ಸ್ವಾತಂತ್ರ್ಯೋತ್ಸವ 75ನೇ ವರ್ಷಾಚರಣೆ: ನಮ್ಮ ಮೆಟ್ರೋ ದಾಖಲೆ, 8.25 ಲಕ್ಷ ಮಂದಿ ಪ್ರಯಾಣ

ಬೆಂಗಳೂರು: ಸ್ವಾತಂತ್ರ್ಯೋತ್ಸವದ 75ನೇ ವರ್ಷಾಚರಣೆ ಹಿನ್ನಲೆಯಲ್ಲಿ ಆಗಸ್ಟ್ 15ರಂದು ನಮ್ಮ ಮೆಟ್ರೋ ರೈಲಿನಲ್ಲಿ ದಾಖಲೆಯ ಪ್ರಯಾಣಿಕರು ಪ್ರಯಾಣಿಸಿದ್ದು, ಇದು ಈ ಹಿಂದಿನ 6.1 ಲಕ್ಷಕ್ಕಿಂತ ಹೆಚ್ಚು ಎನ್ನಲಾಗಿದೆ.

ಹೌದು.. ಆಗಸ್ಟ್ 15 ಸ್ವಾತಂತ್ರ್ಯ ದಿನದಂದು ಮಧ್ಯರಾತ್ರಿಯ ಸುಮಾರಿಗೆ ಅಂದರೆ ಮೆಟ್ರೋ ರೈಲಿನ ದಿನದ ಕಾರ್ಯಾಚರಣೆ ಮುಗಿದಾಗ, ಸೋಮವಾರ ನಮ್ಮ ಮೆಟ್ರೋ ರೈಲಿನಲ್ಲಿ 8,25,190 ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ಇದು ಸವಾರರ ಐತಿಹಾಸಿಕ ಗರಿಷ್ಠ ಮಟ್ಟವನ್ನು ಮುಟ್ಟಿದ್ದು, ಅದರ ಹಿಂದಿನ ಅತ್ಯಧಿಕ ಸಂಖ್ಯೆಯ 6.1 ಲಕ್ಷಕ್ಕಿಂತ (ಅಕ್ಟೋಬರ್ 25, 2019) ಎರಡು ಲಕ್ಷಕ್ಕಿಂತ ಹೆಚ್ಚು ಎನ್ನಲಾಗಿದೆ. 

ಇದನ್ನೂ ಓದಿ: ಸ್ವಾತಂತ್ರ್ಯದಿನಾಚರಣೆ: ಕೊನೆಗೂ ಚಾಮರಾಜಪೇಟೆ ಮೈದಾನದಲ್ಲಿ ತ್ರಿವರ್ಣ ಧ್ವಜಾರೋಹಣ, ಪಟಾಕಿ ಸಿಡಿಸಿ ಸಂಭ್ರಮಿಸಿದ ಸ್ಥಳೀಯರು

ಶಾರ್ಟ್ ಲೂಪ್ ರೈಲುಗಳು, ಹೆಚ್ಚುವರಿ ಕೌಂಟರ್‌ಗಳನ್ನು ತೆರೆಯುವುದು, ಭದ್ರತಾ ತಪಾಸಣೆಗಾಗಿ ಹೆಚ್ಚಿನ ಸಿಬ್ಬಂದಿಯನ್ನು ನಿಯೋಜಿಸುವುದು, ನಿಲ್ದಾಣಗಳ ಹೊರಗಿನ ಸ್ಥಳೀಯ ಪೊಲೀಸರ ಸಹಾಯವನ್ನು ಪಡೆಯುವುದು ಸೇರಿದಂತೆ ಅಪಾರ ಪ್ರಮಾಣದ ಪ್ರಯಾಣಿಕರ ನಿರ್ವಹಿಸಲು ಬೆಂಗಳೂರು ಮೆಟ್ರೋ ರೈಲು ಕಾರ್ಪೊರೇಷನ್ ಲಿಮಿಟೆಡ್ (BMRCL) ನಿರ್ವಹಿಸಲು ಸಾಧ್ಯವಿರುವ ಎಲ್ಲವನ್ನೂ ಮಾಡಬೇಕಾಗಿತ್ತು.

ಅಪರೂಪದ ನಿದರ್ಶನದಲ್ಲಿ, ಪರ್ಪಲ್ ಲೈನ್‌ನಲ್ಲಿ 2,58,984 ಪ್ರಯಾಣಿಕರು ಸವಾರಿ ಮಾಡಿದ್ದು, ಗ್ರೀನ್ ಲೈನ್ 4,02,068 ಸವಾರರು ಪ್ರಯಾಣಿಸಿದ್ದಾರೆ. ಈ ಹಿಂದೆ ಗರಿಷ್ಠ ಪ್ರಯಾಣದ ದಾಖಲೆ ಪರ್ಪಲ್ ಲೈನ್ ನಲ್ಲಿತ್ತು. ಫ್ಲವರ್ ಶೋಗೆ ರಿಟರ್ನ್ ಪೇಪರ್ ಟಿಕೆಟ್ ನೀಡಿದ ಲಾಲ್‌ಬಾಗ್ ನಿಲ್ದಾಣ ಮತ್ತು ಕಾಂಗ್ರೆಸ್ ಕಾರ್ಯಕರ್ತರಿಗೆ 80,000 ಪೇಪರ್ ಟಿಕೆಟ್‌ಗಳನ್ನು ನೀಡಿದ ನ್ಯಾಷನಲ್ ಕಾಲೇಜು ನಿಲ್ದಾಣ ಈ ಸಾಧನೆ ಮಾಡಲು ಕಾರಣವಾಯಿತು ಎಂದು ಬಿಎಂಆರ್ ಸಿಎಲ್ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಮೈಲುಗಟ್ಟಲೇ ಹಾಡಿಯಲ್ಲಿ ಸಾಗಿ ಆದಿವಾಸಿ ಕುಗ್ರಾಮಗಳಲ್ಲಿ 'ತ್ರಿವರ್ಣ ಧ್ವಜ' ವಿತರಿಸಿದ ಅಧಿಕಾರಿಗಳು!

ಕಾರ್ಯಾಚರಣೆ ಮತ್ತು ನಿರ್ವಹಣೆಯ ಕಾರ್ಯನಿರ್ವಾಹಕ ನಿರ್ದೇಶಕ ಶಂಕರ್ ಅವರು ಟಿಎನ್‌ಐಇ ಜೊತೆ ಮಾತನಾಡಿದ್ದು, 'ನಾವು ಪರ್ಪಲ್ ಲೈನ್‌ನಲ್ಲಿ (ಕೆಂಗೇರಿಯಿಂದ ಬೈಯಪ್ಪನಹಳ್ಳಿ ಮತ್ತು ಹಿಂದಕ್ಕೆ) 163 ಟ್ರಿಪ್‌ಗಳನ್ನು ಮತ್ತು ಗ್ರೀನ್ ಲೈನ್‌ನಲ್ಲಿ (ಸಿಲ್ಕ್ ಇನ್‌ಸ್ಟಿಟ್ಯೂಟ್‌ನಿಂದ ನಾಗಸಂದ್ರ ಮತ್ತು ಹಿಂದಕ್ಕೆ) 161 ಟ್ರಿಪ್‌ಗಳನ್ನು ನಡೆಸಿದ್ದೇವೆ. ಅದರ ಜೊತೆಗೆ, ನಾವು ಲಾಲ್‌ಬಾಗ್ ಮೆಟ್ರೋ ನಿಲ್ದಾಣ ಮತ್ತು ನಾಗಸಂದ್ರ ಮತ್ತು ನ್ಯಾಷನಲ್ ಕಾಲೇಜು ಮತ್ತು ಗ್ರೀನ್ ಲೈನ್‌ನಲ್ಲಿ ನಾಗಸಂದ್ರದ ನಡುವೆ ಮಾತ್ರ ಸಣ್ಣ ಲೂಪ್ ಟ್ರಿಪ್‌ಗಳನ್ನು ನಡೆಸಿದ್ದೇವೆ ಎಂದು ಹೇಳಿದರು.

ಪ್ರಯಾಣದ ವೇಳೆ ಪ್ರಯಾಣಿಕರು ಬೋಗಿಗಳಿಂದ ಹೊರಬಿದ್ದಿದ್ದರಿಂದ ಹಲವೆಡೆ ರೈಲಿನ ಬಾಗಿಲು ಮುಚ್ಚಲು ಸಾಧ್ಯವಾಗಲಿಲ್ಲ. ಬಿಎಂಆರ್‌ಸಿಎಲ್‌ನ ಎಂಡಿ ಅಂಜುಮ್ ಪರ್ವೇಜ್, “ನಾವು ನಿನ್ನೆ ಇತಿಹಾಸವನ್ನು ಸೃಷ್ಟಿಸಿದ್ದು, ಇದು ನಮ್ಮ ಹಿಂದಿನ ಅತ್ಯಧಿಕಕ್ಕಿಂತ ಪ್ರಯಾಣಿಕರ ಸಂಖ್ಯೆಗಿಂತ 2 ಲಕ್ಷ ಹೆಚ್ಚು ಎಂದು ಹೇಳಿದ್ದಾರೆ.