಂಡುಬಂತು.

ಜನಸಂದಣಿ ನಿಯಂತ್ರಣ ಕ್ರಮಗಳ ಭಾಗವಾಗಿ, ಹೂವು ಮಾರಾಟಗಾರರು ಮತ್ತು ಚಾಟ್ಸ್ ಮಾರಾಟಗಾರರು ಸೇರಿದಂತೆ ಬೀದಿ ವ್ಯಾಪಾರಿಗಳು ಈ ಪ್ರದೇಶದಲ್ಲಿ ಕಾರ್ಯನಿರ್ವಹಿಸುವುದನ್ನು ನಿರ್ಬಂಧಿಸಲಾಗಿತ್ತು. ಪ್ರಮುಖ ಜಂಕ್ಷನ್‌ಗಳಲ್ಲಿ ಪ್ರವೇಶ ದ್ವಾರಗಳನ್ನು ತಾತ್ಕಾಲಿಕ ಸುರಕ್ಷತಾ ದ್ವಾರಗಳಿಂದ ಬ್ಯಾರಿಕೇಡ್ ಮಾಡಲಾಗಿತ್ತು. ಅಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ ಹ್ಯಾಂಡ್‌ಬ್ಯಾಗ್‌ಗಳನ್ನು ಹೊಂದಿರುವ ಜನರಿಗೆ ಪ್ರವೇಶವನ್ನು ನಿರಾಕರಿಸಲಾಯಿತು.

ಅಂಗಡಿಗಳು ಬೇಗನೆ ಮುಚ್ಚಲ್ಪಟ್ಟವು, ಜನಸಂದಣಿ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಲು ಪ್ರಾರಂಭಿಸಿದಾಗ ಬ್ರಿಗೇಡ್ ರಸ್ತೆಯ ಉದ್ದಕ್ಕೂ ಇರುವ ಅಂಗಡಿಗಳನ್ನು ರಾತ್ರಿ 8 ಗಂಟೆಯೊಳಗೆ ಮುಚ್ಚುವಂತೆ ಸೂಚಿಸಲಾಯಿತು. ಇಂದಿರಾನಗರ, ಕಲ್ಯಾಣ್ ನಗರ, ಜೆ.ಪಿ. ನಗರ ಮತ್ತು ಕೋರಮಂಗಲಗಳಲ್ಲಿಯೂ ಹೊಸ ವರ್ಷಾಚರಣೆ ಕಂಡುಬಂತು.

ಜನಪ್ರಿಯ ಪಾರ್ಟಿಗಳಿಗೆ ಹೆಸರುವಾಸಿಯಾದ ಈ ಎಲ್ಲಾ ಪ್ರದೇಶಗಳಲ್ಲಿ, ರಾತ್ರಿ 9 ಗಂಟೆ ನಂತರ, ಪೊಲೀಸ್ ಸಿಬ್ಬಂದಿ ಕಟ್ಟೆಚ್ಚರ ವಹಿಸಿದ್ದರಿಂದ ಜನಸಂದಣಿ ಹೆಚ್ಚಾಯಿತು. ಆಯುಕ್ತ ಸೀಮಂತ್ ಕುಮಾರ್ ಸಿಂಗ್ ನೇತೃತ್ವದ ನಗರ ಪೊಲೀಸರು ಭದ್ರತಾ ವಿಷಯದಲ್ಲಿ ರಾಜಿ ಮಾಡಿಕೊಳ್ಳಲಿಲ್ಲ. ತಪಾಸಣೆ ಇಲ್ಲದೆ ಯಾರೂ ಆವರಣಕ್ಕೆ ಪ್ರವೇಶಿಸದಂತೆ ಪೊಲೀಸ್ ಸಿಬ್ಬಂದಿ ಖಚಿತಪಡಿಸಿಕೊಂಡರು. ಹಿಂದಿನ ವರ್ಷಗಳಿಗಿಂತ ಭಿನ್ನವಾಗಿ, ಜನಸಂದಣಿಯನ್ನು ಈ ವರ್ಷ ಉತ್ತಮವಾಗಿ ನಿರ್ವಹಿಸಲಾಯಿತು. ಇದು ವಿಶೇಷವಾಗಿ ಕೋರಮಂಗಲದಲ್ಲಿ ಕಡಿಮೆ ದಟ್ಟಣೆಗೆ ಕಾರಣವಾಯಿತು. ಜನದಟ್ಟಣೆಯನ್ನು ತಡೆಗಟ್ಟಲು ತುರ್ತು ವಾಹನಗಳು, ಪೊಲೀಸ್ ಘಟಕಗಳು ಮತ್ತು ನಿಯಂತ್ರಿತ ಪ್ರವೇಶ ವ್ಯವಸ್ಥೆಗಳನ್ನು ಯಶಸ್ವಿಯಾಗಿ ಜಾರಿಗೆ ತರಲಾಯಿತು.

ಜನಸಂದಣಿ ದಟ್ಟಣೆಯನ್ನು ತಾತ್ಕಾಲಿಕವಾಗಿ ನಿರ್ವಹಿಸಲು ಗೊತ್ತುಪಡಿಸಿದ ಹೋಲ್ಡಿಂಗ್ ಪ್ರದೇಶಗಳನ್ನು ಸಹ ಗುರುತಿಸಲಾಗಿತ್ತು. ಬ್ಯಾರಿಕೇಡ್ ಮಾಡಿದ ರಸ್ತೆಗಳು ಮತ್ತು ಸ್ಪಷ್ಟ ಚಿಹ್ನೆಗಳ ಮೂಲಕ ಜನಸಂದಣಿಯನ್ನು ಮಾರ್ಗದರ್ಶನ ಮಾಡುವಲ್ಲಿ ಸಾರ್ವಜನಿಕ ಪ್ರಕಟಣೆಗಳು ಹೆಚ್ಚಾಗಿ ಪರಿಣಾಮಕಾರಿಯಾಗಿದ್ದವು.

ಮಹಿಳಾ ಸಹಾಯ ಕೇಂದ್ರಗಳು ಮತ್ತು ಮಹಿಳಾ ಅಧಿಕಾರಿಗಳ ಸುಧಾರಿತ ಉಪಸ್ಥಿತಿಯ ಹೊರತಾಗಿ, ಸುರಕ್ಷಿತ ವಲಯಗಳು ಮಹಿಳೆಯರು ಮತ್ತು ಯುವ ವಯಸ್ಕರಿಗೆ ಸುರಕ್ಷತೆಯನ್ನು ಖಾತ್ರಿಪಡಿಸಿದವು.

ಇಂದಿರಾನಗರದಲ್ಲಿಯೂ ಸಹ, ಹೊಸ ವರ್ಷದ ಸಂಭ್ರಮಾಚರಣೆ ಏನೂ ಕಮ್ಮಿಯಾಗಿರಲಿಲ್ಲ. ಹಲವರು ಪಬ್‌, ಬಾರ್ ಗಳಿಗೆ ಪ್ರವೇಶಿಸಲು ಬುಕಿಂಗ್‌ಗಳನ್ನು ಹೊಂದಿದ್ದರು. ಪಬ್‌ಗಳ ಹೊರಗೆ ದೊಡ್ಡ ಸಾಲುಗಳು ಕಂಡುಬಂದವು, ಅಲ್ಲಿ ಸಾಕಷ್ಟು ಗ್ರಾಹಕರಿದ್ದರು.

ಡಿಸೆಂಬರ್ 31 ರ ಉದ್ದಕ್ಕೂ, ರೈಡ್ ಅಗ್ರಿಗೇಟರ್ ಅಪ್ಲಿಕೇಶನ್‌ಗಳಲ್ಲಿ ಬುಕಿಂಗ್‌ಗಳಲ್ಲಿ ಕುಸಿತ, ಓಲಾ, ಉಬರ್ ಮತ್ತು ರಾಪಿಡೊದಂತಹ ರೈಡ್ ಅಗ್ರಿಗೇಟರ್ ಅಪ್ಲಿಕೇಶನ್‌ಗಳಲ್ಲಿ ಬುಕಿಂಗ್‌ಗಳು ಸಾಮಾನ್ಯಕ್ಕಿಂತ ಕಡಿಮೆ ಇದ್ದವು ಎಂದು ARDU ನ ಪ್ರಧಾನ ಕಾರ್ಯದರ್ಶಿ ಡಿ ರುದ್ರಮೂರ್ತಿ ಹೇಳಿದರು.