ನಾಯಿಯನ್ನು ನಿರ್ದಯವಾಗಿ ಥಳಿಸಿದವರ ವಿರುದ್ಧ ಖಾಕಿಯಿಂದ ಪ್ರಕರಣ ದಾಖಲು

ಬೆಂಗಳೂರು: ಕೆಲವು ವ್ಯಕ್ತಿಗಳು ನಾಯಿಯನ್ನು ನಿರ್ದಯವಾಗಿ ಥಳಿಸಿದ್ದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ಬೆನ್ನಲ್ಲೆ ಇಂತಹ ಕೃತ್ಯ ಎಸಗಿದ್ದ ವ್ಯಕ್ತಿಗಳ ವಿರುದ್ಧ ಬೆಂಗಳೂರು ಪೊಲೀಸರು ಪ್ರಕರಣ ದಾಖಲಿಸಲಿದ್ದಾರೆ. 

ಘಟನೆಯ ವೀಡಿಯೊದಲ್ಲಿ ಇಬ್ಬರು ಪುರುಷರು  ಕೋಲುಗಳಿಂದ ನಾಯಿಯನ್ನು ಕ್ರೂರವಾಗಿ ಹೊಡೆಯುವುದು ಸೆರೆಯಾಗಿತ್ತು. ಮಧ್ಯಪ್ರವೇಶಿಸಲು ಪ್ರಯತ್ನಿಸಿದ ವ್ಯಕ್ತಿಯೊಬ್ಬರನ್ನು ತಳ್ಳಿರುವುದು ಕೂಡ ಈ ವೀಡಿಯೋದಲ್ಲಿ ದಾಖಲಾಗಿದೆ.

ನೋವಿನಿಂದ ನೆಲದ ಮೇಲೆ ಮಲಗಿದ್ದ ನಾಯಿಯನ್ನು ಇಬ್ಬರು ವ್ಯಕ್ತಿಗಳು ಹೊಡೆಯುವುದನ್ನು ಮುಂದುವರೆಸಿದರು ಮತ್ತು ನಾಯಿಯ ಮಾಲೀಕರ ಕುಟುಂಬವು ಅವರನ್ನು ಎದುರಿಸಲು ಪ್ರಯತ್ನಿಸಿ ನಂತರ ಅಲ್ಲಿಂದ ಹೊರಟು ಹೋದರು.

ಇದನ್ನೂ ಓದಿ: ದೊಡ್ಡಬಳ್ಳಾಪುರ: ತನ್ನ ನೋಡಿ ನಾಯಿ ಬೊಗಳಿದ್ದಕ್ಕೆ ಆಕ್ರೋಶ; ಅಟ್ಟಾಡಿಸಿಕೊಂಡು ಹೋಗಿ ಗುಂಡಿಟ್ಟು ಕೊಂದ ಉದ್ಯಮಿ

ಸೋಮವಾರ ರಾತ್ರಿ ಸಾಕಿದ ನಾಯಿ ಬೊಗಳಿದ ಕಾರಣ ಆ ವ್ಯಕ್ತಿಗಳು ಅದರ ಮೇಲೆ ಹಲ್ಲೆ ನಡೆಸಿದ್ದಾರೆ. ನಾಯಿಯ ಮಾಲೀಕರು ಗಾಯಗೊಂಡ ನಾಯಿಯನ್ನು ಪಶು ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಪೊಲೀಸರ ಪ್ರಕಾರ ಮಾಲೀಕರು ಶೀಘ್ರದಲ್ಲೇ ಅಧಿಕೃತ ದೂರು ದಾಖಲಿಸುತ್ತಾರೆ. ಕೆಆರ್ ಪುರಂ ಪೊಲೀಸ್ ಠಾಣಾ ವ್ಯಾಪ್ತಿಯ ಪೂರ್ವ ಬೆಂಗಳೂರಿನ ಮಂಜುನಾಥ ಲೇಔಟ್ ನಲ್ಲಿ ಘಟನೆಯ ವರದಿಯಾಗಿದೆ.